مشكلتي مع ابوي

سلام بنوتات وعرائس شلونكم شخباركم

بغيت شوي افضفض لكم عن مشكلتي مع ابوي لانها متعبتني

المشكله مع ابوي انه يبي يزوجني بأسرع وقت ممكن وما يهمه من اتزوج:(
يعني تخيلوا معي آخر مره جاني وآحد مو ملتزم بالصلاه ويسمع اغاني وعنده اصدقاء سوء و انا اساسا ما ارتحت له رغم انه من اهلي :-# بس لما رفضته
زعل مني وخاصه انه هذا الرجل قريب بس بعد القرار الأخير يرجع لي وانا مايعجبني رجل مو ملتزم بدينه وصلاته اهم شي والأهم ان قلبي ما ارتاح الا لشخص واحد:(

:'(وابوي ظل يصرخ في وجهي ويحبطني ويقول كلام ....... وهذا حاله كل مره يتقدم لي شخص وارفضه يزعل مني وما يكلمني ويحبطني ويقول كلام جارح ويسب امي ويقول امك هي السبب رغم انها مالها دخل:'(

وابوي اساسا مو ساكن معانا يعني هو مطلق من فتره وما اشوفه الا نادرا واكلمه بالتلفون

وانا للحين صغيره وما كبرت لهذي الدرجه وعنست؟؟!!:'( توني 20 سنه والشخص الي أحبه شخص ملتزم بدينه وأخلاقه واحبه بس للحين يدرس وماتوظف وما يقدر يسوي شي لان يبي يبني شقه قبل لا يتقدم ولانه خبر بس اكبر اخت عنده وينطرها تجي من السفر لانه يستحي يفاتح اهله بالموضوع الحين:struggle:
وامي وكل خواتي واخواني يعرفون عنه وابوي بعد يدري لان صار موضوع قديم بيني وبينه وابوي عرف عنه بس لان هذا الرجل طول , وما تقدم بشكل رسمي ابوي يظن انه يخدعني باسم الحب والزواج وما يبيه لان حالته الماديه ماتسمح له ويبيني اتزوج اليوم قبل بكرا باي طريقه وما يهمه من كل مره يقول لي فلان يبي يخطبك ولما نسأل عنه يطلع يكلم بنات او يسوي شي من المحرمات !!

شسوي انا والله احب ابوي وما ابي ازعله لان رضا الله من رضا الوالدين بس في نفس الوقت ما ابي اتزوج شخص غير الي احبه او شخص ناقص الأخلاق او الدين او ما ارتاح له علشانه بس وبعدين انا الي بخسر ومحد غيري بيخسر


شوروا علي بليز بدون تجريح !!؟؟
؟؟؟؟