¨°•√التجمع الرابع : للحوامل اللواتي سيلدن بإذن الله بشهر يونيو (6) 2011 ♥√•°¨

برلينت
ولو احنا اهني كلنا خوات فديتج وكل وحدة اتهون على الثانية ولا شو رايكم كروشات

ام فاطمة
العفو حبيبتي حاضرين
bbcc
الحمدالله بس تعب دوام ويهال انتي شخبارج

ام فآآطمة;14759057:
مشكوره حبيبتي هاجر

اي نسيت اكتب لكم

قالت لي ان فيني

بنوته

يارب ياكريم تطلع قمر وعسل وبصحه وسلامه

مابي يجيني كلام يغث كفايه بنتي فطوم حطينها للمعاير

سمره صغيره عصقوله عيونها فلبينيه تعب قلبي معاهم وبس جالسين ومقارنه مع بنت عمها

هذيك بيضه وحمرا ووجها مدور دبدوبه ويقولو انها القمر اما بنتي ماحد يبغاها ولا حتى يمدحها تكسر خاطري

ان شاء الله هالمره تطلع هالبنت حلوه وماتعب معاهم كفايه انهم جالسين يقولو لي ان شاء الله ولد مانبي بنت

بعد تطلع بنت ومو حلوه الله يستر من السنتهم

طبعا سالني زوجي شو فيج قلت له مو لازم تعرف

ادري انه يبي ولد وجالسه افكر كيف اقنعه اني امانع على الاقل 3 سنوات بعدين احمل

لانه خلاني احمل بسرعه علشان الولد فاكيد حتى هالمره راح يقول لي حملي طيب وطلع بنت انا بس بجلس احمل ابي ارب عيالي مو بس حمل وتعب

وهو فهم ان فيني بنت لانه قال كلهم خير وبركه اكيد بنت دامك ماعلمتي قلت له لما اولد تعرف قال لا بنت ضحكت ماعرفت امسك نفسي :)

حبيتي اهم شي الصحة والعافية والهداية الجمال مو كلشي ويمكن بنتك الله يحفظها لين تكبر اتصير احلى من بنت عمها
بس حرام يقولون جدي هاي ياهل :mad:
انشاء الله هالمرة تحملين وتيبين ولد
انه عكسج عندي ولدين وبنت بس ريلي من البداية كان يبي بنت وفعلا كان في كل صلاة يدعي ربه انه بنت والحمدالله الله عطاني بنتي ساجدة ولما حملت في يوسف هم كان يبي بنت بس الله عطاني ولد وهالمرة تم من اول ماعرف اني حامل وهو يقول ابي بنت لانه البنات احن واحلى من الاولاد والدلع كله لبنته وتعالي شوفي عاد لين احمل في بنت شنو يسوي كلشي لازم يكون فيه معاي وعلى دوقه تخيلي انه يشتري لهم ثياب مال برا بعد :lol:
ترى البنات والاولاد نعمة في ناس وايد يتمنون نتفة ياهل واحنا نتدلع قولي له بحمل بس خلني ارتاح اشوي ترى مو زين ورا بعض انتي الي بتتعبين

ام فآآطمة;14759100:
ههههه بنت سبتمبر هذا الدنيا الللي عنده بنت يبي ولد واللي عنده ولد يبي البنت

هلا حبوبه انا احاتي في بعدين مو هالحين وصادقه والله الولد تتعبين وتربينه وبعدين للزوجه تخلينه

اما البنت مهما كبرت وتزوجت تظل للام وفيه وخاصه بهالزمن الله يعينا

بس الرجال مايفكرون الا بالولد علشان يحمل اسمهم وكان البنت ماتحمل اسم ابوها

انا احس اني مبسوطه لفطوم بيصير لها اخت قريبه من عمرها بيكونون مو بس خوات بعد صديقات في اللعب وفي الدراسه

بس ان شاء الله مايصيرون ربع في التخريب ولا ياويلي ويلاه بنتف شعري كفايه فطوم وشقاوتها

اي والله صح لسانج انه ابوي الله يرحمه كان دايما يقول لنا انه الاب يبي ولد مصلحة بس عشان يشيل اسمه بس الصج يبي بنت لانه البنت حنونة على ابوها مع العلم انه احنا 3 بنات وولد واخوي اخر العنقود
الصراحة انه بعد مثلج احس الاخت مهمة دايما كنت اتحسر على بنتي انه ماعندها اخت تلعب معاها واتقول لها اسرارها بس الحمدالله الحين بيصير عندها اخت :D
ادا بنتج شقية طبيعي بتعلم اختها انه لانه الاولاد عندي ميننيني مخليني على اعصابي طول الوقت مع العلم ان الفرق بينهم تقريبا 6 سنوات مو بعد سنة ولا سنتين

