قولو لي اللي في بنتي انطواء والا خجل

ليش محد رد عليه ماتوقعت منكم ياعرايس

تكفون طمنوني

بنتك شكلها انسانه انطوائيه وخجوله في نفس الوقت.... انتي لمن تروحي بيت اهلك اتفقي مع اخواتك او اذا عندك بنات اخوات كبار يعملوا مسابقات ثقافيه وحركيه.. وخلى بنتك تشارك يعني حمسوها بالهدايا.. جيبوا الهدايا للاطفال ككل بس تكون هيا المقصوده بالهديه..

في البدايه لمن تروحي تاني مره بيت اهلك روحي معاها عند الاطفال وقوليلهم شوفيهم كيف يلعبوا...وهما مبسوطيييين.. لمن تشوفيها اندمجت شويه ابعدي عنها.. مثلا قوليلها في البدايه شويه واجيكي يعني مثلا كل ربع ساعه روحي شوفيها شاركيها شويه في اللعب الين تتعوووود.

الله يعينك .. والله مشكلة صعبة .. !!

بس ما ادري وش أنصحك فيه بالضبط ..

بس أنتي اذا كنتي عند أحد والاطفال يلعبون .. امسكي يدها وقولي لها تعالي نشوف الاطفال وش يلعبون ..

اجلسي معها واتفرجوا عليهم وهم مستانسين .. وقولي لها روحي شاركيهم وانا اجلس هنا اتفرج عليك ..

بعدها بفترة .. وديها بيدها عند الاطفال .. وقولي لها مثلاً : بروح اشرب موية وأجي أتفرج عليك .. وروحي لها كل شوي بس علشان ما تحس انك ابعدتي عنها ..

بعدها بفترة .. وديها بيدها عندهم .. وقولي لها بروح اجيب حاجة مثلاً .. واتركيها فترة وروحي شوفيها ..

وشوي شوي .. لحد ما تبدأ هي تتعود من نفسها ..

أو اسألي طبيب نفسي عن أحسن حل لمثل هالمشكلة ..

خاصة اذا كنتي تبغين نتيجة مضمونة وسريعة ..

:)

~

اذا جدي بس ويا الاطفال برى البيت وداخل البيت عادي فهذا خجل

اذا حتى في البيت ويكم جدي فهذا انطواء

مثل ماقالت رسيل ...
هل هي في البيت خجولة ؟ قليلة الكلام ؟ مزاجية ؟
وبناء على الاسئلة نقدر نحدد شخصية بنتك

لا في البيت جدا جريئه وتلعب وتسولف بثقه بس لما اخرج مدري اش يصيبها وجزاكم الله خير على ردوركم اللي تثلج الصدر

نفسي اقوي ثقة بنتي بنفسها كيف اقدر اخليها تتكلم بثقه حتى لما احد يسالها عن اسمها ماترد

صدقيني في كلا الحالتييين بنتك خجوله وانطوائيه خارج البيت..((لاني درست عن مشكلات الاطفال)).

بالنسبه لثقتها... انتي لمن تكوني معاها واحد يسالها عن اسمها واذا ماردت اخترعي اي اسم لها قولي للي سالت مممممممممم يمكن اسمها العنود وطالعي في بنتك وقوليلها صح اسمك كده؟؟؟ طبعا هيا راح تستغرب.

واذا خجلها زاد طلعي 60 اسم غير اسمها.. الين ماهيا تنطق بنفسها وتقولك لا ياماما انا اسمي كده... وطبعا انتي وقتها صفقيلها وحمسيها.

ولمن تكونوا في البيت وتبغى تخرجي مع بنتك اي مكان..وبعد ماتجهزي ملابسها واغراضها قوليلها نفسي اخدك معايا بس الاطفال اللي هناك مايحبو البنووته اللي ماتلعب وتتكلم خلاص بخليكي في البيت.... شوفي ايش تكون ردت فعلها؟؟ طبعا حتبكي وتعمل اكشنات....

ولمن تاخديها معاكي وخاصه عند اهلك او اهل زوجك جيبي معاكي قصصها اللي تحبها وقوليلها يالله قولي لااصحابك ايش القصه الحلوه اللي عجبتك.. طبعا انتي كوني معاها عشان تتشجع مبدئيا وحاولي تالفي قصه من عقلك عشان تبدا تتكلم وتقولك لا ياماما مو كده القصه القصه كده...
وطبعا جيبي لها هديه عشان تتشجع وتتحمس وتكسر حاجز الخجل.