أكـــبــــر مـــرجـــع لـــمـــحلات الـــحـــلويات في الأمـــارات

الصراحة فكرتج واااايد حلوة تسلمين:smile:

patchi طبعا غني عن التعريف الشوكلاته لذيذة و الاشكال الي عندهم وااايد حلوة....

pistache عنده تحف و اشياء للتقديم وااايد حلوة

اوركيد في الشارقة creative و حلووو

يامال الشام في دبي عنده اشيا واايد حلوه

:think: :think:

بتذكر و بقولكم بعدين

صح بعد محمصة الاطلال في الشارقة

بزركان في العين

البتيل وااايد حلو البسكويت مالهم ...

godiva وااايد حلو و راقي في وافي

في محل في مركز البستان ما عرف شو اسمه بس وااايد حلو

و فوالة في ابوظبي... الصراحة ما جربته

:smile:

مرحبا بنات،،،
الاماكن المفضلة عندي واللي دايما اروحها:
اوركيد في الشارقة حلوياته بلجيكية وعنده تشكيلات رائعة ويديده واسعاره مناسبة/ مقابل مستسفي القاسمي .
لاديت في الشارجة / محل لحلويات التمر بأنواعها / دوار الطبق الطائر مقابل فطاير الخليج.

ووحدة الصراحة تسكت بالفعل ،،،،تسوي انواع من الحلويات بطريقة تجنن،،، حلوياتها تذوب في الحلج من كثر ما هي طرية ويوم تذوقت حلوياتها في عرس من الاعراس طار مخي،،، بالفعل ما احد يسوي مثلها،،، واول مرة اطعم جيه نوع من الحلويات،،،، بس هيه ما عندها محل خاص لكن تسوي الحلويات عندها في البيت واسمها هيام،،، اللي يبغي رقمها يخبرني وبطرشه على الخاص.

السلام عليكم ورحمة الله وبركاته........

شكرا يا بنات على المحلات الي دليتوني عليهم و يا ريت الاخت اوركيد اطرشلي رقم...... هيام.... على الخاص؟

وعندي إضافة بعد..... في محل اسمه ...فيفل للحلويات الايرانية.. أحسن محل حلاوة ايراني موجود في أبوظبي و دبي و اعتقد معروف...

في محل في مزايا سنتر في دبي اسمه...Fresh Celliction>>>يسوي حلويات بحرينية رووووعة...احجامها صغيرة و يرتب الصينية بشكل رائع..و أشهر شي عنده و عليه إقبال الكيك البحريني الي فيه الحلوى البحرينية الحمراء...

انصحكم بالمحل الثاني لا يفوتكم

و بعد عنده معجنات صغيرة الحجم و شكلها لذيذ بس شخصيا ما جربتها بس اكيد لذيذة


مع تحياتي ..................فوانيس



وعليكم السلام ورحمة الله وبركاته

عندي إضافة:

في أبوظبي محل البحصلي حلوياته روعـــه...


طبعا حبيبة و حبيبة النابلسي...



تحياتي...

السلام عليكم ورحمة الله وبركاته
لو سمحتي اختي اوركيد يغيت اسم الحرمة......و آسفة على الازعاج

بصراحة كل المحلات المذكورة رائعة وهناك محمصة الماسة وبستاش وباتشي ولوسمحتي اختي اوركيد اريد رقم الاخت هيام وانشاءاله اتذكر واقولكم على المحلات لانها كثيرة

يعطيك العافيه حبيبتي * عروس دبي * موضوع اكثر من رائع ,,,, انا صحيح من الكويت بس حبيت ارد ,,,

تقبلي اخلص تحياتي لك .

عزيزاتي


بطبوطة


اوركيد


فوانيس


مرموم


ام ابراهيم




اشكر لكم مروركم وتفاعلكم مع الموضوع وان كنت اطمح للمزيد من


المشاركات والتفاعل ....
وشكرا عزيزتي كاسندرا على مرورج على الموضوع وتسلمين يالغالية...

