كيف ادري اذا جهازي فيه فايروس

هلاا بك يالغلاا لبى قلبك بس كيف اسوي scan وين القاه انتي فايروس انا بصراحه ما اعرفه ولا اعرف كيف طريقته:(

اوكي اختي عندج برنامج انتي فايروس مثل كاسبر سكاي او نورتن انتي فايروس او افيرا او ايسيت او اي برنامج غير؟!؟
اذا ما عندج اي برنامج حملي هالبرنامج (افيرا) وثبتيه


وبعدين لما تفتحين البرنامج طقي scan system now وبس بيسوي scan حق جهازج كامل وبعدين بيطلع لج الفيروسات الموجودة وطقي repair all وبس


جربي وخبريني اذا عندج اي مشكلة...

حملته بس حابه اعرف هذا الي بسويه يعني يسوي فرمته للجهاز لاني ابي اعرف اذا فرمته احمل الملفاات الي عندي في مومري معليش على السؤال وحده ماتعرف حاجه في هالاشياء :)

لا لا حبيبتي لا تحاتين...
هذي مجرد يجوف وين الفيروسات ويمسح الفيرسات بس...

يسعد لي قبلك

انا فتحته وصرت اضغط على التالي الين فتح معي هالمربع



وبعده ضغطت التالي وطلع لي هالمربع يعني هو الي معاد خلااني اواصل يتوقف عليه شوفي شكله هنا




يعني ايش معناه اعبي البيانات الي في المربع الي قبل علشان اواصل العمليه او كيف

حبيبتي لازم تحطين المعلومات عنج ومو شرط المعلومات الصجية ومو شرط تملين كل المعلومات بس اهم شي اللي يمهم نجمه...
اختاري الtitle فاذا كنت مب متزوجة اختاري miss واذا متزوجة فاختاري mrs
first name يعني الاسم الاول ومو شرط تحطين اسمج الصجي
surname يعني الاسم الاخير لج ومو شرط تحطين الاسم الصجي بعد
email يعني تكتبين ايميلج
repeat email يعني تكررين الايميل
country يعني بلادج

واخر شي موجودين مربعين واول واحد يعني اذا تبينهم يطرشون لج ايميلات والمربع الثاني لازم تحطين فيه صح عشان يسجلونج انج تستخدمين برنامجهم...


جربي وخبريني شيصير وياج

تسلمين يالغاليه عبيت البياناات وبعدين ضغطت على التاالي الين طلع لي على سطح المكتب هالشكل ومعااه مفكره



فتحته وطلع لي هذا

اوكي اختي الحين طقي على scan system now
بيدور لج على الفيروسات وبياخذ وقت وبعدين مسحي الفيروسات عن طريق delete او repair all

فتحته وضغطت على الي قلتي جلس مده طويله وبعدين طلع لي مربع صغير مالقيت فيه دايلت بس لقيت repair all
وضغطته بعدين طلع لي مربع زي هذا وتوقف على هالشكل وبعدين ضغطت على انهاء ولا عاد طلع لي شي مدري الي سويته صح او مفروض ما اضغط انهاء اضغط الاختيار الاخر مع العلم ان الشكل حامي الفيروسات المكافي مازال يطلع لي في الشريط الي فوق بالاحمر

وهنا الشكل

خطواتج حبيبتي صح :thumbs_up:
هلون مسحتي الفيروسات الموجودة في الجهاز...
وعن الشريط قريت لج عنه هذي اداة اسمها McAfee SiteAdvisor Software
وهالاداة تراويج اي موقع فيه فايروسات واي موقع آمن... فيعني ما تبين لج اذا دش جهازج فايروس لا بس تحذرج من المواقع نفسها ويفضل تقللين من المواقع اللي فيها فايروسات عشان جهازج ما يلتقطها


اتمنى قدرت اساعدج واذا عندج استفسار غير انا حاضرة

يعني قصدك ان المواقع الي يطلع لي اللون الاحمر اذا دخلتهاا فيهاا فايروس يعني اخبر اصحابهاا

طيب انا فتحت جهازي اليوم من بعد المسح الباارح وطلع لي هذا يعني شكله يمسح مره ثانيه كيف اوقفه

اي اي بالضبط اختي...

اي طقي stop لان انتي خلاص سويتي scan فبس كل فترة سوي مرة لان اهوه البرنامج اصلا اذا جاف اي ملف يديد يدش جهازج فيه فايروس فيعطيج اشارة عشان تمسحينه...

طيب عندي كمن سؤال

1/ يعني بعد هالمسح ماله داعي اوديه للمحل واسوي له فرمته:)

2/ وش سبب تعليق الصفحاات هل من الفيروساات

3/تنصحيني اوديه لمحل واحمل حامي فيروس وايش حامي الفيروساات الكويس علشان احمله لان مثل ماشفتي الي عندي مكاافي وشكل حمايته انتهت


وآسفه على ازعاجك يسعدك الباري

بنت الفقيدة;14537713:
طيب عندي كمن سؤال

1/ يعني بعد هالمسح ماله داعي اوديه للمحل واسوي له فرمته:)

2/ وش سبب تعليق الصفحاات هل من الفيروساات

3/تنصحيني اوديه لمحل واحمل حامي فيروس وايش حامي الفيروساات الكويس علشان احمله لان مثل ماشفتي الي عندي مكاافي وشكل حمايته انتهت


وآسفه على ازعاجك يسعدك الباري

لا عادي اختي ولا يهمج

- لا ما يحتاي فورمت برايي...
- تعليق الصفحات ممكن يكون لها وايد اسباب ممكن اذا حافظة وايد اشياء في الجهاز يسبب التعليق... المهم نصيحتي طقي ادوات وبعدين خيارات الانترنت وبعدين في خانة عام طقي على delete وبعدين delete all وعقبه ان شاء الله بتلاحظين ان الصفحات صارت اسرع... بس اذا الجهاز كله بطيء فجربي تستخدمين برنامج لاصلاح مشاكل الريجستري
- تقدرين تحملين حامي الفيروسات بروحج مو شرط تودينه لمحل بس اذا تبين محل تقدرين عشان اسرع... وحامي الفيروسات احسن شي غير اللي عطيتج اياه اهوه نورتن برايي وممكن كاسبرسكاي

ماقدرت اقيمك لكن اقدر ادعي لك من قلبي ان الله اوفقك ويسعدك على صبرك معانا ولا يحرمك الاجر :)

كول ماقصرت

تم حل المشكلة