مذهوله وضايعه

و الله ما اعرف شو اقولك بس الله يهديكي كان سويت موانع حمل غير الحبوب
الله يفرجها عليك

انا معاج ان الموضوع خطر على صحتج

بس بعد هذي روح ماتقدرين تذبحينها

مالج غير الدعاء ان ربي يسهل عليج الحمل والولادهـ ومايأثر بصحتج

صح ان هذي روح بس انا حياتي في خطر لازم ينزل بس ماعارفه كيف بروح المستشفي بس ماابي ايقولون لا ولا راح انهار اكيد ما ابي احمل ورغم كل احتيطاتي صار اشلون الله اعلم

ĈĤỢČỚŁĂŢЁ;14477800:
انا معاج ان الموضوع خطر على صحتج

بس بعد هذي روح ماتقدرين تذبحينها

مالج غير الدعاء ان ربي يسهل عليج الحمل والولادهـ ومايأثر بصحتج

الله يصلحك ياشيخة ترى انتي مررررررة مكبرة الموضوع
انتي ناسية ان لك رب اسمه الرحمن الرحيم؟؟؟
كيف تشيلي هم وربك فوقك ارحم بك من امك اللي مافي احد في الدنيا يحبك قدها ؟؟؟
استهدي بالله وقولي اللهم اني تبرأت من حولي وقوتي والتجأت الى حولك وقوتك يا ذا القوة المتين
كرريها كثير بيقين تام تام تاااااااام ان الله اعلم بحالك وهو الوحيد اللي بيريح قلبك ويحل هذي المشكلة من عنده سبحانه وتعالى ..
صدقيني نفسك بتهدأ وبترتاااحي وانتي من داخلك عندك هذا اليقين ..

اول شي ابغاكي تشيلي من بالك انك كبيرة في السن
انتي لسه شابة و بتقدري تقاومي كل تعبك وبتكوني بكرة احسن واحسن ان شاء الله
ثاني شي .. الامراض اللي عندك كلها محتاجة متابعة مع دكتورك عشان تكون تحت السيطرة وماتسبب لك مشاكل وقلق ..
سؤالي لك هنا .. انتي كنتي تتابعي مع الدكتور بانتظام والا لا ؟؟
لو تتابعي ماله داعي هذا القلق ..
اطلعي دكتورك على وضعك وهو بيقدم لك النصيحة المناسبة ..
حملك في اوله لسه مانفخت في الجنين الروح ..
وحسب معلوماتي الروح تنفخ بعد 120 يوم من الحمل..يعني بعد 4 اشهر ...
واتأكدي من شيخ مفتي يعطيكي الفتوى الصح لاتاخذي على كلامي
اللي اعرفه ان اسقاط الحمل مايجوز حتى لو قبل نفخ الروح اذا كل شي طبيعي ومامنه ضرر
بس يجوز اذا كان في سبب .. وانتي اتوقع حالتك فيها نظر ..
لازم تسألي اكثر من شيخ وتاخذي الرد منهم
اذا اخذتي فتوى بالجواز من اكثر من شيخ نظرا لحالتك الصحية ..
صلي استخارة وفوضي أمرك لله .. وشوفي دكتورك وبلغيه بقرارك
ممكن يعطيكي ادوية تسقطه من غير عمليات ولا شي
بس خلصي بأسرع وقت لاتتأخري ..
اسألي الشيوخ و على طول روحي للدكتور وان شاء الله خير ..

انتبهي تاخذي وصفات وخرابيط .. انتي حالتك ماتسمح بالتجارب
دكتورك بيعالج الموضوع من غير مايضرك بما انه يعرف وضعك تمام وبيوصف لك الادوية المناسبة ..

ربي يسهل امرك ويكتب لك اللي فيه الخير

مااعرف شنو اقول دام عمرالحمل اسابيع يعني شهرين يعني الروح دبدت فية كانج تقتلين رحمة الله

والطب مهما تطور وقدر خطورة الامراض والصحة ابدا الاعمار مب في يديهم لكل اجل كتاب


انا الدكاترة مانعيني احمل بالثاني خوفا ياثر على الدماغ والحمدلله كتب لي الحمل يالثاني

وهذا بكامل قواي

وهذولا مايجون للشقا هذولا بسمة عمرج هذولا بيعوضوونج عمرج اللي عشتية مع ريلج مب في راحة وبعدين اختي بعد هالجملة باذن الله

ركبي لولب او اي مانع ثاني الموانع وايد


صدديقتي ولادوهااا بالثامن لان كانوا خايفيين على الجنيين كان وضعة خطر ونسبة انة يعيش ضعيقة سبحان الله الله صديقتي اللي توفت ولولد اللي عاش محد كان مصدق انة بيعيش


احكم الله فيالحياة الله يخلييج ويشفييج يارب

ويهون علييج

واذا عندج جلطة اكلي اشبرين في الحمل

لا حول ولا قوة الا بالله

الله يسهـّـل امورك ويصبرك ويقومك بالسلامة

والله ما ادري وش أقولك وأنصحك بالضبط .. !!!

انتي اسألي شيخ ثقة وشوفي ايش يقولك وسوّي بالضبط اللي ينصحك فيه

وان شاءالله ما عليك الا العافية .. حبيبتي .. الأعمار بيد رب العالمين .. يا ما سمعنا قصص ناس ما نتوقع انهم يعيشون وشوفيهم الحين هم اللي عايشين واللي مافيهم شي هم اللي يموتون ...!!!!

:(

~

فوضي امرك الى الله..يمكن هالّي ماتبينه يكون احسن واحن ابنائج عليج لاتخافين
ان شاالله مافيه الاّالخير..بس انتي راجعي بستمرار..
وبعد الولاده ربطي او حطي لولب.. اعتقدلظروره جائز أسألي

خواتي انا ماابي هذا الحمل وان شاء الله ينزل ومايعقدون الأمور اعيالي ماعندهم حد غيري انا المسؤله عنهم يعني 5 اطفال افضل من الأخير بس ماعارفه ايش الحل ابيه ينزل انا في ماساة حقيقيه

120 قروا موضوعي وبخلوا علي في الرد ترى مساعدة الأنسان حتى لوبالرد صدقه من القلب
نفسيتي خلاص متدمره

حبيبتي مافي شي مابي الياهل
الام تفدى بروحها عشان ضناها
ومافيها شي لو فديتي عمرج عشانه بس ماتتآثمين وتموتين وانتي شايله اثم كبر الجبل
وتتعاقبين مثل عقاب الي يقتل واحد عمره 20 سنه
صدقيني لو قلتي الحمدلله رب العالمين والي ربي كاتبه بصير جان كل خير بيتقدم لج وكل شر بيتأخر لج
انتي شلون تبين ربج يساعدج وانتي جذي تقتليين روووح
حسبي الله ونعم الوكيييل
للأسف لحد احين وايد في اكثريه مو قاعده تحس ان الي في بطن الام روووح وان حاله حال اي واحد موجود على الدنيا
لو قالوا لج ماتعيشين الا اذا مات واحد من اطفالج بسمه عليييهم
شرط بتقولييين اخذوا روحي وعطوه اياه بس مايموت
هذا الي في بطنج مثل الي على الدنياااااا
اوتعي عيني وخلج من الصدمه الي بتوديج في داهيه
ولو المستشفى يحسوون ان وضعج كلللللللللش حرج جان نزلوووه من زماان ماينتضرونج

ام رفيجتي حملت برفيجتي واختها ومنعوها المستشفى ان تحمل عشان فيها السكلر
وقدر الله وحملت
ماقالت لا مابيه بمووت خل ينزل
بالعكس تحملت بنفسها لين وقت ولادتها ربها اختارها وصارت شهيييده
ومافي احلى من هالمرتبه عند الله والكل يفتخر فيها

كلامي قوي ويمكن ماينقال بس لازم تعرفييين ان الي بتسوينه غلط
استغفري ربج وقابليه وادعي وتوسلي وصدقيني مابصير فيج شي
واصلا لو استمريتي على هالكلام شلون بتقابلين رب العباااااد
اعووذ بالله

{ مادري والله يالغالية الله يكون بعونك ويشفيك ويخفف عليك بلاءك ومصابك ويهون امرك ويسهله ...~

بس اختي هذي روح مايجوز لك تنزلينه

لكن انتي اشرحي وضعك ع شيخ دين ثقة وخبريه عن الحمل

وخذي مشورته وتوكلي ع الله

الي مكتوب بيصير

انتي اخرجي صدقة وادعي ربك وعسى خير

ما يستوي اتنزلين الي في بطنج مو زين عليج

:(الله يكون في عونج وعون الجميع ان شاء الله

شوفي اختي0000
انا عندي بنتين وولد ربي يحفظهم
وكل مره احمل فيها اتعب كثير كثير لكن المره الاخيره قلت اكيد هذا الموت ومن كثر التعب كنت اقول يا ليتني ما حملت وحتى لما جيت اروح اولد زوجي قام يبكي كثير لان حس اني ما راح ارجع من شدة تعبي في حملي لكن الحمدلله عدت
والله كريم ربي يسهل امورك وحاااااسه فيك