ندخل فى الموضوع وهو مشاكل البشرة الدهنية الحبوب والروؤس السوداء8o|:mad: عذاااااااب والطرق الصحيحة لتنظيفها وتقليل الافرازات الدهنية المهم انا اكتشفت طريقة للتنظيف ونفعت معاى :adore: ما اقولكم اختفت الحبوب والروؤس السوداء والبشرة ما اقول ليكم ناعمة وصافية :woo: ما شاء الله ما احسد نفسى:lol:
طيب نجى للطريقة .....
اولا محتاجين زيت البابونج ( اهم شئ وهو مطهر عام ويمنع ظهور وانتشار الحبوب وكمان تركبيته تكسر الدهون والروؤس السوداء وتجعلها سهله الازالة )
صابون الافريقى الاسود دودو (احب الصابون دى روووووعة ما استغنى عنها وللى ما يعرفها هى صابون نجيرى مصنوع يدويا من مكونات طبيعية من بينها زبدة الشيا وزبدة الكاكاو والعسل والصبار [SIZE=4]ومكونات تانية كلها مفيدة للبشرة وهى بتعالج جميع مشاكل البشرة من الحبوب الى الاكزيما والصدفية حمانا الله )
[/SIZE]
يلا نجى للطريقة وح امشى معاك خطوة خطوة زى ما انا بعمل بالظبط..
اول شئ بمسح وجهى بزيت البابونج مع التدليك الخفيف لمدة دقيقتين بعديها بجيب قطن طبى وامسح منطقة الانف وبتشوفى كيف الروؤس السودا بطلع معاك شئ خيال :woo: وانا امسح منطقة الذقن والخدود وبعديها بكون مجهزة ماسك مكون من (زبادى ونشا وسدر ) واسيبو على وجهى 20 دقيقة وبغسلو بالماء وبعديها بالصابون الافريقى واسيب الرغوة على وجهى دقيقتين وبعديها بنشف وجهى وبمسحوا بنقاط من زيت جنين القمح (للترطيب والتبيض وكمان جنين القمح قابض للمسام :confused: معلومة عرفتها قريب) وبس انا اعمل التنظيف بالليل وانام وبكرة الصبح ما ح تصديقى روحك بشرة ناعمة وصافية :adore: اهم شى النتايج بتبان بعد اسبوع اعملى الماسك وزيت البابونج 3 مرات فى الاسبوع والصابون بشكل يومى مرتين فى اليوم
الموضوع مش منقول وهو تجربتى الخاصة والى عايزة تنقل مش مشكلة تعم الفايدة بس تزكر اسمى واسم المنتدى
F:F: ان عجبكم موضوعى قيمونىF:F: