قلب فارغ

السلام عليكم اختي شريفة

ان شاء الله الاقي الحل اللي يريحني من اللي انا فيه
انا طالبة مبتعثة عمري ٢٥ سنة وبادرس في بريطانيا
طبعا في دا العمر اكتر البنات يكونوا امهات او على وشك الزواج
بس مع حظي التعيس الى الان لا انخطبت ولا شي ،ولا حتى عندي حبيب اتكلم معاه زي بعض البنات اللي عندهم
ليا كم يوم حاسة بفراغ مرررررررررررة كبير في قلبي
نفسي اتكلم مع شخص احبه ويحبني نتبادل همومنا وافراحنا بس طبعا بالحلال
بس مع الاسف كحال اي بنت متينة ما لها امل انها تتزوج في دا الزمن اللي كله يبغا نحيفة وبيضة
صرت كل ما اسمع انو وحدة اعرفها انخطبت احس بالقهر في قلبي ومن حظي النحس
يعني مو مدح في نفسي بس الحمد لله انا مو ناقصني شي
انا زي المثل اللي يقول سبعة صنايع والبخت ضايع
انا عايشة مع اخوية في دي الغربة
طبعا الاولاد معظم الوقت يخرجوا، لما يخرج اخوية ابقى لوحدي في البيت دايما اتمنى اني في دا الوقت اكون مخطوبة عالاقل يصير اتكلم مع خطيبي في وحدتي دي
انا عارفة الزواج قسمة و نصيب وكل شي بيد رب العالمين وبإذنه
بس بصراحة دا الموضوع مررررررررة تعبلي نفسيتي
ابغا حل ايش اسوي؟؟؟؟؟

وجزاكي الله خير على مساعدتك
وشكرا جزيلا
اختك في الله