استفسارات وتساؤلات الأمهات * الجزء التاسع *

مبروك الجزء الجديد يابنات يارب يجعلة وش الخير علينا وعلى عيالنا وعلى البلد كلها ان شاء اللة
انا عايزة اسال سؤال هو المفروض البيبى ياكل كام بيضة فى اليوم مع العلم انة بياكل الصفار بس ؟

razminia;14490665:
مبروك الجزء الجديد يابنات يارب يجعلة وش الخير علينا وعلى عيالنا وعلى البلد كلها ان شاء اللة
انا عايزة اسال سؤال هو المفروض البيبى ياكل كام بيضة فى اليوم مع العلم انة بياكل الصفار بس ؟

مبروك يا بنات الجزء الجديد وربنا يبارك لنا فى اولادنا وبناتنا وتكون ايامهم احسن من ايامنا

اما البيبى ياكل كام بيضه كفايه قوى واحده وطبعا البياض يعد السنه الاوله :thumbs_up:

مبروك الجزء الجديد يارب يحفظ مصر و يحفظ اولادنا وأهلنا من كل سوء.. المفروض البيبي يبدأ بعصاير ايه بعد الأربع شهور و اكل ايه غير السيريلاك في الأول كده؟

~OM-ADAM~;14491608:
مبروك الجزء الجديد يارب يحفظ مصر و يحفظ اولادنا وأهلنا من كل سوء.. المفروض البيبي يبدأ بعصاير ايه بعد الأربع شهور و اكل ايه غير السيريلاك في الأول كده؟

ازيك ياقمر وازى ادم دلوقتى يارب يكون بخير
بصى ياجميل ممكن تديلة تفاح مهروس والعصير بتاعة برضة ممكن برتقال بس متخفف على الاخر انا كنت بدية لمالك بعد ماتم الاربع شهور وممكن بسكوت مارى مهرووس بماية او باللبن بتاعة
والدكتور برضة كان كاتبلى على زبادى بس بصراحة ابنى تعب منة فى الاول كان بيرجعة على طول فقولت استنى شوية لحد مايتم ال 8 ان شاء اللة وابقى اديهولة
وكان كتبلى برضة على جبنة نستو وماتستغربيش فية ناس بتديها من ال7 شهور بس انا بصراحة كنت بديهالة وماشاء اللة كان بيحبها اوى كنت بقطعها قطع صغيرة وابططها بصباعى وكان بياكلها وبعديها بديلة بقين ماية كدة عشان يبلع والحمد للة مشيت
ربنا يحفظهولك ياجميل ان شاء اللة

نسيت اقولك ياام ادم ابنك لسة صغنن انا لسة شايفة التوقيع بتاعك دلوقتى استنى لغاية مايخلص الاربع شهور ويعدى منهم شوية انا عملت كدة مع مالك ماتستعجليش ياقمر عشان بس لا قدر اللة معدتة مش تتعب وربنا يخليهولك

بوسي متستعجليش ف الاكل خليها عصاير بس ربنا يحفظ ادم ان شاء الله

بس عشان ميجيلوش امساك انا حرمنت ادى تايا حاجه زى اكل او كده

أم مالك متحرمش منك ردك ممتاز تسلمي وآدم الحمدلله كويس أنتي عاملة ايه ومالك عامل ايه؟ آدم خلاص هيتم أربع شهور بكرة اهو الحمدلله بس لسه مش بدأت معاه الا سيريلاك ارز خفيف ومرتين بس لحد دلوقتي.. توكي أنا جربت معاه سيريلاك ارز مرتين بس مش جربت أي حاجة ثاني بس بيصعب عليا كل ما اكل أو اشرب يفتح بقو ويشد أيدي عليه وفرحان جدا بالسيريلاك هههههههه أنتي ابعدي عن الاكل اللي بيعمل امساك وألف سلامة عليها.. دلوقتي آدم بيعمل حاجة بتضايقني جدا وبيصعب عليا بابا و ماما يبقي نفسهم يلعبوا معاه أول ما يشوفهم يعيط جامد و مش ينزل من علي أيدي أنا و باباه مع انه الأول كان معاهم عادي جدا ضحك ولعب يعني دلوقتي ساعة ما يرضي عنهم يبصلهم أو يضحك وهو علي أيدي مش عارفه ليه التغيير ده؟ من بعد ما كمل ٣ شهور بقي كده مع كل الناس ده عادي ولا أعمل ايه؟

