هل هذه زوجة كاملة!!

من زوج إلى زوج يفرق وأنا من تجربتي الشخصية وتجارب الأخوات في مجتمعي أرى أن الزوج يفضل الزوجة الثقيلة وحالة الأخت إلي ذكرتيها نادرة عندنا ..

بعتقادي انه الرجال مايستاهل كل هذا الاهتمام
لان الرجال مايحس بقيمة الزوجة الا لما تكون
مطنشااااااه ومتجاهله

الرجل يحب المرأه اللي تحبـّـه باعتدال ..

يعني لابد يكون له وقته الخاص فيه .. ويحب يحس باستقلالية شوي خاصة اذا كان برّى البيت أو جالس مع أصحابه أو في الدوام ..!!

حلو انها تتصل عليه وتتطمن عليه مثلاً اذا كان مسافر .. بس وسط الديرة مالها داعي كل دقيقة متصلة عليه ..!!

بالعكس هالشئ بيسبب نفور بينهم .. !!!

هذا رأيي .. وأرى كثير من الرجال .. خاصة اللي يخونون زوجاتهم .. تلاقين أكثر السبب من الزوجه نفسها وكثرة تلصقها في زوجها ..!!

ما يصلح كذا والله انتي الخسرانة والندمانة ..!!!

مثل ما أنتي تحبين يكون لك جو خاص ترتاحين فيه وتستانسين فيه مع صديقاتك وأهلك .. بعد الرجل يحتاج لمثل هالوقت وهالحريـّـة ..!!

والمرأه اللي تتنازل عن طلعاتها ووناستها مقابل أنها تجلس مقابلة زوجها بالبيت 24 ساعة .. هذي أعرفي ان عندها مشكلة نفسية يا أنها تشك بزوجها أو العكس ..!!

:)

~

هذا فهم خاطئ للزواج
بالعكس لازم تكون اجتماعية ومو كل اهتمامها لزوجها

منووني;14491684:
بعتقادي انه الرجال مايستاهل كل هذا الاهتمام
لان الرجال مايحس بقيمة الزوجة الا لما تكون
مطنشااااااه ومتجاهله

كلامك صحيح اختي وكل ما كانت ثقيله كل ما زاد مقدار حبها عند زوجها:celebrate:

الحب يعمي العيون والقلوب

أنا مع الاخت منووني صح كلامها ١٠٠ / ١٠٠

على حسب الرجال اذا كان ذهب ما احد يرخص فيه
واذا كان مو زين وياها ما تقدر تسوي جذي

حلو ان الوحده تهتم في بيتها وزوجها وعياالها بس هب بالطريقه هااذي

المفرووض اتقسم أوقااتها .. اتخلي وقت لنفسها يعني اتمارس هواياتها ...

ووقت لزوجها يشووف أمووره بدون ماهي تتدخل فيها

ابجذيه بيشتااقون لبعض وما بيحصل نفوور بينهم .... أما كل شووي امجاابلين بعض

صدقيني بيصبهم ملل وطفش بعد @.@

انا للحين مو متزوجة
بس من خبرتي مع خطيبي
طنشيه وشوفي العجب
تري احيانا كتر الحب يخنق

انا من وجهة نظري ما يعتمد على الريال يعتمد على المره لانه هاذي حياتها يعني فيه نوع من البنات همها في الدنيا انها تتزوج عاد بتقولن غلط صح اهيا جذي تفكيرها او اهيا نفسيتها هلون تبي تصير ربه منزل مثل ما يقولون يمكن ماتفلح في دراستها او شي ثاني وماعندها شي تسويه في دنيتها غير انها تتزوج وتيب عيال وتخدم زوجها وانا هالتفكير كذا وحده من ربعي او ربع اختي اجوفه فيهم يعني احسها مستانسه وموب فارقه عندها انها تكون شخصية مستقله او لا او تكون لها علاقات اجتماعيه غير زوجها فمااقدر اقول انها فاهمه الزاوج غلط صج انا مستحيل اصير هلون وانسى نفسي واكرس حياتي حق زوجي وبس لكن هم كل انسان في النهايه وعنده هدف وممكن البنت اللي من هالنوع هدفها انها تنعزل عن الناس وتكون بس حق زوجها وبيتها
عاد الريايل اصلا شنو يعجبهم اذا حطتها على راسها ودارت فيه طالع غيرها وماتم عذروب ما حطه فيها واذا اهملته واثقلت عليه بعد جاف له جوفه والمره وعليه ضايعه بالطوشه

الطيـــــــر يهرب من القفص
ويبحث عن الحريـــــــــه
رغم انه شارب ماكل مو ناقصه شئ...

.. أمــ عــلــيــ ..;14492203:
الرجل يحب المرأه اللي تحبـّـه باعتدال ..

