لسلام عليكم
انا هون مو مشان شي.. بس حكي نسوان طالع من القلب بنص هالليل بما ان ماجاني نوم و شكلي سهرانه صباحي الله كريم..
انا يا جماعة اكتشفت اني من النوع اللي لو صار عندهم همين صغار، جمع الهم فوق التاني و عمل منها جبل كبييير
والغريب بالموضوع اني مابندب حظي ، بس بنطوي ع حالي و بقعد ابكي او القهر بيتم علقان بحلقي و ما بيراضى يطلع
وبعدين بصير بدور ع حلول هون و هنيك بس مو اي حلول، حلول مجنونه و عبيطه متل حكايتي
والنتيجة بالاخير بتراجع عن هالحلول لما تهدى حالة "الربع ساعة" اللي عندي و بضل بهمومي و بستنى معجزة تصير لتحلها
او ممكن اتناساها لفترة صغيييرة و ترجع تجتمع الهموم و انهار مره وحدة
متل الجبل اللي صار مليان تلج و متى ما دفي الجو انهاار
انا مو مشان شي انا هون بس مشان افضفض شوي عن حالي لان مافي حل بيكون مثالي بحالتي
ومتل مابيقولوا، رضينا بالنصيب و النصيب مارضى فينا بس الحمدلله على كل حال
عايشه، عم باكل و اشرب وغيري مو ملاقي
تعبت نفسيتي يا جماعة كل يوم بقعد ادعي ربي يسهلها علي، برتاح يومين و برجع بنتكس و بكره حالي اللي انا فيه
تصوروا مره رحت لدكتور بسبب اعراض مرضية (جسدية) فيني ، قال بيقلكم هاد نفسي يعني" نفسية"
وضيق التنفس اللي فيني و دقات قلبي الغير طبيعية من عقلي هههه
حسيت اني جنيت و عقلي صار عنجد جوزتين بخرج يعني فوق الصدمة اللي فيني من حالتي بيجي الدكتور بيتفلسف و بيزيد الطين بله .. لا برافو، دكتور عنجد شاطر الله يكتر من امثاله
استحيت اقول لرفقاتي اللي كانوا معي عن نتايج الفحص و حكي الدكتور اللي بيشرح الصدر .. اضطريت اكذب و اقول ان ضغطي نازل لان قبله باسبوع كان فعلا عندي ضغط نازل و غوطنت "اغمى علي"
بعد الفضفضة التقيلة شوي حبيت ما ترتعبوا مني وتقولوا هاي وحدة ترالالي "رايحة فيها" هههه
انا بس حبيت افضفض لان احايانا الفضفضة للغريب اقرب لك من القريب اللي ممكن بيوم ياخدها عليك موقف ولو ان الفضفضه هاي شوي مبهمة و مو واضح منها الراس من الرجلين
بس بتعتبر فضفضة
اسمحولي يا مشرفات بس مافي قسم فضفضة الواحد يبق فيه البحصة فقلت اتشارك الموضوع مع اخواتي هون بركي حدا متلي و بيعرف كيف بيلفلف الموضوع بمعرفتو
نفيد و نستفيد نحن كمان
وسلامتكم
انا هون مو مشان شي.. بس حكي نسوان طالع من القلب بنص هالليل بما ان ماجاني نوم و شكلي سهرانه صباحي الله كريم..
انا يا جماعة اكتشفت اني من النوع اللي لو صار عندهم همين صغار، جمع الهم فوق التاني و عمل منها جبل كبييير
والغريب بالموضوع اني مابندب حظي ، بس بنطوي ع حالي و بقعد ابكي او القهر بيتم علقان بحلقي و ما بيراضى يطلع
وبعدين بصير بدور ع حلول هون و هنيك بس مو اي حلول، حلول مجنونه و عبيطه متل حكايتي
والنتيجة بالاخير بتراجع عن هالحلول لما تهدى حالة "الربع ساعة" اللي عندي و بضل بهمومي و بستنى معجزة تصير لتحلها
او ممكن اتناساها لفترة صغيييرة و ترجع تجتمع الهموم و انهار مره وحدة
متل الجبل اللي صار مليان تلج و متى ما دفي الجو انهاار
انا مو مشان شي انا هون بس مشان افضفض شوي عن حالي لان مافي حل بيكون مثالي بحالتي
ومتل مابيقولوا، رضينا بالنصيب و النصيب مارضى فينا بس الحمدلله على كل حال
عايشه، عم باكل و اشرب وغيري مو ملاقي
تعبت نفسيتي يا جماعة كل يوم بقعد ادعي ربي يسهلها علي، برتاح يومين و برجع بنتكس و بكره حالي اللي انا فيه
تصوروا مره رحت لدكتور بسبب اعراض مرضية (جسدية) فيني ، قال بيقلكم هاد نفسي يعني" نفسية"
وضيق التنفس اللي فيني و دقات قلبي الغير طبيعية من عقلي هههه
حسيت اني جنيت و عقلي صار عنجد جوزتين بخرج يعني فوق الصدمة اللي فيني من حالتي بيجي الدكتور بيتفلسف و بيزيد الطين بله .. لا برافو، دكتور عنجد شاطر الله يكتر من امثاله
استحيت اقول لرفقاتي اللي كانوا معي عن نتايج الفحص و حكي الدكتور اللي بيشرح الصدر .. اضطريت اكذب و اقول ان ضغطي نازل لان قبله باسبوع كان فعلا عندي ضغط نازل و غوطنت "اغمى علي"
بعد الفضفضة التقيلة شوي حبيت ما ترتعبوا مني وتقولوا هاي وحدة ترالالي "رايحة فيها" هههه
انا بس حبيت افضفض لان احايانا الفضفضة للغريب اقرب لك من القريب اللي ممكن بيوم ياخدها عليك موقف ولو ان الفضفضه هاي شوي مبهمة و مو واضح منها الراس من الرجلين
بس بتعتبر فضفضة
اسمحولي يا مشرفات بس مافي قسم فضفضة الواحد يبق فيه البحصة فقلت اتشارك الموضوع مع اخواتي هون بركي حدا متلي و بيعرف كيف بيلفلف الموضوع بمعرفتو
نفيد و نستفيد نحن كمان
وسلامتكم