الله يجازي الجنة من تشور عليا مسجل رقها على جواله باسم ادم

السلام عليكم و رحمة الله و بركاته
بنات اكلمكم و انا دمي بااااارد و في حالة صدمة قوية ارتجف و حاسة انو عالمي كله انهار و عاجزة و فتحت الاب توب عشان انتم خواتي محتاجتكم ارجوكم علموني ايش اسوي
حصلت مسجات على جواله مسجات مرسلة البارح بالليل و فز شال الجوال من يدي و قال لا حرام حلفت لولد خالتي ما اعلم احد
قلت ايش فيه خوفني من ردت فعله ووجهه اللي صار قاسي وملامحه تغيرت قال ادم هدي البنت اللي يبغى يتزوجها ولد خالتي و سجلت رقمها بادم لانه مهي راضي ترد عليه وكلمها اليوم من جوالي و حفضته عشان اعرف مين و ما كنت ابغى مشاكل معاكي
قلت اوكي وقبلت صراحته لي و مسح المسجات
البارح قضيت الليل فالحرم نمت و حلمت بالليل انو هو اللي يعرفها مو ولد خالته قمت من نومي طبعاقلت هدا مجرد حلم بس قمت سيدا اخدت جواله فالاتصالات المستلمة كان في اتصال مستلم من ادم
طبعا قام من النوم و قال ايش فيك قلت ادم عندك فالاتصالات المستلمة قال هاتي الجوال احسن لك
هنا وقف شعر راسي قلت شوف انا ابغى اتؤكد من هدي اكلمها لازم قال بتفشلني مع ولد خالتي و كمان انا حلفت له اني ما اعلم احد قلت والله قول له زوجتي درت بالموضوع و خلاص ما قدرت امناعها قال انتي كدا بتسوي مشاكل
قمت اكرمكم الله دخلت الحمام و انا منهارة لحقني قلت خليني لحالي قال طيب هاتي الجوال اول قلت والله ما اعطيك اياه و تمينا كدا يجي ساعه هو معصب و انا معصبة
بعدين طلع وقال تحملي مسؤولية فعلك هدا
قفلت عليا بسرعه الحمام و طلعت رقمها اتصل ردت عليا قالت ايوا مين قلت تعرفي فلان الفلاني اللي هو زوجي قالت ايوا اعرفه انتي مين قلت انا زوجته قالت قلت و انتي مين قالت ولا احد
بعد كدا قام هو عصب و بدا يكسر فالباب و يصارخ هاتي الجوال
اعطيته الجوال بعد ما اخدت الرقم و قمت اتصل عليها و ارسل لها مسجات اترجاها كيف عرفت زوجي
طبعا بعد عشرات الاتصلات ردت عليا قالت اول كنت اكلمه مسنجر و بعدين وقفلت
طبعا هو يقول كلامها موو صحيح و يحلف انها بعلاقة بولد خالته و انه يبغى يتزوجها قلت له كيف تكلمها على المسنجر انت و بعد كذا ولد خالتك يبغى ايش يتزوجها
على فكرة يا بنات و انا اكتب لكم دحين ارسلت لي رسالة انها ما بينها و بين زوجي شي انهو بس كان يساعدها في بحث تسويه تخيلو ما دابت طاري ولد خالته
عموما انا دوبي اتصلت عليها و قالت انها فعلا تعرف ولد خالته بس ما تكلمه من ترم و انه زوجي كانت تكلمه على النت
استوقفها كوني قلت اننا متزوجين من اربع سنوات قالت ايش قلت لها يا بنت الحلال ابغى اعرف علميني انا متزوجة من اربع سنوات متى عرفتيه و كيف
قالت انها ناسية مسنجر زوجي ايش هو و انها ما عاد تدخل اصلا هي النت
و سؤالي انها كيف رقم جوالها وصل الاتصالات الواردة و ايش هي المسجات اللي ارسلها لها زوجي البارح قالت بكل بساطة ما ادري قلت لها يعني انتي ما اتصلتي عليه البارح قالت لا
تخيلو مع اني شفت بعيني و زوجي نفسو قال انه ابن خالته مرسل لها مسجات من جوالو البارح بس ما لحقت امسحهم لانه انقض على الجوال هايج
هو تدرون ايش مسوي دحين منسدح على السرير متغطي و مسوي نايم
ايش اسوي الله يجزي من ترد عليا الجنة و جعل يارب تفرج كربها دنيا و اخرة