~OM-ADAM~;14493186:
أم مالك متحرمش منك ردك ممتاز تسلمي وآدم الحمدلله كويس أنتي عاملة ايه ومالك عامل ايه؟ آدم خلاص هيتم أربع شهور بكرة اهو الحمدلله بس لسه مش بدأت معاه الا سيريلاك ارز خفيف ومرتين بس لحد دلوقتي.. توكي أنا جربت معاه سيريلاك ارز مرتين بس مش جربت أي حاجة ثاني بس بيصعب عليا كل ما اكل أو اشرب يفتح بقو ويشد أيدي عليه وفرحان جدا بالسيريلاك هههههههه أنتي ابعدي عن الاكل اللي بيعمل امساك وألف سلامة عليها.. دلوقتي آدم بيعمل حاجة بتضايقني جدا وبيصعب عليا بابا و ماما يبقي نفسهم يلعبوا معاه أول ما يشوفهم يعيط جامد و مش ينزل من علي أيدي أنا و باباه مع انه الأول كان معاهم عادي جدا ضحك ولعب يعني دلوقتي ساعة ما يرضي عنهم يبصلهم أو يضحك وهو علي أيدي مش عارفه ليه التغيير ده؟ من بعد ما كمل ٣ شهور بقي كده مع كل الناس ده عادي ولا أعمل ايه؟

احنا الحمد للة كويسين وكل شهر وادم طيب العمر كلة يارب ان شاء اللة وفعلا ياتوكى ابعدى عن اى حاجة بتعمل امساك او حاولى توازنى مابين الاكل اللى بيعمل امساك واسهال وتحطيهم فى وجبة واحدة بس دة طبعا مش دلوقتى استنوا شوية ماتستعجلوش
ام ادم الناس بتاعة زمان كانت بتقولى ان البيبى اول لما تحسى انة بيبص على الاكل وعايزة عشان يلعب بية بقى يحطة فى بقة او اى حاجة تانية يبقى هو كدة ان شاء اللة يبقى مستعد للاكل مش عارفة الكلام دة صح ولا غلط بس كلام الناس بتوع زمان لا يعلى علية طبعا
والتغيير اللى عند ابنك دة عادى جدا ومايصعبش عليكى ولا حاجة هو بس كل الحكاية انة ابتدى يشوف العالم اللى حوالية وهى بتبقى مسالة تعود بس حاولى ماتغصبيش علية فى انة يرحلهم او يقعد فى حجرهم وكدة لان دة غلط
خلى مامتك او باباكى يمسكوا حاجة فى ايديهم هو بيحبها لعبة بتلعبية بيها حاجة معوداة انة يمسكها او بيحب الصوت بتاعها كدة يعنى وشوفى ردة الفعل بتاعتة هتبقى عاملة ازاى وواحدة واحدة هيرجع تانى
مالك كان كدة بس كان مع حمايا وحماتى بس الحمد للة بعد شوية ابتدى ياخد عليهم وهو اللى بيبقى عايز يروحلهم دلوقتى ماتقلقيش ياقمر

يا بنات ابني ان شاء الله هيتم 6 شهور بعد كام يوم ماشاء الله عليه عايزة اعرف اديله اكل ايه بقى بالظبط بالله عليكو و ياريت يكون حد من دكاتركتو قايلة ليكو يا قمرات يعني بالله عليكم كل واحدة تقولي دكتورها كان بيقولها تاكل ابنها او بنتها ايه في الفترة دي ان شاء الله

