ساعدوني بنتي ما تقدر تشرب الحليب

ممكن تكون عندها حساسية من الحليب .. وتب تغيرلها نوع الحليب

بنتي ترضع من عندي يعني رضاعه طبيعيه

ممكن من كثر الرضاعه التهب لسانها .حاولي تسهلي عليها عملية الرضاعه يعني حطيلها حليب ب ببرونه سهلة التسريب..........بتمنالها الشفاء يا رب

أني اللي أعرفه إن هذا اللي في اللسان يمكن لأن ما تشربينها شوية ماي

اكثر البيبيات يصيدهم جدي ,, روحي الحواج واخذي من عنده خيار شمبر ونقعيه في ماي ومسحي فيه لسانها
او بعد امسحي لسانها بزيت زيتون وبيروح ان شاء الله !!

هذا الشي طبيعي ولدي بعد كان لسانه ابيض من شرب الحليب تكونت عنده طبقه على لسانه

لكن بكل بساطة تشربينه ماء + نبات ويروح او حتى ماي بروحه بس عادة الاطفال في هالسن ما يرضون يشربون الماي بروحه فحطي سكر نبات عشان ترضى تشربه

وبالنسبة للزكام ولدي في المستشفى اول ما ولدته قام يعطس حبيبي وزكم لكن ما سويت له شي من دش ثلاثة اشهر راح عنه الزكام

أختي بالنسبه للطبقه البيضاء بلسانــــه هذي فطريات وحنا نسميها(زلق)والزيت الزيتون ممتاز لها
لفي ابهامك بشاش وبلليه بماء دافي وامسحي لسانه بعدين حطي زيت الزيتون على لسانه وكرري هالشي كل يوم حتى يخف
وفيه بالصيدليه مرهم لفطريات اللسان لكن والله ناسيه اسمه...لكن زيت الزيتون مجرب

والزكام مامرت على الحالـــــه لكن عطيه خافض حراره (فيفادول )والله يعافيه

وديها دكتور احسن

ربي يشفيها

معروفة الطبقة البيضاء هذي تعتبر فطريات من كثرة شرب الحليب ..

أحسن حل لها .. شربيها شوي ماء بعد الرضعات .. أو امسحي لها لسانها بأصبعك بعد ما تلفـّـيه بشاش نظيف ومبلول بماء دافئ ..

واذا كنتي تخافين مرررة .. جيبي لها من الصيدلية مرهم خاص للفطريات هذي ..

أتذكـّـر أنا استعملته لولدي كان عنده فطريات .. بس سببت له غازات في البطن .. وقالت لي أمـّـي أشرّبـه شوي ماء بعد الرضعات .. والحمدلله اختفى ..

:)

~