بنت سبتمبر;14759122:
لا مو قصة ..بس سالفة بسيطة
يزعم اشوقكم لها خخخ

انا لانة الله يسلمج أسمي فاطمة وزوجي علي يعني راكب لنا ولدنا لي نجيبة (حسين) بس انا قلت ما بسمي ونذرت نذر اني اسمي اسم ثاني ومن بداية حملي دوم أحلم بأطفال اسمهم حسين واقول ياربي ما ابي اسم حسين ..وهالشهر وحدة من الأهل سمت بالضبط مثل الاسم الي في بالنا و انقهرت اقول خسارة سرقت الاسم انا ابي اسميه اول وحدة عشان ما يقولون قلدت عليها مع انة اسم أبوي

فيعني لو ما النذر جان سميت حسين بس ان شاء الله الاسم صالح ويكون أسم على مسمى ..وخايفة لاني ما اسمي ويصير في ولدي شي لا سمح الله .. ادري لوعت جبدج بسمي (مهدي) بس لا تحطونة بالجدول قابل للغيير محتارة ياربي

هههههههه
حبيبتي اهم شي اتقومين بالسلامة وفعلا اسم حسين راكب عليكم وانشاء الله يكون مثل الاسم
شوفي من تجربة شخصية ترى كل ياهل ينولد باسمه مثلا عندج انه ساجدة بنتي كنا بنسميها فاطمة بس زوجي وانه اولد سماها ساجدة
وولدي يوسف كان المفروض اسميه رضا على اسم علي بن موسى الرضا بس الله كان كاتب اني اسميه يوسف لانه ابوي توفى وانه في الشهر السابع :'(فسميته على اسمه
بس انه هالمرة من اول الحمل احلم اني اولد واسمي علي مع انه قالوا لي بنت والله اعلم

حبوبة زماني;14759135:
انا حدي خاطري ببنت عشان تصير اخت لزهور وخلاص ارتاح واسوي لولب ثلاث اولاد وبنتين والحمد لله

الله كريم يحقق امنيتي وارتاح لو جبت ولد بعد كم سنة بقول بجيب اخت لبنتي
بس ان شاء الله انها بنوتة

الله يقومج بالسلامة واتيبن اخت لبنتج انشاء الله
اللولب يخوف انه فكرت فيه لانه الحمدالله بيصير عندي ولدين وبنتين وما ابي بعد تعبت :'(

برلينت;14759524:
بنات انا لي فتره احس بدوخه مره تكون قويه ومره تكون خفيفه

ولما اوقف اسوي شغله وعندي الدوخه جسمي كله يصير يرجف بشكل فضيع

شو تفسيركم لحالتي

محدش يقولي فقر دم لانه توه من اسبوع قالت لي الدكتوره الحديد والسكر عندي تمام الحمد لله

فسرو لي الحاله لو حد منكم مر بمثل حالتي

ماعليج شر خيو بس اتقوع الضغط روحي جيكي احسن

ToOoma ToOomy;14759668:

هلا بنات... شخباركم...اخر تتطوارتي

صار للبيبي فتره يرفس ومن ازعل واتضايق يرفس ويضرب على اماكن حساسة...... واليوم كان عندي موعد السكر.... رحت وشربت عصير طعمه شي قديم يب لوعه.... من اجوف الابره الي بسحبون دم... ادور راسي... وسحبو مني دم وعلى طول البيت....... اخاف اطلع بروحي من هالاوضاع الي عندنا....

هلا
خلاص لا تزعلين عشان البيبي مانرضى عليها
اي ترى كلش كريه طعمه ما احبه اي والله صار الواحد ماينوس يطلع من البيت من الخوف انه خوب محبوسة في البيت ونفسيتي زفت :'(

ToOoma ToOomy;14759785:

اي والله علشان اطمن عليه ... خله يدلع البيت بيته ههههههه

مبروك ام فاطمة على البنوتة ..وان شاء الله اتجيبينها قمر واحلى من قمر.....

اسامي الي اخترتها حق البيبي.... ساره اذا بنت... اذا ولد عبدالله ان شاء الله

الله يقومج بالسلامة انشاء الله
والصراحة الاسامي حلوة

xxRosexx;14759998:
حبوبة

مرررة حلو الجدول الكل بيدخل التجمع علشان يشوف الاسماء يمكن يلقى له اسم هههه

مس بحرين

والله شكلي بستقر على سارة اذا الله اراد

حلو اسم سارونه الله ايبها بالسلامة

Qamaar;14761341:
هلا بناااات
شخباركم
نفر نفر
فرد فرد
كروشه كورشه:lol:

انا تمام الحمد لله بس شوي مضغوطه مع الدوام والحمل
ادخل احيانا شوي اتطمن عليكم من بعيد لبعيد

