انا ضعيفة امام امي

يالله
الله يعينك
ما زين تكسري خاطر الاثنين
بس شوفي حبيبتي حاولي تتبعي مع امك نظام معين وتزوريها كل اسبوع مره وام زوجك نفس الشي
واذا اشتريتي لامك شي خذي لام زوجك مثلها
وحاولي دايما تكوني مخليه امك راضيه بس لا تعطيها كل اللي تبيه يعني حاولي تخبي عنها اشياء
وزوجك راح ينسى هالاشياء ويغض النظر عنها اذا عطيته حقه خلال الايام الباقيه

والله يعينك يا حبيبتي

انتي قاهرتني من قلب رجاء لا تحطين اللوم على امج ... بس ترا انتي عاجبج هالوضع

اولا شي حياتج مع ريلج شي خاص

حددي اولوياتج

زوجج مب مجبور يوديج كل يوم بيت هلج

حددي يومين في الاسبوع تروحين بيت هلج ويوم بيت اهل ريلج

واذا بغيتي تاخذين شي اخذي للبيتين


وانتي لازم تسارين امج دامج تعرفيين طبعهااا في استدراج للكلام

لاتعطينها الخيط والمخيط

واذا زعلت عذرا سامحيني صح هي امح ورضاها من رضى الرحمن

بس ربج قال ولاتلقوا بايدكم الى التهلكة

مب امج ماتتصل تركضين تقولين حق ريلج ودني خلي عندح سياسة في الموضوع يومين في الاسبوع بيت الاهل او3

لا تهدمين حياتج اذا ريلج زين وطيب مثل مايقولون عضي عليها باسنانج

ولاتخلين ريلج في محل ضعف قدام هلج وتحرجينة

وامج صارت تعرف لج عدل وتلعب في اعصابج انتي اقلبي الكرت وخلي في مصلحتج نعم العبي ع وتر مصلحتج امج امورها مستقره وعندها عيال وحياة خاصة انتي حسيسها ان لج مملكة خاصة ودج تكلمينها بالطيب والمحبة وماودج تعيشين في حزن وتفكير مستمر شلون ترضينهااا



تكلمي فجري مابداخلج كل هالسنين من الكبت في النهاية امج وبتحن علييج لو قست


احتفظي بخصوصياتج وعيشي براحة بال


كلميهاااا واحسيسها بقميتها في حياتج بس بدون ماتخربينن حياتج

اسميحييلي اذا كلامي مااعبج بس الله يعلم من حرقة قلبي علييج

فعلا ماساه
الوحده تتزوج عشان تتحرر من حياة العزوبيه ويكون لها استقلاليه وخصوصيه
عموما زوجك له حق وحق قوووي كمان فحرام تحرميه من احتياجه لزوجه متفرغه له وتراعيه
الله يعينك ويسهل امرك

جهزت لك رد امس بس النت فصل وطوّل على مارجع اشتغل وماقدرت ارسله
حفظته وقلت خليني ارسله الآن
مع ان البنات الله يسعدهم كفوا ووفوا ماراح يكون كلامي احسن من كلامهم

نيغار;14454035:
و الله ما اريد اخبرها شي عن حياتنا الزوجية بس هي وايد تسأل و لو تبي تعرف شي تلف و تدور بالسؤال سواء علي و لا على زوجي لين ما تعرف مبتغاها..:sick:

و اليوم عيد ميلادها و طبعا انا و زوجي مسوين لها مفاجأة حاطين لها مبلغ كبير عشان تروح فيه العمرة تعتمر و تتسوق.. و هي ما تعرف هالمبلغ شقد خذا لنا عشان نجمعه و بس عشان نسينا نقولها كلمة كل عام و انتي بخير زعلت منا و تضايقت و قالت لنا اي رميتوا علي الفلوس و قلتوا خلاص افتكينا خلص واجبنا..:-#

و الحين لازم افهم زوجي يعتذر لها و تعرفون الرجال مو بالسهولة يعتذرون.. و الله استحي انه اقوله اعتذر لامي لانك نسيت تقولها كل عام و انتي بخير:'(

و الله عايشة في خوف غريب ..اخاف من زعل امي الله يهداها و اخاف من ردة فعل زوجي لانه صابر و صابر اخاف في يوم من الايام ينفجر:badly:

مو خايفة الا من اليوم الا يا اخسر زوجي يا اخسر امي و الله لا يجب هاليوم قدامي:'(

ياشيخة حرام عليكي اللي تسويه في نفسك وفي زوجك
والله عندك زوج الله يخليه لك ولايحرمك منه
انسان محترم و صبور و باله طويييييييييييييل ماشاء الله لا اله الا الله ..

