إعيال عايلة الزوج

اختي
العتب مب على عيال عايلة الزوج
العتب على اهلهم الكبار
واكيد محد سلم من هالمشكله لما يعيش مع اهل الزوج
ان تكلمنا بتبدا المشاكل وان سكتنا انقهرنا
تصبري والله يعينج

حبيبتي والله ماتنلامين الوحده يالله تتحمل حوسة عيالها وصدعتهم كمان تجيب شلة عيال يساعدوهم
الوحده لها طاقه وقدره معينه على التحمل وكل وحده تتحمل على قدرها واللي ماتتحمل تخلي العيال
عند امهاتهم ابركلهم حتى لو غفلت عنهم وصار لهم شيء بيحطوها مهملتهم ولا داريه عنهم
فيكفي اذا انتي رايقه خذي قهوتك وانزلي لهم وخليهم يلعبوا مع عيالك تحت في بيت العيله
واذا احد قالك شيء قولي اخاف اخليهم يجوني واغفل عنهم ويصير لهم شيء لو سمح الله
يعني جيبي اعذار تبين انك مو ماتبغيهم بس يعني خايفه عليهم يطيحوا من على الاثاث او يطيح عليهم
شيء لو حصل وانشغلتي عنهم بصغيرونه او الصلاه او غيره

مملكة بلقيس;14452037:
ابله ساااااااامحيني خيتوو

احس اسلووبج خطأ لو ماااا يحبون عيالج وبيلعبون ويااهم جاان ما رااحوا لج الشقة

وواصلا اليهااال مالهم ذنب بالعكس خليهم يلعبون مع عيااالج الا هم مو كل يوووم بيوونج

وحتى لو عفسووا تقدرين بطريقة ذكية تقولين لهم لااا تسوين جذي او قعدووا اهني وطالعوا تلفزيوون واللي يعفس خزري عليه عشاان يقعد

على فكرة انا عايشة ببيت عمتي ولدي عمره 9 شهور وعندي حجرة وحده وعيال حميي كله يناادون ولدي واني افتح لهم البااااب لانهم يحبووونه ويبغون يلعبوون وياه ومشتااقين له مع انه اعماارهم 6 و4 سنووات

الرازجية;14450512:
شوفي باقولج لا تكرهين صورتج جدام اليهال و جدام أهل زوجج بأنج تحتجين علنا تره حتى اليهال يحسون و يحطون في خاطرهم و لا بينسون اذا اكبروا و بيتمون ما يحبونج انتي تقدرين في بعض الأحيان تمنعينهم بطرق ذكية مثلا تقفيلين الباب و ما تردين أو انج اتقولين لهم تعالوا نلعب تحت لأن اليهال راقدين وهكذا

Z+h=love;14456436:
ابله خيو انا من خلال قراءتي لموضوعش يمكن انه انتين من لنوع الي ما يحب دوشة يهال وما اتحبين لمة يهال وايد صح كن كلام الاخت مملكة بلقيس صح انا كاني عايشة في بيت عمي وبشقة بروحي فوق بطابق الثالث بس اتصدقين عيال خوات واخوان زوجي يجوني ويحبون اولادي ويحبون يلعبون معاي بس انا اعطيهم اوقات محدودةة للعب مع اليهال واذا على عفسة اليهال قولي ليهم من البداية بطريقة حلوة الي يوصخ ما نبيه ويانا جذي اليهال يبي ليهم مسايسة واليهال عقلهم صغير ويتبرمح بسرعة بس اذا انتي مو من النوع الي ما تستحملين اليهال هذا شيى ثاني وحبيت ما يجونش حبذا لو قلتي لحماتش بطريقة مسايسة بطريقة دبلوماسية انه اهي ما تضايق ولاتزعل واي وعلى سالفة اليتيم ترى يحط بخاطره اختي والمفروض ما اتزعلينه والمفروض اتبطلين ليه الباب صدقيني خيو انا عندي يتيمتين بيت عمي لكن والله اخدمهم بعيوني لو يبون يقعدون لليل ما اقولهم ال بالعكس اذا اطلع اطلعهم معاي صدقيني الازعل اليتيم ووووو سامحيني اذا كلامي مخربط بس حبيت اوضح رايي وسامحيني على الاطالة واذا تبين شيى امري او نصيحة قولي ترى ما فلت هالشيى الا لانه خوات

حبيبتي انتي الصــــــــــح هذا بيتك فالنهايه والي يبي يزعل يزعـــــــــــــــل بالطقاق .......
والاولاد بيت العائله موجود مالها داعي تكون عندك .......
ايش الفرق بين عندك وبين العائله .......
كلو لعـــــــــــــب :celebrate:
وبالنسبه لليتيم تقدرين تاخذين اجره بطرق ثانيه مو بالعب بشقتك ......
تتقدرين تاخذينه مره بالشهر لحاله ملاهي
او تعطينه فلوس ....
او تشترين له ملابس .......
وهو بيحبك من دوون الكل ........
واذا احد تكلم ليش ....قولي هو يتيم مو مثلكم :thumbs_up:
والباقي طنشيهم تقدري تجمعيهم في بيت العائله وتعملين لهم فشار او توزيعات عصاير واشياء مثل كذاا .......بيحبونك
من دون يجون لك البيت ........:biggrin::biggrin:
واخوات زوجك طنشششششيهم
اعملي الي انتي مقتنعه فيه وبسسسسس:thumbs_up::thumbs_up::thumbs_up::thumbs_up:

انا اشوف انه عادي عيال عائلة زوجي يجون شقتي ويلعبون مع عيالي

لان بالمقابل عيالي هم راح يروحون شققهم ويلعبون مع عيالهم

وانا اذا ما خليت عياالهم يجون شقتي راح يمنعون بدورهم عيالي ان يدخلون شققهم

وهذا كلش مب حلو للياهل ان ينطرد او يمنع عنه مكان يحب يكون فيه