يعني لابد يكون له وقته الخاص فيه .. ويحب يحس باستقلالية شوي خاصة اذا كان برّى البيت أو جالس مع أصحابه أو في الدوام ..!!

حلو انها تتصل عليه وتتطمن عليه مثلاً اذا كان مسافر .. بس وسط الديرة مالها داعي كل دقيقة متصلة عليه ..!!

بالعكس هالشئ بيسبب نفور بينهم .. !!!

هذا رأيي .. وأرى كثير من الرجال .. خاصة اللي يخونون زوجاتهم .. تلاقين أكثر السبب من الزوجه نفسها وكثرة تلصقها في زوجها ..!!

ما يصلح كذا والله انتي الخسرانة والندمانة ..!!!

مثل ما أنتي تحبين يكون لك جو خاص ترتاحين فيه وتستانسين فيه مع صديقاتك وأهلك .. بعد الرجل يحتاج لمثل هالوقت وهالحريـّـة ..!!

والمرأه اللي تتنازل عن طلعاتها ووناستها مقابل أنها تجلس مقابلة زوجها بالبيت 24 ساعة .. هذي أعرفي ان عندها مشكلة نفسية يا أنها تشك بزوجها أو العكس ..!!

:)

~

كادي الدلوعه;14494542:
الطيـــــــر يهرب من القفص
ويبحث عن الحريـــــــــه
رغم انه شارب ماكل مو ناقصه شئ...

:thumbs_up:
بس بعد اقول يختلف من زوج لزوج وطبايعه وحياته وتفكيييره
ترى في ازواج يحبوون جذي
ومن اهلي بعد:)

زوجي كان جنبي وقريت له القصه

قلت له اشرايك في هالنوع .؟؟

قال صراحه حلو الزوجه تكون معتدله في حبها واهتمامها ..

يعني ماتتصل له كل خمس دقايق وتلصق فيه اربعه وعشرين ساعه

لا الرجال راح يمل ولا راح يشتاق لها نهائي ..

وراح يعتبرها صديقه عاديه او اخت متعود عليها مش زوجه !!!

وهذا رايي ايضا ..

أنا برد على هالموضوع
لأن توني بس إسبوع اللي راح متناقشه فيه مع زوجي هههههه

الله يسلمك
عندي ثنتين من صديقاتي يعني أكثر من صديقات خوات تقدري تقولي
لكن فجأة بعد الزواج وإنجاب الأطفال كل وحده ابتعدت عن علاقة الصديقات وصارت لزوجها وأولادها وبس ومانشوفهم إلا إذا في مناسبه زواج عندهم ولا ولاده يخبرونا عشان نزورهم ولا هم يزوروا أحد لأ !


كنت أتسائل هل الزوج لهالدرجه ياخذ زوجته من أهلها وخواتها وصديقاتها ومن عالمها كله
وسويت إستفتاء سألت كذا وحده من الأهل
وتقريبا الكل أجمع ليي ان مو هذي هي الحياة والزوج نفسه محتاج وقت يبتعد فيه عن زوجته ويكون وقت خاص به
وأيضا الزوجه اللي تسوي كذا هي في حقيقة نفسها ماتبغى إستمرارا العلاقات الإجتماعيه اللي حواليها وتحط السبب زوجها وأطفالها !!


ومن وجهة نظري

الزوجه واجبها تطيع زوجها وتهتم فيه لكن مو لدرجه ترتبط به زي ظله لايروح ولايجي إلا وياها وإذا خلته يطلع أمطرته بإتصالاتها الكثيفة
حب الزوجه لزوجها بحدود ولازم يكون يكون في حرية للطرفين والثقة بينهم أهم شيء
إذا مانوجدت الثقة بتلزق الزوجه في زوجها وتحس نفسها لازم تراقبه في تحركاته
طيب ليش تراقبيه ورب العباد يراقبه من فوقه !!
وكل حركه يسويها مسجله وليها حساب عند رب العالمين

وليش تحرمي نفسش من علاقاتش الإجتماعيه وي أهلش وصاحباتش وجيرانش واللي حوالينش
لدرجه أن وحده من صاحباتي هذولا الثنتين حتى زيارات لأهلها أنقطعت صارت تقريبا مره كل إسبوع لو إسبوع ونصف !! حتى واحد من أولادها صار يحب أهل أبوه أكثر من أهل أمه ويخاف منهم !!
طيب ليش حتى أهلي أبتعد عنهم عشان زوجي وأولادي
مااقول الزوج والأولاد يخلوهم في المرتبه الثانيه لكن لازم أقوي العلاقه بين زوجي وأولادي من جهه وبين أهلي من جهه ثانية

والصديقة الثانيه صارت حتى مناسباتنا ماتحضر لنا مناسبات بحجة ولدي كل مريض وزوجي مشغول وهي لأ هي المشغولة وهي اللي ماتبغى العلاقه تستمر
وتالي تتصل عندي زواج تفضلوا !!
طيب تتوقعي بنحضر لش مناسباتش وأنتين ماتقدرينا ولاتوجبينا إذا صار عندنا ظرف سواء فرح ولا حزن
صح ولا لأ؟؟
عامل الناس كما تحب أن تعامل

حتى الناس بتكره المرأه اللي تسوي كذا وبينعزلوا عنها وماحد يقدر يعيش من غير أهل ومن غير صاحبات إلا إذا كان معقد أو مريض نفسياً

يعني حركة اللزقه الزايده في الزوج
أولاً بتنفر الزوج منها
لان الزوج مايحب من يراقبه ولايحب الزوجه اللي من كثر مالازقه فيه حتى مايمديها تغير ملابس المطبخ أو حتى تتعدل له

وبعد بيقول الزوج مي عاطتني حريتي وممكن ماتشوفه إلا متزوج عليها ويقول أبغى حرية وشوية صلاحيات بعيده عنش

أو ممكن يتصرف تصرف مايرضيها زي وحده أعرفها لازقه في زوجها وحتى طلعات وي أصحابه تقول لأ أطلع معايي وخل أصحابك والنهايه سافر من غير ماتدري وصارت المشكله أعظم وأعظم
مهو قال لش برضاش مارضيتي يعني عجبش اللحين لما تصرف من عنده من غير علمش

وأيضاً الحريه الزايده للزوج بعد ماتصلح لأن بيهمل زوجته وهو مرتاح باله ان زوجته معطيته صلاحيات ماشاء الله

خير الأمور أوسطها

ثانياً بتنفر اللي حوالينها منها
لأن ماحد يحب المرأه الي تبغى الناس تجيها وتقدرها وفي نفس الوقت ماتبغى تزور الآخرين ولاتقدرهم ولاتهتم بظروفهم وتجي تشاركهم فرحهم أو تواسيهم في أحزانهم



اسمحي لي على الإطاله بس جاء هالموضوع على الجرح


والله يهدي الجميع ان شاء الله

طبعا حلو ان الوحدة تحب و تهتم بزوجها’ لكن بحدود, و اعتقد ان في اهتمامات ثانية و طموحات ممكن ان تحققها الى جانب كونها زوجة ناجحة. هذه الزوجة تنازلت عن حياتها الاجتماعية و كل طموحاتها و هواياتها.

شرايكم في هذا النوع من الزوجات؟؟ هل فهمهم للزواج صح؟ هل الزوج يحب هذا النوع من الزوجات؟

هذا انتي قلتيها .. حلو كل شي بحدود
البهارات اذا زادت على الطبخة تخربها

اكيد الزوج يحب ان زوجته تهتم فيه وتراعيه وتشوف طلباته ..
بس بعض الرجال اذا حس ان زوجته تبالغ في الاهتمام
وانه محور حياتها ومن غيره تضيع .. ..
يبدأ يتشرط ويتدلع ويفقع مرارتها بالطلبات ولا يعجبه العجب ساعتها :039:
و كمان مو حلو الوحدة من يوم ماتتزوج تسوي زي بعض الحريم طول وقتها زيارات وخرجات وعزايم .. برضه كذا يمل ويتضايق ..

بعض الحريم طبيعتها تكون اصلا مو اجتماعية ومالها في الخرجات كثير
مو عشانها طبيعتها كذا تقوم تفرض طريقتها عليه وتلصق له ..
يمكن هو اجتماعي وله اصحاب متعودين على الجمعات ..
تعطيه مساحة حرية .. مو تكتم على نفسه تخليه يكره حياته
تقدر تسوي لنفسها عالمها الخاص وهي في بيتها
تشوف لها هواية تقضي وقتها فيها ..
لو بيت اهلها في نفس منطقتها تاخذ يوم او يومين كل فترة تروح لاهلها تجلس عندهم
منه تغير جو... و منه تفك عنه شوية تخليه ياخذ نفسه لو يبغى يروح لاصحابه ياخذ راحته
مايحس ان وراه ناس في البيت مستنينه ويتنغص في جلسته مع اصحابه ويرجع البيت وقت مايحلى السهر ..

انا من النوع اللي ما احب احاصر ولا اتحاصر ..
الحب والاهتمام الزايد عن اللزوم حصار متعب ..
يخلي الواحد يحس بالملل .. والذنب في نفس الوقت
ملل من الخنقة لانه مو قادر يلاقي مساحة حرية يروق مع نفسه لوحده او يمارس هواية يحبها ..
ويحس بالذنب وانه مو وجه نعمة لانه شايف ان الطرف الثاني قاعد يعطيه من قلبه ..
وهو بينه وبين نفسه يتذمر من زيادة الاهتمام ..

يسلمو ياقمر موضوعك جووناااااان :083: