محتاجة مساعدتكم :$

هلا عزيزتي ..

ان شاء الله اقدر افيدج بالي عندي

انا استخدم كريم الاساس السائل مادري شسمونه :o يوميا للجامعه
يعني يوميا بس هاي الكريم السائل والكحل و الماسكرا وبعض الاوقااات شوية روج خفيف
وادا كلش كلش في مناسبات استخدم شادوو خفيف

حبوبة ضروري تذذكري نوعيه بشرتك ..؟؟
السائل او المضغوط او الموس كلهم كريمات اساس ولكل نوع احيانا يكون لبشرة معنية او لكل انواع البشرة بس تركيبة الفاونديشين يتغير ..

وبما ان قريبا راح يكون زواجي فحابة اغير واخذ لي مجموعة ميك اب عدلة
فياليت تخبروني شنو الكريمات الي تسوي الوييه عدل صافي وحلو مايهم اذا غالي او رخيص اهم شي شي عدل
انا حاليا استخدم الفاونديشن مال inglot
وقبل كنت استخدم فاونديشن ماكس فاكتور
فشنو احسن للي جربوا الاثنين ماك او انقلوت وشنو ماركة فاونديشن احسن غير هالاثنين

حبوبة اذا بتتزوجي لازم تعرفي ان اول فترة ما بعد الزواج البنت لازم يكون عندها انواع معينة من الفاونديشين تستخدمهم للمناسبات الي بتعزم فيها

عندج اليومي اتوقع اذا انجلوت مناسب استمري عليه او ممكن تمري على الماركات هذه وتجربي اساس خفيف ويومي وللصباح مع البودرة تبعه :
- كلارنيس
- كلينك
- فورايفر
- ماك

تخبرهم نوعيه بشرتك او تخليهم يقامو بفحصها وبعدها تحددي نويعته يومي مثلا ويكون فيه درجة حماية ..

عندج للمناسبات العادية والكبيرة :
- ماك
- فورايفر
- ديور
- كانيبو
- استي لودر ( اسئلي عن الدبل وير العادي احلى فاونديشين للتغطية للمناسبات )
ونفس الطريقة اختاري ماركة وخليهم يجربوا الاساس

بانك عروس ابدا لا تستعجلي في اختيار الفاونديشين خذي وقتك فيهم لان فعلا بتحتاجي لامور معينة تصاحب الاساس اذا للسهرات حلو لو تركيبته فيه اضاءة وحماية بعد خصوصا لو تحضري حفل زفاف لا تنسي في اضاءة قوية وتحتاج البشرة حماية

وكنصيحة جربي بيس غيرلاين او شانيل وهذا ينحط قبل الفاونديشين يثبت الاساس لفترة اطول واذا فيه اضاءة يعطي رونق للبشرة

لا تكثري اساسات اذا بغيتي اخذي نوعين او 3 بس خذيهم مع البودرة لكل اساس له تركيبة مثل ما ذكرت وبودرته تناسبه وبيطلع انسب ومتناسق اكثر

موفقة

مشكورة اختي وصج يبي ليي جم نوعية عيلل
انا بشتري عادية مو جافه وبنفس الوقت ماتدهن بسرعه ماعدا خشمي من النوع الي يدهن بسرعه
وابي اتعلم شلون ارسمه بس ماحصلت دروس توضح عدل
مشكورة مرة ثانية
والي عندها اي اضافات تفيد ياليت تفيدونا اكثر

صراحة كل ما ابي اكتب ارد امسح في اشياء وايد ما اعرف شنو ابتدي فيه بس ابي اعرف الي اي مدى معرفتك بالمكياج علشان اقدر انصحك

هلا اختي
تقدرين تقولين 0% تقريبا
مثل ماقلت بس اعرف ان في فاونديشن سائل وفاونديشن هاي الجاف
اعرف شوي للروجات و الكحل والماسكرات والشدوو بعد اوكي
اعرف لكل شي بشكل عام والكونسيلر
يعني اذا رحت اجوف الروجات كلها نفس النوعية مافرق بين الي يلمع مادري شسمه والجاف
والشدو مثل الشي سمعت ان في انواع بس ماعرف الانواع ادا باخد اجوف اللون الي يعجبني اخذه
بس هاي الي اعرفهم الباقي الي يخلونه قبل الفاونديشن وعقبه هاي الشغلات والشدوااا كلها ماعرفها