و يا قمرات دلوقتي لو حد بيفكر يسافر مصر في اخر الشهر ده تتوقعوا ان الجو يسمح دلوقتي و لا لسه بردو

صفار البيض يا ام مالك مش كل يوم خليه يومين فى الاسبوع بس كتره مش كويس
و الاكل من 6 شهور
ابتدى سيريلااك رز لمده اسبوع مثلا
فاكهة مسلوقة تفاح كمترى و الموز استنى عليه شوية كده شهر وللا حاجة
خضارمسلوق
جزر كوسا و استنى شويه و بعدها البطاطس بس ابقى اكليه فى الاول كل نوع لوحده لمده 3 ايام عشان الحساسية لا قدر الله
يعنى دخلى بعد السيريلااك الرز تفاح مثلا و بعدها الكترى كده

يابنات مبروك على التجمع الجديد بس انا كنت سألتكو في الموضوع اللي فات ومحدش رد عليا
كنت بقولكو ان جود لغايه دلوقتي عندها 9 شهور تقريبا ومش بتتقلب وهيا نايمه ولا بتزحف ولا سننت بس بتقعد لوحدها مع ان اوقات بردو بتقلب على ورا وهيا قاعده مش عارفه هيا بتعملها قاصده ولا بتقع غصب عنها
هو في حد في ولادكو متأخر كده ولا ايه

marioum27;14499014:
يابنات مبروك على التجمع الجديد بس انا كنت سألتكو في الموضوع اللي فات ومحدش رد عليا
كنت بقولكو ان جود لغايه دلوقتي عندها 9 شهور تقريبا ومش بتتقلب وهيا نايمه ولا بتزحف ولا سننت بس بتقعد لوحدها مع ان اوقات بردو بتقلب على ورا وهيا قاعده مش عارفه هيا بتعملها قاصده ولا بتقع غصب عنها
هو في حد في ولادكو متأخر كده ولا ايه

يك ياقمر كتكوتة اللى هى ايما ردت عليكى على فكرة بس عشان خاطر عيونك نقول كمان
بصى ياست البنات كل طفل ولية ظروفة ولية ظروف جسم معينة
مش معنى ان بنوتك جود القمر لسة مش بتتقلب ولا سننت وبتوقع وهى قاعدة يبقى هى فيها حاجة لاقدر اللة لا ياجميل
التسنين معاكى لحد سنة ونص لو لاقدر اللة بحد سنة ونص مطلعتش حتى نص سنة يبقى كدة روحى شوفى اية النظام قبل كدة لا دة كلام دكتور واللة
والقعاد على فكرة المرة اللى فاتت كنت عند دكتور مالك وقلتلة ان مالك لسة مابيقعدش لوحدة وممكن يقعد شوية لوحدة بس بيجى على جنب شوية على قدام شوية على ورا شوية كدة قالى بالحرف الواحد ملكيش دعوة بية اة واللة كل اللى قالهولى سيبية براحتة كل اللى عليكى تقعديها على الارض وتحوطليها حواليها بمخدات او شلت وتحطى قدامها اللعب اللى بتحبها وخلاص وكمان سمعت دكتور محمد رفعت فى التى فى بيقول ان فية فرق كبير بين القعاد بتاع البيبى وبين التوازن بتاعة القعاد دة ممكن يقعد لمدة 2 دقيقة لوحدة يبقى هو كدة كويس جدا لكن التوازن دة بيجى قدام شوية وعلى مهلة ماتستعجليش ياقمر كل طفل ولية ظروفة انتى بس اكليها كويس وهى ماشاء اللة عندها 9 شهور يعنى متاح ليها اكل كتير وممكن تاكل من اكلك كمان بس من غير بصل وتوم او مسبك واللحمة كمان اى حاجة تانية دوس يامعلم زودى بيض جبنة لبن سمك الحجات اللى فيها كالسيوم كتير وربنا ان شاء اللة يطمنك عليها قريب ويقر عينك بيها كمان وكمان يارب

razminia;14490665:
مبروك الجزء الجديد يابنات يارب يجعلة وش الخير علينا وعلى عيالنا وعلى البلد كلها ان شاء اللة
انا عايزة اسال سؤال هو المفروض البيبى ياكل كام بيضة فى اليوم مع العلم انة بياكل الصفار بس ؟

