فضفضه احس بنكتم طق قلبي

ر

رواجي

عروس مبدعة

13-02-2011 | 11:53 PM

السلام عليكم

انا بس ابي افضفض
يعني ادري مافي حل الا الصبر بس انكتمت

انا خالتي قبل شهر وزياده جات بيتنا طبعا انا قطريه بس هي سعوديه وتبي تعيش اهنيه جات هي وعيالها عيالها موزعين على بيوت عيالها الاولاد بغرفه خارجيه والبنت مرتعصه مع عيال اخوها ولافي ولا واحد من عيالها يبي يشلها لان بيوتهم ضيقه احنا قلنا ياهلا يامرحبا خالتي على عيني وراسي وبنتحمل

ولكن صار مالم يكن بالحسبان
خالتي متذمره
صرافه
تبي وتبي وتبي
احنا حالتنا اوكي بس مالنا الا رواتبنا
على الاكل الا هذا مالح الا هذا حار صار اكلنا كنه للمستشفى
غير هذا بنتها تفوشر مثل مايقولون زبره على بايق مايعجبها العجب ولا الصيام برجب
طبعا هي اجينا كم يوم وترجع بيت اخوها بس بجيتها تنكد علي انا وانا
ومشكلتي ماعندي لسان ولا ارد وبنتها بعد صرافه كن فلوس ابوها وكنها مليونيره
وانا طبعي ماحب اللي تفوشر
خالتي يعطونها عيالها فلوس ولكن هي صرافه تكلم بالجوال بالهبل
لاكثر من مره قلت لها خل تتكلم بتلفون البيت لان مايصرف
غير هذا كان احنا مسؤولين عنها الا مادري شنو تبي والا مادري شنو بخاطرها واللي يقهر تسوي نفسها المسكينه
غير يافلانه جيبيلي وسويلي وبنتها قاعده مرتزعه وتفرفر من مكان لي مكان ومرتاحه

خلاص ضقت :mad:
اليوم كانت المصيبه جايبه بنت ولدها عندنا 8o|
والطامه ان بنت ولدها صح بثالث ابتدائي بس دلووووووعه بغير ادب قليله ادب لابعد الحدود
ماتسمع الكلام وفوق هذا احنا بيتنا مافيه احد وماعندنا يهال والبنت مب بس بنت عاديه لا مزعجه وسنداره ودلوعه وتعفس البيت وتبي وتبي وتبي

واحنا قبل متفقين ماجيب ولاطفل البيت

ادري مشكلتي صغيره بس ابي حل تنرفزت انا عندي دوام وجامعه مب فاضيه ارجع البيت القى ناس قاهرتني

ادعولي ربي ييسر امري ويرزقني الزوج الصالح وارتاح :'(

أ

أم جلثم

عروس مشرقة

14-02-2011 | 12:01 AM

ختيه .... خالتج منفصله ولا كيف ؟؟؟

المهم .... الله يعينكم عليها ... وخلي الواالده اتكلمها ابحكم إنها اختها .. بس لاتحسسها إنها ما تبيها

تبين الصراحه ..... ربي يعينج ويررزقج الزوج الصالح عاجلا غير آجل

اللهم آآآمين

<<<< بس افــ تووقيعج مكتووب إنه معااد فرحج عقب 3 شهوور ؟؟!!!!!!!!

A

Aseel 82

عروس مبدعة

14-02-2011 | 12:03 AM

حاسه فيك والله , عانينا من هالمشكله سابقا وفعلا شي يقهر وينرفز , ان شاء الله تنتقل لبيت عيالها , والله يفرج عنكم ويرزقك بالزوج الصالح عاجلا غير اجل يا رب

ر

رواجي

عروس مبدعة

14-02-2011 | 12:07 AM

أم جلثم;14484002:
ختيه .... خالتج منفصله ولا كيف ؟؟؟

المهم .... الله يعينكم عليها ... وخلي الواالده اتكلمها ابحكم إنها اختها .. بس لاتحسسها إنها ما تبيها

تبين الصراحه ..... ربي يعينج ويررزقج الزوج الصالح عاجلا غير آجل

اللهم آآآمين

<<<< بس افــ تووقيعج مكتووب إنه معااد فرحج عقب 3 شهوور ؟؟!!!!!!!!

