اكلوا قد ماتبون .. وبتنحفون ..على ضمانتي

بسم الله الرحمن الرحيم

شخباركم حبيباتي عساكم طيبين:L:

والله اني اشكثر استفدت من هالمنتدى الحلو بعضواته المبدعات ماشاء الله

والحين دوري افيدكم شوي من بعد تجربتي أكيد

متنت وانتفخت حتى صار وزني شوي وبيصير ثمانين ولأول مرة بحياتي اقرا هالرقم بالميزان :confused:

والشهية مفتوحة على الآخر

والبرد يبي له أكل

من يعاف مجبوس دجاج حار يتطابخ بهالبرد
والا مكرونة بالبشاميل والجبن سايح عليها علشان خاطر ريجيم وخرابيط
ماقدر استحمل اجوع روحي بالبرد
يمكن الصيف يهون ... البرد لالالالالالالا وألف لالالالالالا :'(
لا اقدر امشي كله بالبرنوص والدفاية وبلعه وتلفزيون هاذي برنامجي

المهم مالكم بالطويلة

قلت يا برووورة مالج الا


(بذر الكتان)

شريته من العطار وحمصته بالكامل وخليته بغرشة
بعد كل وجبة اكل ملعقة وفوقها كأس ماء

ركزو اني اكل عادي قد ما ابي ولا افكر لا بسعرات ولا غيره

وماشاء الله لاقوة الا بالله نزلت كيلوين بشهرين
غير الجسم اللي بانت معالمه
واليوم كنت بعرس وكل من قاللي شمسوية ضعفانة؟؟ :worn_out:
تشققت من الوناسة :p

قلت لازم اخبر حبيباتي عن هالنتيجة المرضية الأولية اللي وصلت لها

الحمدلله بالنسبة لي كيلو كل شهر وانة مو حارمة نفسي من ملذات الحياة وطيباتها خير ونعمة ولله الحمد
يعني بالسنة 12 كيلو

اشرايكم بنات بهالخبرية؟؟
واللي جربت بذرة الكتان ياليت تخبرنا بعد عن تجربتها علشان الكل يستفيد
:study: