بنات خايفة من الغلط ساعدوني الله يخليكم

السلام عليكم اخواتي عضوات منتدى عروس

انا بمشكلة و اريد حلا اتمنى كل وحدة قبل لا ترد علي تحط روحها بمكاني و ترد

انا عمري ببداية ال 20 راح ابدي بشي مختصر من طفولتي عشان تفهمون وضعي انا عشت بدون اب من كان عمري 4 سنوات لانه اتخلى عنه و قضل عائلته الثانية علينا و بحكم انه انا كنت متعلقة فيه قضيت طفولة جدا صعبة كنت دائما اسال عنه و الوم امي انها ما حافظت عليه و اقارن نفسي بين البنات اللي عندهم اب و بيني و الحمد لله مرت الايام على خير و كبرت و اتزوجت زواجة اولى دامت 4 شهور و تطلقت لان زوجي كان مريض!!

و طبعا ما يحتاج اوصفلكم شعوري وراها ب6 شهور اتقدملي شخص و رفضته مثله مثل باقي اللي خطبوني ورى طلاقي بس هذا ما ياس و ظل يخطبني المهم باختصار وافقت عليه بعد عدة مواقف و اختبارات اثبتتلي انه شاريني و انه هالانسان راح يعوضني عن كل شي فقدته طبعا هو هم كان مطلق و السبب كان خياانة زوجته له!!

المهم اتزوجنا من 5 سنوات و عندي طفلين منه بس انا الان افكر بالانفصال مرة ثانية:'(

و الله يا بنات الموضوع ابد مو سهل علي بس انا تعبانة تعبانة تعبانة زوجي كريم و فيه صفات حلوة بس مو الصفات اللي انا ابيها و الصفات اللي وعدني بيها زوجي مهمل جنسيا و عاطفيا لا اسمع منه لا كلمة حلوة و لا شي و كل شهرين 3 مسافر بحجة الشغل و يتركني اكثر من شهر و للعلم هو عنده شغل بالبلد المقيمين فيه !! و اذا كان بالبلد و الله يا بنات انا اطلع من الصبج للمدرسة مالتي و هو نايم و انا ارجع للبيت هو بااشغل ما يرجع الا الساعة 11 او 12 بالليل اكون انا نايمة و اذا اكون ناطرته يجي ميت من التعب يلف راسة و ينام!!

انا عايشة ببلد اوروبي موفرلنا حياة مادية جيده و عندنا خدمات كثيرة يعني انا مو محتاجة فلوس انا اريد عاطفة يا ناس انا محتاجة هالشي بالحلال بنات و الله اكتبلكم و دموعي تنزل حسوا فيني تدرون شنو اصعب احساس على المرة المتزوجة انها تكون متزوجة و زجها نايم يمها بس تحس بوحدة انا كل شي بحياتي اسوي بروحي مع اطفالي اكلي شربي نومي طلعتي كل شي تعبت و الله تعبت!!

كلمته بكل الاساليب جربت معاه كل الوسائل ماكو فايدة و انا خايفة على نفسي من الغلط اي من الغلط انا ببلد اجنبي و الله و الله ما تدرون بمعاناتي

حاليا هو مسافر و انا مفكرة اذا رجع يا اما يتعدل و يعطيني حقوقي يا اما ننفصل

و نسيت اقوللكم انه اهماله لاطفالنا اكثر بمليون مرة من اهمالي ما يدري عنهم و لا شي

بنات حطوا نفسكم بمكاني امانة و عطوني حل