مب منفصله بس زوجها مايصرف عليها قررت تجي هنا وتشغل عيالها وتعيش وزوجها مزوج قبلها مره على ان هي الاخيره بس مايهتم فيها وهي كبيره ماهي صغيره

المصيبه وش نقول لها اذا من اول يوم امي قالت مابي اطفال زوجي ينزعج بس هي جابت البنت وفاجتنا

تحت توقيعي مكتوب يارب ثقتي فيك قويه بتحقيق هالامنيه عاجلا
يعني مجرد امنيه :'(

ر

رواجي

عروس مبدعة

14-02-2011 | 12:10 AM

Aseel 82;14484044:
حاسه فيك والله , عانينا من هالمشكله سابقا وفعلا شي يقهر وينرفز , ان شاء الله تنتقل لبيت عيالها , والله يفرج عنكم ويرزقك بالزوج الصالح عاجلا غير اجل يا رب

امين اف

تخيلوا بكره ابوي يبي يسوي بارتي لاخوي في مطعم عشان نجاحه وميلاده كيف بتروح معانا ذي 8o| هيلقيه مستحيل اخذها

n

naghoma

عروس مبدعة

14-02-2011 | 12:14 AM

الله يكون في عونك ويرزقك الزوج الصالح

ا

الوان شفافة

عروس مبدعة

14-02-2011 | 01:34 AM

الموضوع بكل بساطة يبيله عين قوية
يعني وحده تكون صارمة وتكلمها بصراحة وتفهمها الوضع
انا مريت بوضع مماثلل مو سهله احد يقتحم حياتكم ويحاول يتحكم فيكم ويعزم على كيفه
بس يوم حسيت اني بنفجر تكلمت مع ان ابوي زعل بس حسيت راحتنا اهم وابوي اصلا كان منزعج بس مايبي يبين لنا
ياغريب كون اديب حتى لو شخص عزيز صح الاحترام واجب بس الكل لازم يعرف حدوده

R

Rabea3 al-ward

عروس مبدعة

14-02-2011 | 01:45 AM

عجبني رد الوان شفافه
طالع من القلب مال قهر

صج كلمي امج وقعدي وياها تكلم اختها
اذا الواحد مارتاح في بيته وين يرتاح
ومثل ماقالت اختي
يا غريب كن ادييييب
بس اهم شي تكون لج عين قويه
ومن الكلمه ردي 10 وسكتيها واهم شي بينتها وبنت ولدها توليهم

م

ماذا اقول

مراقبة أركان البيت والمطبخ ومشرفة ركن الأزياء ، عضو فريق التطوير بالمنتدى

14-02-2011 | 02:21 AM

معلش يا قمر هي في الآخر ضيفة تحمليها
والله يفرجها عليكِ

ش

شفايف سكر11

عروس مبدعة

14-02-2011 | 08:42 AM

جربي كلام اختتي الوان شفافه

واذا مافااد قعدي بغرفتك لين بروحوووون ولاتطلعين الا للضرورة

ا

الريـــــــــــــم

عروس مبدعة

14-02-2011 | 08:57 AM

هممممممممم

هي بالاخير خالتك يعني في مقام الوالده

ضروري تستحملينها

يمكن تحبك و تاخذك لولدها و تتحقق الامنيه؟ :p

لا لا لا جد

حاولي تشغلين نفسك عنهم و ابتعدي كل ما جوا و ابعدي الاطفال عن قعده الوالد و هي مع الوقت بتحس

c

cute soul

عروس رائعة

14-02-2011 | 11:02 AM

االه يعينك و يعاونك تقدري تتحمليها شوي لين ما تروح اوة تخلي احد من الكبار يكلمها و تروح عنكم

D

Dior Me

عروس مشرقة

14-02-2011 | 11:55 AM

لاتتصرفي بطريقة تزعل أمك ..
ولاتقعدي تتذمري قدامها تخليها تشيل في نفسها على أختها ويمكن يطلع منها كلمة تخرب علاقتها بأختها بسببك ..
صح انا معاكي فيه ضيوف دمهم ثقيل ومزعجين و نفسك تفتحي الباب وتشوتيهم برا
بس لازم الواحد يتحمل شوية ..
وهي في النهاية ضيفة قد ماطولت عندكم اخرتها بتروح ..
اتحملوها قد ماتقدروا ..
وحكاية فشخرة بنتها مافهمت قصدك بس لو تقصدي انها تتكلم عن نفسها كثير وعندي وعندي ..
حلها سهل .. اول ماتبدأ تتكلم كذا قومي من قدامها روحي اي مكان في البيت خليها تكلم نفسها..
والا عطيها في وجهها قولي لها
غريبة .. ما اشوف ان اللي تشتريه وتتكلفي فيه غير فيكي شي ..
هذا انتي زي ما انتي قردة :094:

