بليييز استفسار ساعدوني

نفس ما قلتين اتوقع نوع اكل ما ناسبه بنتي يصيدها نفس الشي يظل بالكثير يومين تقريبا
ماعليه الا العافية انشاء الله

الله يشفي

بس يمكن جدري

ماعليه الا العافية ان شاءالله

بنت اختي وايد تصيدها حساسية بس مع الدوا تروح الحبوب

تاخذ لها يومين تقريبا

بس الحين اقطعي عنها الاكل اللي تحسين مسبب لها الحساسية

وشوفي اذا مافاد وديها لدكتور بعض الحالات لازم دوا الله يحفظه ماعليه شر

اذا مصخن يمكن الحمى الحمراء لان بنتي صادتها
واذا لا يمكن من اكلة
ودية المستشفى احسن
وما علية شر ان شاااء الله

هو اختي حساسيه من نوع اكله

اخذي لدكتور وشوفي شيكولك

ومايشوف شر ان شاء الله..

اختي كلمة الحياه

شنو الحمى الحمراء!!

يعني اهوه مرض ولي متى يتم ولازم دكتور يعني ؟؟ !!


والباقي شكرا ع الردود :)

يمكن حساسية من اكل او دواء وحتى السخونة من الحرارة يصير

بنتي قبل اذا يعطونها مضاد يحبب جسمها ووقفوه عنها

ولدي من اسبوع مطعمتنه تطعيمة الاربع اشهر طلع اليه نقاط حمراء

بس المستشفى قالوا من الحرارة وحتى في تطعيم الشهرين صاده جدي

اييي يمكن

لانه اهوه كان مصخن من التسنين

انشالله على جذي ,,

اختي رسيل انزين شنو سويتي تعطينهم دوه وله شي

وله يروح بروحه !! ويبيله وايد على مايروح !!

هذه حساسية من من نوع من الأكل
لكن صعبه تعرفين نوع الاكل المسبب للحساسية لانه ممكن ماتظهر الابعد اكله له بيومين
انا ولدي جاته اكثر من مرة لدرجة انتفخ جسمه كله وصار احمر
وكله يبي يحك وانا احاول امنعه
استمرت ثلاث ايام لانها كنت شديدة
راحت منه وانا شاكة بالفراوالة لانه مجرد اكلها من تاني يوم ظهرت عنده بس مااهتميت
فقلت خلاص بعد فترة بعطيه مرة تانية فراولة واشوف
وفعلاً اكتشفت انه منها على طول اليوم الثاني طلعت وياه الحساسية
وحرمت منها لانه لوقطعة صغيرة على طول حساسية
معور قلبي لانه يحبها كثير وماعد جبتها ماهان علي احنا ناكلها وهو لا ؟؟
وديه اخاف تزيد زي ولدي
سكت عنه لحد مانتفخ جسمه كله
واصرت الدكتورة تعطيه ابرتين مضادللهستامين بس رفضت
لانه اعطيته بالخاص بنفس اليوم
الحمدلله اعطته شراب هستوب وخفت كثير
اعتذر على هذرتي بس حبيت افيدك بالي اعرفه
وان شاء الله ماقدامه الا العافية

ربى يشفى ..ولدك ...............

ودية المستشفي يشخصون حالتة احسن
ويمكن عندة تحسس من اكل مثل برتقال او مانجو
وما علية شر

ام يعقوبي;14447098:
اييي يمكن

لانه اهوه كان مصخن من التسنين

انشالله على جذي ,,

اختي رسيل انزين شنو سويتي تعطينهم دوه وله شي

وله يروح بروحه !! ويبيله وايد على مايروح !!

لا مايعطونهم شيء يقولون يروح بروحه بنتي قالوا خلاص نوقف المضاد وبيروح بروحه

وتالي حتى اذا تتحسس من الاكل قالوا اني اراقبها واحاول اعرف من شنو واوقفه عنها


ولدي بعد ماعطوه شيء بس قالوا احتمال كبير من لسخونة لانه مطعمينه وهو مااكلته لحد الآن

وفي تطعيم الشهرين بعد صاده اللي يشوفه يقول حصبة !! هالمرة اخف لكن