رجعت لكم بعد غياب عن قسمي المفضل
امس كنا بنزور بنت عمي المنومه فالمستشفى
فحبيت اودي لها شي يديد ومبتكر ومن شغلي
قعدت افكر وتذكرت فكره شفتها فالتلفزيون من جم يوم
واضفت عليها لمساتي الخاصه والحمدلله طلعت حلوه حبيتها
سهله وبسيطه وغير مكلفه
اول شي فكرت بالالوان ورسيت على الاحمر والبرتقالي
وطلعت كل الاغراض اللي عندي من هاللونين
*الادوات المستخدمه :-
فازه زجاجيه شفافيه
اعواد شواء خشبيه
كور فلين باللون الاحمر
ورق تغليف باللون الاحمر
خيوط ورقيه باللون البرتقالي
قش باللون البرتقالي
ورد مجفف باللون البرتقالي
ورود باللونين الاحمر والبرتقالي
تور باللونين البرتقالي والاحمر
فلين للقاعده
شوكلاته ميني
سلوفان
مقص
ومسدس الشمع
*ملاحظه: بعض الاغراض الموجوده ما استخدمتها في شغلي
*الطريقه :-
اول شي ابتديت اشتغل فالقاعده
قصيت الفلين على شكل دائره وغلفتها بورق التغليف الاحمر
قصيت الاعواد الخشبيه لثلاث اطوال مختلفه
وغرزت الشوكلاته فالاعواد بهالشكل
الفازه حشيتها بطبقات اول شي حطيت شوي من القش البرتقالي
وطبقه من كور الفلين الاحمر
وطبقة ثانيه من القش البرتقالي
وطبقه ثانيه من كور الفلين الاحمر
وآخر شي الورد البرتقالي المجفف
( صورت هالخطوه بس ماعرف ليش الصوره مب راضيه تنفتح )
بعدها ثبت القاعده وغرزت الشكولاته فيها لكن لاحظت ان في فراغ حوالينها
فغطيت الفراغات بالقش البرتقالي
؛
؛
وفكرت فتزين الفازه بشكل بسيط وايد
واهو اني خذت التور الاحمر وسويت منه فيونكه
واستعملت خيوط الورق البرتقالي وسوت منها فيونكه ثانيه
ولصقتهم على الفازه ولصقت معاهم ورده برتقاليه
وصارت عندي بهالشكل
آخر شي غلفتها بالسلوفان وربطتها بخيط الورق البرتقالي
( صورت هالخطوه بس ماعرف ليش الصوره مب راضيه تنفتح )
؛
؛
اتمنى تعجبكم