مشكلتي مع زوجي

انا متزوجة صار ليي سنتين والله مارزقني بالذرية واحس روحي تعودت على وضعي واحس ان الاولاد بتسبب ليي فوضى وتعب , والشيء الثاني علاقتي مع زوجي متذبذبة وهو دايماً يسمع كلام اهله ويقعد معاهم واني يخليني بروحي في الشقة او يوديني بيت ابويي عشان يفتك مني ويقعد مع اهله وعلاقتي مع اهله سيئة ويسببون ليي مشاكل واللحين هو مسافر يدرس دين وانا في بيت اهلي على اساس بسافر بعده وبعدين قال ليي يبي يدور ليي مكان لانه مسافر العراق وبيدرس سنين فيبي يتاجر بيت هناك وبعض الاحيان يقول ليي انتظره لين ما يرجع بعد اربع شهور واللحين هو صار اليه شهر من سافر وامس جفته قاعد على المسنجر وعصبت وقلت اليه انه يبي يكلم اهله بس اني ما يبي يكلمني ودايرت هو طلع من المسنجر وطرشت اليه مسج قلت اليه طلقني ولا رد عليي وطرشت اليه مسج ثاني قلت اليه اني ما احس روحي متزوجه وهو بيهجرني خمس شهور واذا رجع من السفر بيقعد مع اهله وانا بيخليني بروحي قاعده ولا رد وانا كنت امبي اسمع رد منه وطرشت اليه مسج قلت اليه يقعد على المسنجر ولا يقول لي وهو رد علي وقال لي اقعد على المسنجر وظليت انتظره وهو ما سجل دخول او ما قعد وقال ليي النت عنده يقطع وانا حزتها طرشت اليه آخر مسج وقلت اليه مابطرش اليه مسجات ولا بقعد على المسنجر عشان يرتاح مني كامل .