احنا الحمدالله بخير وانتي حبابة شخبارج
الله يعطيح الصحة والعافية احس فيج والله نفس حالتي

زخت مطر;14761422:
مرحبا بنات

برلينت انا بعد خف الترفس شوي عن قبل وساعات اليوم كامل مافي رفسه الا اداا جيت انام يطمني عليه بنص رفسه

بنت سبتمبر انا كان خاطري في مهدي بس رجلي قال انه خاطره في اسم ابوه الله يرحمه وماحبيت اكسر بخاطره وخصوصا انه كان وااجد متعلق في ابوه :)

حبوبه زماني خيو مايطلع عندي الجدول .؟؟؟ ما ادري ليش؟؟؟؟

ام فاطمه والله البنات مافي منهم وانشاالله البطن الجاي صبي


عاد انا قبل لا احمل امي كانت كله تقول لي انتي مابتجيبي الا كله بنات لاني وخواتي 4 واخوي وحيييد بروحه وبيت عمي مثل السالفه 4 بنات ورجلي وحيد
وكنت خايفه ان خلفتي كلها بنات من كلام امي وكنت منحبطه وحتى يوم عرفت انه صبي ماكنت ابي اقول الى احد بس الحمدلله رب العالمين

باقي البنوتات شخباركم انشاالله بخير وشنو اخر تجهيزاتكم؟؟؟ يلا خبرونا

اي قررت احط في التوزيعات ايه الكرسي بدل القران الكامل ما ادري بس كل التوزيعات قراان فقلت بسوي اية الكرسي في تغليق حراري وبحطها مع الحلاوة داخل لكياس الي سويتهم بكون حلو او لا؟؟؟؟؟

في وحده كانت جديده في هالتجمع نسيت اسمها والله شخبارها؟؟؟؟

مس بحرين شحوال؟؟؟

الحمدالله خيو انتين شحوالش
يعني سالفتج مثلي انه امي 3 بنات وولد وكان الكل يقول لنا بتصيرون نفس امكم كله بنات بس انه يبت ولد بنت ولد وانشاء الله بنت هالمرة نفس عمتي ام زوجي هلون ترتيبهم واختي الي اصغر مني يابت ولدين والحين حامل معاي بس ماتقول شنو فيها :mad:
بالنسبة لي انه بسوي تعليقات الكتب مااردي اشلون اشرحها هاي الي يحظونها على الصفحات اختر ت على شكل كراون تاج الاميرة لانه خاطري اسوي لها كلشي على اميرة :oمن كثر ما سجود بنتي اتقول انها اميرة

نوارة الحياة2;14764676:
هلا ياحلوات
شخباركم عسولات
ماااشاء الله اشوف التجمع رجع حيوي ونشيط نفس قبل ان شاء الله دووم هالنشاط:adore:
اخباري....
انا من الآلم اللي في صدري والالتهاب ماقدرت انام الا بعدصلاة الفجر:confused:
حاول زوجي يقنعني يوديني الطوارئ بس مارضت

قلت بصبر لين المغرب
صليت ونمت من التعب والساعه 8 الا جلست قلت خلالالاص
مافيني صبر ودني المستشفى الحين
رحت مستشفى خاص لان موعدي في الحكومي بعد اسبوع ولا
مافيني صبر انتظر
المهم انتظرت الدكتورة لين جات 9ونص8o|
وقلت لها معاي حكه في المنطقه الحساسه وألم في صدري
قالت لازم قبل كل شي اعمل لك سونار عشان اعرف وضع الاجنه وكم اسبوع لك بالضبط عشان اكتب العلاج المناسب
ويحتاج تحليل بول اعزكم الله عشان اشوف اذا في التهاب واخذ منك عينه (مسحه مهبليه )
عشان نتأكد ان مافي التهاب داخلي
:( اففف انا ماتوقعت كذا قلت خلاص بتكتب لي على مرهم خارجي ومرهم لتشققات الحلمه وبمشي :-#
لاني واااصله حدي صدعت من السهر :confused:
قالت لي يلا فحص انا توقعت بس بتشوف التهاب المنطقه الحساسه وبس :o

اثرها لا خذت عينه من داخل :I: انا حديييي خفت قلت لها لالالا مابي :'(قالت مايأثر لاتخافين
لاني من حملت مامرة سويت فحص بس اقول لدكتور معاي افرازات ويكتب لي على علاج وخلاص
و واجد حذروني ان الفحص الداخلي يضر بالحمل وكثير يسقطون لو عملوه :|

المهم رضيت وانا على اعصااابي ميته خووف:-o

وسوت لي سونار على ماتطلع نتيجه التحاليل
قالت لي لك 27 اسبوع يعني موعد الولادة المحتمل 21رجب :!!: وانا اللي كنت متوقعه قبل هالموعد
بس قالت لي عادي يمكن قبل لان دايما التوأم يكون شكلهم صغار يعني يمكن اولد بدايه رجب ولا في النص