صفار واحد بس في اليوم ويفضل كمان مش كل يوم يعني يوم ويوم

ممكن تقولولى اجيب كام سلوبيت لانى هاولد في الصيف للبيت وكام واحد للخروج وامتى البيبى ممكن يلبس نصف كم يعنى وهو عنده كام شهر لانى مش هلبسه كده في الاول هيلبس ملابس قطن بكم وكمان نوع الحفاض الكويس غير البامبرز

السلام عليكم يا بنات

مبروك الجزء الجديد
ان شاء الله اتابع معاكو عشان انا خلاص قربت اولد
ادعولي


عاوزة اعرف يا بنات البيبي درينك المفروض البيبي بياخده اول ما بيتولد عشان اللبن بيكون قليل
مش كده ؟
المفروض ياخد منه اد ايه هو مكتوب الباكو ع 5ملل
دي كده تشبعه ولا ايه ؟
والمفروض ياخده كام مره ف اليوم

دودو ودومى;14507301:
ممكن تقولولى اجيب كام سلوبيت لانى هاولد في الصيف للبيت وكام واحد للخروج وامتى البيبى ممكن يلبس نصف كم يعنى وهو عنده كام شهر لانى مش هلبسه كده في الاول هيلبس ملابس قطن بكم وكمان نوع الحفاض الكويس غير البامبرز

ممكن 6 شايات كت و6 هدوم او سلوبتات كفاية اوى هيقضوه يدوبك اول شهر وهيصغروا على طول بس عشان الحر محتاجة تجيبى العدد ده عشان ماتبقيش بتغسلى علطول لانهم بيرجعوا كتير ويغرقوا نفسهم واحسن نوعين معايا لدلوقتى سانيتا بامبى وبيبى جوى

أم معاذ ربنا يقومك بالسلامة ياقمر بصي البيبي درينك ٥٠ ملل حلو جدا آدم كان بيشبع منها لحد شهرين كمان مش تقلقي.. وهي مرتين في اليوم بالكثير أو مرة واحدة ١٠٠ ملل علي ٢ كيس.. وفي الأول حتي لو اللبن قليل البيبي بيشبع منه الحمدلله وأنا اخذته معايا المستشفي وآدم اخذ منه علشان أنا ولدت قيصري واخذت وقت علي ما فقت م البنج و قدرت اقعد وارضعه الحمدلله

بنات ان شاء الله انا مسافرة اخر الاسبوع

مش عارفه اعمل ايه
ارضعه ازاي في المطار و الطيارة

و كمان هيستحمل ضغط الطيارة و لا لا

كيوت لولا;14509572:
بنات ان شاء الله انا مسافرة اخر الاسبوع

مش عارفه اعمل ايه
ارضعه ازاي في المطار و الطيارة

و كمان هيستحمل ضغط الطيارة و لا لا

توصلي بالسلامه ان شاء الله
بالنسبه للرضاعه تجيبي البطانيه او اللحاف بتوعه و تغطيه و تغطي نفسك معاه تحطي طرف البطانيه على كتفك و تغطي نفسك كويس بيه انا برضعه كده لما بكون عند حد او حد عندى و مبيكونش باين اى حاجه
و ضغط الطياره حطيله قطن في ودانه و الطياره بتطلع و بتهبط و رضعيه كمان في الوقت ده