بس ابشرك .. ترى للصبر حدود ..
لو زاد العيار كمان شوية ... بينفجر ..
وانفجاره حيسوي مشكلة لها أول مالها آخر .. وانتي الخاسرة الكبرى في القضية كلها ..

امك تحطيها جوة عيونك وتشيليها على راسك من فوق بس مو على حساب نفسك وزوجك وحياتك كلها ..
اجلسي مع امك واتكلمي معاها بكل وضوح ..
امي .. لوتحبيني وتخافي على مصلحتي .. ارحميني ووقفي اللي قاعدة تسويه معاي ..
ام زوجي لو تسوي اللي تسويه اعذرها .. وحدة واخذت ولدها منها .. غيرتها مبررة واقدر اتعامل معاها واستوعبها
بس انتي امي !!!
المفروض تكوني احرص الناس على سعادتي وتهتمي اني اكون لزوجي المرأة الأفضل في الدنيا كلها ..
مو تحطيني في مواقف مالها داعي وتحرجيني قدامه
وتخليني اتعذب وانا اشوف في عيونه نظرات واقعد اخمن و افكر ياترى ايش يقول بينه وبين نفسه عن أمي ..


ياقلبي لاتجبري زوجك يعتذر وهو ماغلط
الله يجزاه خير انه اهتم بعيد ميلاد امك
وسوى ميزانية خاصة قعد يستعد لها معاكي من زمان ..
تكون هدية لأمك اللي قدّرها هذا القدر كله عشان عيونك ..
قصّر على نفسه وعليكي وعلى بيتكم اشياء كان ممكن تاخذوها لبيتكم او لكم انتو شخصيا ..

والله واحد ثاني محله يقولك احنا في اول حياتنا و اولى بكل قرش
نشتري فيه شي لبيتنا .. نسافر نتمشى نشوف الدنيا .. اجيب لك هدية
اما اجيب لامك هدية بهذا الحجم ؟؟؟ لا معليش ماعندي قدرة وماني مجبور
اجيب لها ساعة او خاتم بسعر اقدر عليه ماشي .. اما هدية سفر وعمرة وتسوق ؟؟

الله يجزاه خير ويسعد قلبه وقلبك معاه وربي انه آآآآآآآآآآآدمي ..
انتبهي تفقديه او تسمحي لأي احد حتى لو كان هذا الاحد هو امك انه يخسرك اياه ..
لاتكسريه وتجرحيه وتخليه يعتذر عشان امك جالسة تتدلع ..!!!!

اعذريني على كلمتي بس بجد امك تتدلع
و تسوي حركات المفروض ماتطلع منها وهي الحرمة الكبيرة العاقلة
والأم اللي مفروض تفكيرها يكون اكبر من كذا ويهمها بالدرجة الأولى مصلحة بنتها وسعادتها ..

ماشافت كرمه وتقديره لها ؟؟
ماشافت كيف قابل على نفسه التعب والبهذلة وانتي رايحة جاية في الاسبوع اكثر من مرة ؟!
ماشافت كيف يحترمك ويحبك ويدور راحتك ورضاكي ..
كل هذا ماشافته ... وشافت نسيانكم قولة كل عام وانتي بخير ؟؟؟؟؟؟؟
يعني الواحد حلو يعليّ مقامه ويترفع عن كذا مواقف
مو حلوة في حقها والله .. بتخلي زوجك ياخذ عنها فكرة بشعة بينه وبين نفسه
والله العالم لمتى بيستمر حبسه لافكاره داخل نفسه ومايتكلم !!
يمكن ينفجر ويجيب عاليها واطيها ويسمع امك كلام عمرها ماسمعته
وساعتها بتزعل وبتنقهر و لاعندها مجال ترد لانها غلطانة وانسكت لها كثير ..
ولا انتي بتقدري تردي عليه وتدافعي عن موقف غلط .. واذا رديتي ...بتخسري حياتك معاه !!

فهمي امك ان برها عليكي .. ولد الناس يبر امه مايبر ام زوجته
اسمه بر الوالدين .. مو بر ام الزوجة وابوها ..

قولي لها ان اللي يسويه هذا كله اسمه اخلاق وذوق ولياقة في التصرف
طمعاً في رضاي انا زوجته .. مو عشان يرضيكي انتي يا امي ..
علاقته فيكي من خلالي انا زوجته ..
افهمي هذا الكلام واحفظيه يا امي .
.زوجي يعاملك هذي المعاملة عشاني انااا .. انا زوجته ..
ولأنه ولد ناس وطيب .. ساكت و يمشي تصرفات ماتمشي كله عشاني انا ..
عشان مـايـزعـلـنـي ..