قلت فرصه اسألها تتأكدي لي من جنسهم
قالت هذا ولد 100% واضح وحجمه اكبر اشوي:adore: من الثاني
والثاني تمت تحاول تعرف جنسه وانا :-oاقول ولد ثاني ؟؟؟
قالت لا حسب الظاهر عندي بنوته:biggrin: بس الله العالم

قلت انا قالوا لي من قبل فيني بنت وولد بس حابه اتأكد قالت مو شرط صحيح السونار مو دايما يصدق بس هذا الظاهر عندي
واللي يجي خير وبركه :D
بس والله على الاقل تطمن قلبي هذا ثالث تصوير يقولون لي فيني بنت وولد اللهم ربي لك الحمد والمنهF:
بعدها طلعت النتيجه فيني التهاااب شديييد في المهبل وفي البول وانتو بكرامه :(
قلت لها انا ماحس بألم داخلي بس حكه خارجيه
قالت اي انتي عندك التهاب داخل والافرازات اذا نزلت تسبب لك حكه في المنطقه الحساسه :o

وكتبت لي تحاميل مهبليه 7ايام ومرهم خارجي ومرهم لتشققات الحلمه
ومضاد حيوي بس قال اول اسوي للعينه زراعه اذا المضاد يناسبك ولا بكنسله والنتيجه بعد يومين تطلع
وبسسسس هذا تقريري لليوم بالتفصيييل

وسلامي للجميع ومشكووورات اللي سألوا عني

ماعليج شر خيو بس شربي ماي وايد ترى الالتهاب اكثر شي ايي من قلة الماي وابتعدي عن الاشيا الحارة فلفل و مانجو
حلو ماشاء الله بنت وولد الله يخليهم لج وتولدين بالسلامة
انه الصراحة وايد خاطري في توام بس الله ما اراد :o

توته الصغيرونة;14765000:
عندي اكتئاب

:(

بسم الله عليج خيو
بس هاي عادي في فترة الحمل من الهرمونات
انه اتدكر على يوسف كنت في الدوام ومرة وحدة اروح الحمام اصيح وارد ارجع بدون سبب
تعودي من ابليس ودكري الله

صباح الخير يا احلى امهات
نسيت امس ابارك لكم بعيد الام وعيد ونوروز انشاء الله السنة تكون سنة خير علينا مع انه طلع على ارنب
يارب انتوا وكل الامهات بخييييييييييير

مس بحرين;14765852:
صباح الخير يا احلى امهات
نسيت امس ابارك لكم بعيد الام وعيد ونوروز انشاء الله السنة تكون سنة خير علينا مع انه طلع على ارنب
يارب انتوا وكل الامهات بخييييييييييير

الله يبارك لك وينعاد علينا وعليك وانتي بصحة وسلامة ويار ب تكون سنة خير ونصر

العهد;14765927:

صباح الخير ..

حبوبة زماني من طول الغيبات وينج ؟؟ بنت او ولد كلهم زيننين المهم الصحه والعافيه يالغاليه الله يقومج بالسلامه الغلا

انا موجودة ماغبت بس الصباح نمت على الجهاز من الارهاق مانمت البارح
واللي يجي من الله حياه الله بس خاطري ببنوتة الله يسلمك وانتي بعد تقومين بالسلامة

اهلين توما تومي

الله يعينكم الواحد بدون شيء متوتر كيف اللي اوضاعه مثلكم

النصر يارب وتهدية الاوضاع

سلام عليكم

شخباركم كرووووووووووشات وحشتوني

النفسية كلش تعبانه احاول اغيرها بس قعدته البيت ومتابعه الاخبار تخلي الواحد غصب يتوتر
انا اخباري كله قاعده بالبيت وهذا انا يانوم يااكل ياقاعده اتابع الاخبار وبس
طلعه مااطلع اخا مافيه امان ابد

البيبي عايش هل اليومين نشاط وكله رفسات جهه اليمين وجنب السره
واما امس جاتني الرفسات كله من تحت في المنطقة الحساسه ومره وحده اصرخ وامي تتخرع
كلش يالم الضربه تصير مثل نغز الابر

اما عن الاسامي انا زوجي بنفسه محددنهم لانه على قولته يقول انا عطيت على نفسي اهد انه اذا حملتي
بسمي الولد حسين والبنت رقية
انا كان عاجبني اسم يوسف وضحى بس تناقشت مع زوجي ماتنازل يقول خلاص هذا نذر خذيته على نفسي مااقدر
وبس انا اتنازلت قلت اهم شئ الصحة والسلامة والخلقة الحسنة