وخالتك اللي تقدروا تسووه لها من غير مايكلفكم فوق طاقتكم سووه
واذا تحسوا ان طلباتها زايدة و مرهقة لكم
امك تكلمها بينهم وبين بعض انتي ابدا لاتكوني موجودة وقت الكلام
تقول لها انتي مننا وفينا والبيت بيتك مابنستحي منك..
والله هذا الشي اللي تبغيه مانقدر عليه ..
جيبيه بنفسك وعيالك الله يعطيهم العافية لو طلبتي منهم مابيقصروا ..
تحرجها بذوق ولاتخلي لها طريق على الزعل ..
عودوها على اسلوب حياتكم انتو ..
تبغى تسوي شي غير الموجود عندها المطبخ ..
تجيب اغراضها اللي مو متوفرة عندكم وتسوي اللي تبغاه بنفسها ..
امسكوها من باب ان البيت بيتها لاتستنى احد يجاملها ويباشرها ..

خالتي يعطونها عيالها فلوس ولكن هي صرافه تكلم بالجوال بالهبل

يعني انتو تشحنوا لها رصيد اذا خلص رصيدها اللي من عيالها ؟؟؟
لو كذا.. بسيطة.. اذا قالت جيبولي بطاقة قولولها عندك تليفون البيت كلمي منه لين تُفرج ...
وطناش لاتجيبوا لها شي لين تيأس وتخلي عيالها يشحنوا لها
اما لو تكلفة الجوال عليها وماتاخذ منكم شي خلوها بكيفها تكلم لين مخها يدخن ..

والصغيرة الشيطانة اللي تخرب استقعدي لها .. اول ماتسوي مصيبة من مصايبها وتخرب
امسكيها من اذنها وديها عند جدتها وقولي لها بنتكم سوت وسوت والمرة الجاية بتنضرب
والا لاتجيبيها احسن زي ما اتفقنا ..
مافي احد من سنها تلعب معاه من الزهق قاعدة تخرب وانا وحدة عندي مذاكرة ماني فاضية ارتب من وراها ..

الله يعينكم عليهم استحملوا شوية ان شاء الله ايام وتعدي ..

د

ديم..

عروس مبدعة

14-02-2011 | 12:54 PM

الوان شفافة;14484954:
الموضوع بكل بساطة يبيله عين قوية
يعني وحده تكون صارمة وتكلمها بصراحة وتفهمها الوضع
انا مريت بوضع مماثلل مو سهله احد يقتحم حياتكم ويحاول يتحكم فيكم ويعزم على كيفه
بس يوم حسيت اني بنفجر تكلمت مع ان ابوي زعل بس حسيت راحتنا اهم وابوي اصلا كان منزعج بس مايبي يبين لنا
ياغريب كون اديب حتى لو شخص عزيز صح الاحترام واجب بس الكل لازم يعرف حدوده

ر

[BACKGROUND="70 #FF0099"]رواجــــــــــــــي سمعي الكلااااااااام هذااااااااا:rolleyes: وطبقيــــــــــــــه والله بتاكلين بروووووووحج أكـــــــل اذا بتظلين ساكته :study:[/BACKGROUND]

ر

رواجي

عروس مبدعة

14-02-2011 | 01:15 PM

والله رواجي ماتعرف تتكلم انا ماعندي لسان ابد
وحتى امي صارت ضايقه

بالنسبه للشحن احيانا نشحن لها اذا خلص شحنها
وكله ماعندي فلوس وماعندي
والمصيبه كل يوم تطلع وتشري بذي الهدايا بدون معني اذا بزور احد على ان مب ملزوم تزورهم

اما اللي قالت قعدي بغرفتج ابشرج من جاتنا انا مضطره انام بغرفه الضيوف لانها تقول تستاحش

w

weeb

عروس رائعة

14-02-2011 | 11:11 PM

بصراحه وااااايد عليج الله يعينج بصراحه دوام وجامعه وبيت زحمه لا لا واااايد الله يصلحها وترجع عند ريلها ويارب ياختي يا رواجي الله يرزقج بزوج الصالح تقبلي مروري اختج ويب

م

ميمي زايد

عروس مشرقة

14-02-2011 | 11:21 PM

يارب الله يرزقج بالزوج الصالح

م

مظلومة من اقرب الناس

عروس برونزية

15-02-2011 | 06:47 PM

ربنا يعينك ويفرج عليك

أ

أميرة في قلب حبيبي

مشرفة سابقة

16-02-2011 | 01:09 AM

موفقة اختي

ل

ليونا الطعمونة

عروس مبدعة

16-02-2011 | 01:24 AM

لاتحتكين فيهم
كانهم موب في
بس انتبهي عاد خالتك احتلاامها من امك
لكن بنتها وبنت بنتها لازودوها طنشيهم ولا
لو كانو صغار ردي عليها رد لبق انو بلا لقافة وتدخل
والله يعينك