قولي لها انك قررتي توضعي حد لكل اللي قاعد يصير ..
وبتمشي حياتك بالطريقة اللي تناسبك وتناسب زوجك
وقراراتك بتتخذيها مع زوجك لوحدكم ...


واذا سألتك عن شي يخصك جاوبيها بحدود المعقول .. لاتعطيها كل شي ..
هذي اسرار بيتك احفظيها ولاتطلعيها برا ..
ترى اكره شي عند الرجال ان حرمته تروح تقول لاهلها على امور حياتهم وخصوصياتهم..
حتى لو سكت ... لاتصدقي انه راضي .. والله انه يتضاااااايق وينزعج ..
لاتدخلي امك ولا بأي شكل من الاشكال في مشاكلكم ..
ولاحتى في تفاصيل حياتكم العادية بزيادة ..

حددي لها يوم في الاسبوع قضي مع اهلك اليوم كامل
واذا زوجك يسمح لك تنامي عندهم حلو ..
ويوم ثاني عند اهل زوجك .. قضي اليوم كامل مع خالتك
وباقي ايامك لزوجك .. لبيتك .. لنفسك ولحياتك .. من حقك يكون لك حياة خاصة تعيشيها ..

وهدايا لاتجيبي لا لامك ولا لخالتك لين يبطلوا حركات الحريم واتصالات الفتنة اللي بينهم ..
سوي اجتماع انتو الاربعة .. امك وام زوجك وانتي وزوجك ..
وقولوا لهم هذا الكلام باختصار ووضوح ....
قررنا بكل أسف انا وزوجي نظرا لحركات الحريم اللي تسووها ..
اننا نغير اشياء كثيرة كنا معودينكم عليها ..
هدايا مافي واللي بيجيب لامه هدية يجيبها ..
اما هدايا بإسمنا احنا الاثنين مافي ..
يعني انا لمن اجيب هدية بيجبها لامي ..
وزوجي لمن يجيب هدية يجيبها لامه..
لاتتصلي عليها ولا تتصل عليكي ..
اللي تكلم الثانية تقولها بنتك جابت لي وبنتي جابت لي ..
تبطل هذا الكلام لانه مووو صحيح ..
ماراح اجيب هدايا لك ياخالتي .. ولا زوجي يجيب لامي ..فكونا من وجع الراس ..


قوي شخصيتك ياقلبي ولاتعتبري صبر زوجك وسكوته حالة بتستمر على الأبد
وانتي كمان حالتك مع امك والقلق اللي انتي فيه ماراح يستمر
بكرة بيكون لك اولاد محتاجين لك في البيت ومحتاجين الاستقرار
اللي تسويه هذا بعيد كليا عن الاستقرار والهدوء ..!!

لازم تقرري تتصرفي قبل مايزيد الوضع سوء وتصير مشاكل بينك وبين زوجك
وقتها امك مابتنفعك اذا خربت علاقتك بزوجك بسببها ...
بيوت كثيرة خربت بسبب تدخل الاهل في كل صغيرة وكبير ..
امك لازم تفهم ان حياتك تغيرت ولازم تحترم هذا التغيير وتتقبله ..
حتى لو زعلت من كلامك اللي بتقوليه
لاتضعفي وترجعي تراضيها في شي انتي عارفة ان استمراره غلط ...

اعتذر عن الاطالة بس حاولت احدد لك عبارات ممكن تستخدميها عشان تطلعي من اللي انتي فيه ..



الله يستر عليكم ويسعدكم :032:

انا رديت اكتب لج مرة ثانية قلبي محروق تجمعين فلوس حق امج وتضغطين على ريلج يعتذر لة لا لا لا امج هي امج انتي بس ريلج مب ملزوم بها مب لازم يعتذر لها خير ان شاااء الله يعتذر امج انساااانة شخصيتهاااا تحاوله تتحكم فيج وتسيطر عليكم اختي ارحمي حالج وارحمي الريال اللي معاج

والله كلمة اقولهااا لج من كل قلبي اعدج مثل اختي اذا بتمين العمر كلة جذي مع امج وريلج من الحين جهزي شنطتج ابرك لج وروحي قعدي عندهااا خليها تشوف شلون خيبت حياة بنتيهااا