السلام عليكم ورحمة الله وبركاته

بنات لا تنسون محل يامال الشام في دبي ( القصيص) صراحه الحلويات عنده عجيبه و اسعارهم مناسبه و عندهم بعد الكيك الصراحه شئ .... و المحل اللي قالت عنه الاخت بطبوطه في مركز وافي (Godiva ) عندهم تشكيلات حلوه و في بعد محل في الشارجه وراء شاره الوحده بس ما اذكر اسمه بعد عنده اشياء حلو

[[ALIGN=RIGHT]COLOR=chocolate]و أنا أعرف وحده كويتية تسوي حلويات لذيذة و هي في دبي في جميرا

بس ما ترتب الصينية بشكل حلو[/COLOR]

شكرا عزيزتي بنت الفجيرة وماسة على المشاركة في الموضوع


حبيت اذكر بعض المحلات المجربة....


*حلويات بند في الشارجة هذا خذت منه ككاو لعرسي الككاو لذيذ بلجيكي


ويسويلج تغليفة الككاو حسب ألوان الكوشة او حسب الأختيار واشكالهم


مميزة ....


*لاديت في الشارجة عندهم تمور محشية بالرنجينة او السمسم ...الخ


طعمها لذيذ وعندهم ككاو لذيذ بالسح والنسكافيه....


*فيفل في دبي عندهم بتفورات صغار طعمهم لذيذ....


*اوركيد عندهم تشكيلة كبيرة لهدايا المواليد ....


*وفي محل يديد فاتح في سنشري (المركز اليديد اللي في الممزر)عنده


اشياء مميزة....اسمه اظن فودو...


*أفراح في مركز الطوار عندهم تشكيلة كبيرة لهدايا المواليد بالأضافة الى

خدمة تزيين الغرف بالبالونات .....


هذي بعض المحلات اللي انا مجربتنها وان شاء الله اذا ذكرت شيء اضيفه


واتمنى اشوف المزيد من المشاركات في الموضوع وكل وحدة تتشجع


وتكتب المحلات اللي تعرفها .....

السلام عليكم ورحمة الله وبركاته


في محل اسمه البابا.......يقولون انه حلو

بس انا ما جربته

مقابل سيتي سنتر دبي

وعليكم السلام ورحمة الله وبركاته

مرحبا خواتي...

الموضوع وايد مفيد وحلو الصراحة

بالنسبة للمحلات اللي جربتها واتعامل معها هنيه في العين..قصر الحلويات شغله وايد حلو والحلويات عنده منوعه ما بين البيتيفور والبقلاوة العربية وانواع ثانية..وغير الشوكولاته البلجيكية ..بس اهم شي ترتيب الصواني والحركات عندهم حلوة وايد وتعجبني شخصيا والاسعار عندهم متفاوته طبعا..

بازركان بعد عنده اشكال حلوة ومرتبه..

فواله جربته مرة وحدة شفته مرتب وايد وعنده حركات حلوة بس ما عنده اشكال وايده للحلاوة من غير الشوكولاته الي بشكل السكاكر والبيتيفور الملون..

طبعا باتشي وباناش معروفين..بس تعاملي قليل معاهم لانهم يبالغون في الاسعار صراحة...

واحسن شي عشان توفرين على نفسج انج تاخذين صينيتج بنفسج وترتبين مع راعي المحل الكيلوات اللي تبينها وتختارين الزينة بنفسج جذيه تقدرين توفرين نصف سعر الصينية...

وتحياتي للجميع
أم سعيد

شكراً عروس دبي على هالموضوع المفيد و أحب أخبركن عن اللي أعرفه في العين من محلات الحلويات:

(محمصة الحلبي) رهيييييييبة في المكسرات و حلويات الرهش و الشوكولاته... و ترتيبهم حلو.

في الحلويات العربية: الكنافة النابلسية بالجبن من عند زهرة الخليج للحلويات النابلسية ألذ كنافة ذقتها في حياتي و للعلم عليها طلب من خارج العين من أبوظبي و دبي و أي حد منهم يزور العين لازم يشتريها ....... و مشهورة عند أهل العين .. و القطايف بالجوز حلوة عندهم بس فيها سكر زيادة شوي.

في الكيك : (كيكة ماربل) في لابريوش المخبز الفرنسي اللي في الأهلية بريزونيك .. الكيكة الوحيدة اللي آكلها لأني أكره الكيك بكل أنواعه باستثناء كيكة الأهلية شكل و طعم بصراحة.

في الشوكولاته : كان باناش ألذ واحد بس أغلقوا فرعه اللي في العين و حالياً باتشي و بستاش و اللي في العين مول بس غالي ( روكي ماونتن ).

أنواع البسكويت المالح و الحلو : (زهرة الخليج للحلويات النابلسية) في العين و بعد (فيغل الحلويات الإيرانية) بس ما أتذكر إذا كان عندهم بسكويت مالح لأنه بيفيدكم إذا زاروكم أشخاص مصابين بالسكري.
الفطير المشلتت: في (فطاطيري الزمالك) و في (فطاير الخليج).
البقلاوة : (أرلكان )و (زهرة الخليج).

بس أحلى بقلاوة ذقتها في (دبي )في مطعم و حلويات ( الحلاب) فعلاً لذيذة جداً و ما تملينها.

هذا اللي عندي و إذا تذكرت شيء بخبركن سواء في العين أو خارج العين و عزيزتي فوانيس أرسلي لي رقم (هيام ) على الخاص و ألف شكر لج.

الأخـت ... عــروس دبــــــي .... تسلميـــن علــى الفكــره الحلـــوه ..

طبعا .. ذكروا لج .. باتشــي وبستــاش .. في بعد في راس الخيمة محل برينــس .. وفيه في محمصــة يامال الشــام حلويات مختلفة وروووووعـــه .. وبالنسبة للكنافة والحلويات الأخرى فيه محل فراس ..

في بعـد في ستار بكس كافيــه أنواع من الحلويــات الرائعــة .. بس كبيرة الحجـم شوي .. مادري اذا ممكن يحضرون لج حجم صغير نوعا ما ؟؟ :eek2:










شكلهم لذيذ .. صح ؟؟ واااااااااااااو ..

بس خفت احط لكم زود تتخبلوووون :smile:

لو سمحتــي يا أوركيـــد ممكـن رقـم هيـام على الخـــاص ؟؟ :o

ماشاء الله عليكم ما قصرتوا ما خليتولي محل اذكره :smile: انا بصراحه تعاملت مع محل للحلويات في فندق كمبينيسكي في عجمان عندهم ككاوا رهييب ويلفونه بطريقه اتجنن بس ما اتذكر اسمه لاني من زمان متعامله وياه ..


واذا تذكرت مكان ثاني مميز برجع وبكتبه تحياتي :shy:

الموضوع وااااااااااااايد حلو ..:up: .. وانتو ابصراحة ماقصرتو وماخليتو شي حلو ماذكرتوه ... وابصراحة أنا من محبي باتشي ... أموت فيه وفي حلوياته وأفكارهم الحلوة .. حق عرسي سويت عندهم .. ويوم ربيت بعد سويت عندهم .. صح إنه مكلف بس شي مرتب وحلو وراقي ...:shy:

مرحبا
بما إنى من عشاق الشوكولاته حبيت اشارك معاكم فى الموضوع الحلو هذا

فى المخبز الفرنسى فى شارع زايد من الخلف عنده كاكاو بلجيكى وكيكات صغيرة الحجم

وفى محل ارلكان مقابل بريد بر دبى يبيع فطائر صغيرة وعنده ايس كريم مغلف بالشوكو ومغلف بقصدير حلو بعد للتقديم بحجم الليمون

فى محل بفندق انتركونتنتال كنت احب كيكاته لكن من زمان ما رحت لهم

وبعد احب كيكات مخبز مستر بيكر

فى محل الاطايب شارع الضيافة كاكاو بلجيكى وممكن يضع اسم وصوره
على الكاكاو

اما بالنسبة للحلويات البحرينية فى محل فى مركز بوهيل رخيص وحلو كثيرلكن صوانيه عادية جدا والتغليف كمان