ما عليه انا بكتبك لك موضوع كامل و ان شاء الله تستفيدين منه بس اعطيني وقت لان فيني ربو و الحين زايدة علي

بما انت تقريب 0% بالمكياج فبعطيكي خطوات بسيطة تقدرين منها تدربين و تنتقلي الي مستوى معقول
1 بالنسبة للاساس انت بشرتك مثلي تقريبا و انا ما ستخدم سائل لان التحكم فيه مو الي ذيك الدرجة انا استخدم مابيللين كريم اساس او موس و اذا تبين تجربين جربيه على وجههك مو يدك و اذا تبين تفتحين او تغمقين دايما اخذي درجة او درجيتن افتح او غمق من لون بشرتك
2 بما انك تعرفين تستخدمين كحل من فوق العين فاخذي لك الوان تناسبك من ماركة غوش و هي تكون مناسبة لك لما تروحي طلعة عادية جامعة او شغل احسن من شدو
3 المسكرة انا ارتاح اكثر لماركة لوريال الي الفراشة تكون معوجة -- ما اعرف شنو يقولون لها المهم هي وايد زيننة و ما حيتاج معاها تستخدمين الجهاز الي يسوي الرموش معكوف
4 تحتاجين الى بودرة اضاءة و الي تستخدم لتحت الحواجب و لها اتسخدامات اخرى بس لان ما تعرفين تستخدمينها اقترح تاخذين لج من بودي شوب الشمير بلش و شدو هي علبة وحدة و تعطيج نفس التاثير و اذا تستخدمينها كبلاشر يعطيج تغطية رائعة و كانك حاطة برونزج
5 اخذي لك الست مال مكياجي مال الشدو الوانهم حلوة تناسب الصباح و عندهم حق المساء مع ست الفرش بتاعتهم لان احس احسن من الباقي و مب غالي
6 في البداية بما انك ما تعرفين تحطين مكياج انص في البداية تحطي لك شدو باصبعك و تخلي لون واحد بس تتلاعبي بلطريقة يعني على الجفن المتحرك خلي خفيف بس على زاوية العين حطي اكثر و تقدرين تتدربين بروحك شوية شوية لما تتعلمين الدمج
7 لما تروحين تشترين مكياج البنات الي في المحل تساعدك تختارين شنو احسن لك فدايما ساليهم و تقدرين حتي تسالينهم اشلون تستخدمينه و صدقيني ما راح تندمين
8 اهم شيء تنظيف الوجهه قبل و بعد المكياج و تحملي تنامي فيه
9 حطي في بالك ان المكياج اهم شيء في ان تعرفي شنو الستايل الي يناسبك للمناسبة الي تروحين فيها و كل بنت ستايلها غير في بنات تحب الثقيل و في بنات يحبون الخفيف ة في البنات الوسط اهم شيء تكتشفي شنو انت ترتاحين له

هاي شيء بسيط ان شاء الله يفيدك بحاول انزل موضوع بالصور لما اقدر راح ارسل لك و اذا عندك اي استفسار ما يردك الا الكيبورد وان شاء الله اكون في الخدمة

مشكور اختي فاطمة وايييد
بصراحة انا عندي شنطة ميك اب من مكياجي فيها كلشي بس كلش ماعجبتني احس يعطي منظرة جيب مادري شلون غير عن الشدو مال انجلوت وماك و الماركات الباقي يعني
وشكررا على نصايحجج ماتجوفين شر اختيي
وبالنسبة للدمج فاعرف ادمج الالوان مو فنانة بس اعرف ويطلع حلو والكل يقول ان اوكي يعني بس تعرفين اختي من ماركة او نوع لنوع يختلف شلون يطلع اللوك ادا فهمتي عليي :)
وبعد مرة ثاني مشكوورة :)