كل شي حلو رااح

بسم الله الرحمن الرحيم
.
.
.
في داخلي هم مايعلمه الا الله رب العالمين:'(
العام الماضي توفى اعز انسان على قلبي والدي الله يرحمه ويسكنه الجنه ويجعل ملتقانا الجنه
والى الان ماني قادره انساه كل شي يذكرني فيه
ابويه ماكان اب عادي كان حنون وطيب وله حس في البيت تأامنون بالله انه من يوم مات بيتنا ماعاد يسوا ماصار له طعم مثل اول صحيح نتجمع احنا واخواني عند الوالده ونحاول نرجع للبيت حياته وروحه بس بالرغم من كل هذا ينقصنا شي كبير ينقصنا اعز انسان في حياتنا كان والدي روحه شبابيه يحب يتعامل معنا كأنا اخوانه مو اولاده كان يحب يترريق يتابع الكوره يتونس يضحك يفرفش هذا غير النصائح والكلام الطيب اللي كان يعطينا اياه بس كل هذا راااح
يابنات احاول ابتعد عن التفكير عنه ماني قادره حتى صوره لسه عندي صور ثابته وصور فيديو موجوده في اللابتوب والجوال

وانا الحمدلله ماانساه من دعائي ومن الصدقه عنه ولله الحمد
بس الفــــــــــــــــــــــــــــــــــــــــــــــــــــــــــــــــراق
صــــــــــــــــــــــــــــــــــــــــــــــــــــعب

الله لايوريه لأحد


واللي زاد حزني كان لنا جاره ساكنه في شقه في بيتنا طلبنا منها البيت عشان اخوي بيسكن فيه طلعت منه وانا متحسفه على طلوعها
هذا ماتعتبر جاره وبس هذا اغلى من اقرب الناس لنا وقفت معانا وقفات ماننساها في حياتنا يكفي وقفتها في عزا ابوي وفي زواجاتنا جميعا
نقلت الاسبوع اللي راح وشالت عفشها وللاسف بيسكن بدالها زوجة اخوي
التي لاوجه للمقارنه بينها وبين جارتنا

تخيلوا
خسرنا اعز اثنين في خلال سنه صحيح ان فراق الموت هو الاصعب لكن حتى الفراف في البيوت يحرق القلوب

اسمحولي يدي لاتقوى على الكتابه
لان عيناي اغرقت بالدموع

لكم تحياتي