قلنا لج لا تغطين على ريلج وسوي شي بحدود المعقول


انتي خايفة تاخذين اي خطوة حازمة اول


شي حددي ايااام الزيارة

واتصالات قلليهااا مب كل مرة تردين على اتصالههااااا


واعدلي بين اهل ريلج وحددي ميزانية حق الاشياء اللي تاخذينهااا لهم لاتكسرين ظهرج وظهر ريلج


حياتج انتي تخططين لها وردينهاااا



ريلج افصلي عن حياتج وتعاملاتج مع اهل



بصريح العبارة


امج تبيج تعيشسن حياة نسخة من حياتها مع ابوج

حببتي معاذ الله نعصييج على امج هذة حلوة االلبن

بس عامليها كام مش كمحقق وكابوس في حياتج

وزوجج عيشي معاة الحياة اللي فقديتها في بيت هلج


وانا لست بعالمة الغيب

بس من كلامج

ونعم الزوج عندج اختي الله يسخرة لج من يجمع فلوس ويعطيها هدية لعمتة


حبتتبي ريلج سعادتج وحلم الامومة بعطيج اياااة بفضل الله



افصلي حياااتج وريلج لاتدخلينة في نزعات مع امج


افرحي باللي عندج ولاتتوترين



اذا امج مانفع معاهااا هالمحاولات


حليهااا تحس بان عندها بنت ويمكن نفقدها بسبب اسلوب هالمعاملة


الله يسخر لج الخير حيثما تكونينن

و الشي الحلو ان الله اكرمج بزوج زين حرام تخسرينه عشان (طلبات امج اللي انتي مو ملزمة بها) ابداً

ياريت تقوين نفسج و فكري بالتطورات الا بتصير ترى لكل شي حدود

خلي زوجج يرتاح و قدريه بأنج ما تلزمينه باشياء مو ملزوم بهااا

حرام بصراحة حرااام

انتي حلقة الوصل و السبب الأكبر اذا قدرتي و قويتي شخصيتج بتشيلين كل هالكارثة اللي واقعة على عاتقج
اسمحي لي يعني اذا رفضتي طلبها اللي اساسا مو ملزمة به انتي هل بتخسرين دنيتج واخرتج ولا بينقطع ورث لو بيزات

بصراااااااااااااحة انه بنضري انتي في نقطة البداية حاولي ما بصير شي ولكل مشكلة عقدة كل ما خذيتي خطوة واصلي واصلي لين ما توصلين للغاية

هو انج تلغين مشكلة سيطرة امج عليج مهما عاقبتج انتي المظلومة مو اهي و تحملي عشان توصلين الى اللي تبينه

و اسمحي لي بعيد الشر عنج بتطور امور كبيرة مو في الحسبان مع مرور الزمن اذا ضليتي جدي

لانه الريال مو كل يوم بيضل تمام الحياة فيها مطبات اذا شافج تحت سيطرة امج ممكن انتي تخسرين شي مو في الحسبان و بعدين يمكن بتحسين

و بتوعين بعد فوات الاوان لا سمح الله فاعطيج صورة مفصلة الى الا تسويه امج

فانتي ابدي من احين و واصصلي

نصيـــــــــــــــحة
والله يساعدج

لا طاعة لمخلوق في معصية الخالقو اي شئ امج تقوله لج, شوفي الله يرضاه او لا. اذا معصية رديها و قولي لها هذا يغضب الله و يبعدني عنه. و حاولي ما تقولي له عن حياتج الخاصة, لاني احس مو من اسلوبها تستدرجك, انت ودج تقولي لها و هذا غلط. لو انت ما ودج كنتي غيرتي الموضوع و هربتي من اسئلتها. من جد صعب و زين ان زوجك صابر لان اغلب الرجال ما يرضون جذي. اتمنى انج تحطين حذ للموضوع قبل ما يصير شئ كبير و تتورطين

حبيبتي تقبلي كلامي من غير زعل
بس بحسب كلامك استنتجت ان امك
انانية وعندها حب التملك يعني انتي
اتزوجتي وهي مش قادرة تعطيك حقك
كأمرأة متزوجة وتبعد عن حياتك مع زوجك
انا احس انك لازم تسمعي كلامها وتطيعيها
بس من غير ماتخربي علاقتك بزوجك ترى
الرجال الي يسكت ومايتكلم عن الي بداخله
يوم يعصب يقول عن كل شي مزعله ولو كان
من زماااااااااان
حبيبتي انتبهي لزوحك ولبيتك وكوني الزوجة
الشاطرة الي توفق بين اهلها وزوجها
ربنا يسعدك ويوفقك