ولدي عمره 2 ونصف ماينطق

انشاءالله البنات يفيدوونش حبيبتي &&

حبيتي الله يخليه لكم ............ حاولي تسولفي معه وتكلمينه وعند النوم حاولي انه يكرر معك او يسمع منك اسماء اخوانه اواخواته
خليه يلعب من الصغار ويتخلط من الناس
واذا في منطقتكم مراكز نطق نصيحه ودي لهاااااااا

انا ولدي كذا كم 3 سنوات ينطث كلمات غير مفهومه وجت سنه طلعناا لمنطقتناا وكان يطالع بالاطفال بس يسمع ورجعنا لبيتنا بعد شهر والولد تحسن كثير ودخلته مركز له الان سنتين فيه والحمد لله فرق واااااااااااااجد والان ولدي كلام درر

يارب يفيدوكي الصبايا طيب ماحاولتي تخاطبيه او يمكن ما عودتوه انه يتكلم او هوه من النوع الهادي طيب ما يتكلم مع اولاد صغار انتبهي شوفي كيف طريقة كلامو او لسانو تقيل اخويا لما كان صغير لسانه مره تقيل بس مع الوقت سار عادي الحمدلله
الاطفال ترى احيانا لما يبغو شي ما يتكلمو يسحبو بس
انشالله اتشوفيه باحسن حال دعواتي لك خيتو

ان شاء الله ما عليه شر
بس اللي اعرفه ان الجهال يتاخرون في الكلام
بس يقولون ماما وبابا
ان شاء الله البنات يفيدونج
والله صرت اخاف على ولدي

والله مشكلتك مثلي بالضبط .. نفس مشكلتي ..!!!

:-#

والله ولدي يالله يالله أفهم عليه بكلمة وحده أو كلمتين وغير واضحة بعد ..!!

ومثلك بالضبط .. اذا صار يبي حاجة يجي يسحبني للحاجة اللي يبيها ..!!

بس الحمدلله ان شاءالله ما فيهم الا العافيه لأن أخواني الأولاد كلللللللللهم مرّوا بالحالة هذي .. والحمدلله طيبين ويتكلمون بكل طلاقة .. !!

:)

بس انتي حاولي تكثري الكلام معاه .. كأنك تكلمين مع واحد كبير ..!!

أعطيه مجال يتكلم ويعبر عن اللي في نفسه .. حتى لو ما فهمتيه .. وتجاوبي معاه ,, وتحمسي .. وقولي له كلمات خليه يردد معاك .. وان شاءالله ينطلق لسانه ..

:)

~

عندي قريبتي ابنها يعاني من نفس المشكلة

ارسلته الى الحضانة بالبداية كان عنده صعوبة بالتـأقلم مع الاطفال يلي من عمره

بعد فترة ابتدأ يتكلم ونطقه تحسن وشوي شوي بيحكي والحمد لله

فانت اختي جربي تخليه يختلط مع اطفال من عمره كل يوم

وان شاء الله خير

حبوووبة لا تخااافين ترى في اطفاااال يتأخرون في النطق
بس انتي حااولي تخلينة يختلط باطفال
او اشتري لة كتب اطفال وقعدي معاة وخلي يردد الكلمات الي تقولينها
وان شاء الله ما علية الا العافية

ماشاء الله البنات ما قصروا .... وانتي اتكلمي وياه وكل ما يوديج مكان لا تروحين قوليله وين شو تبا يعني عشان ترصين عليه اشوي .....

ما عليه شر اختي

مثل بنتي بس بنتي تتكلم زين ماشاء الله وتفهم واذا تريد شي تقولي بس هالايام صارت تقول كلام مومفهوووووم مدري ليه مع انها لو تريد شي تقولي عادي بس استغرب من هالكلام الغير مفهوم؟؟!!

الله يساعدنا ويحفظ اولادنا يارب ..........,,

أختي الكريمة في كتير اسباب ممكن تأخر النطق عند الطفل وحدة من الأسباب هو ضعف السمع يعني لازم ينعرض على دكتور اذن و يفصح السمع
تانيا ممكن يكون في ثقل بعضلة اللسان و كتير اسباب تانية
فأهم شي هلأ انو يشوف دكتور و كل ما كان الهل شي ابكر كان احسن يعني ما تقولي بيحكي لحالو الا لما بكون جواب الدكتور انو كل شي طبيعي

اذا كان اول واحد حيتاخر في الكلام بنتي الكبيرة ماكلمتش الا لما كملت سنتين ونص والصغيورة عندها سنة ونص وتكلم عشان اخوها واختها يلعبو معاها يكلموها انا ابوها لو لوحدو حيكون في تاخير بس في الاخر حيتكلم

وديه إلى أخصائي سمع ونطق علشان يتأكد إلذا والولد يسمع أو لا بعدين يشوف العلاج المناسب

دامهم كلهم هالفترة ينطقون بكلام غير مفهوم
يمكن فايروس نازل << استهبل السمووحة:lol:


إذا البيت مليان اطفال وناس طالعين وناس جايين ..لا تطنشي الموضوع ..
وديه عند دكتور .. ترى اعرف واحد من عايلتنا زي كذا .. مايتكلم وهم ع بالهم عااادي
اليييييين كبر ع هالشي .. بعدين ودوه المستشفى .. طلع تعبان لاز م كان يتعالج وهو صغير عشان يلحقو ا عليه .. بس هم اتأخروا ..الحين الولد مايتكلم عمره 8 سنوات ..!!!!
وإذا البيت مو دايم ملياان ..ومحد يكلمه ..ماألومه إذا ماتكلم :)
الله يحفظه ويخليه .. ياااااااااااااااارب F:

أنااا ولدي نفس المشكله ....

بس كان يقوول ماما وبابااااا وبعدين كم كلمه وفي فتره بس يصاارخ ويصيح ولا يقوول أيش اللي يبغيه
وتعبت معه وديته مستشفى عشااان أتأكد إنه ماعنده مشكله في عصب السمع أو خيط تحت لساانه ...

والحمدالله ماكانت عنده هــ المشكله وقاال الدكتوور دااايماً كرري له الكلام ...
بس ماكان يستجيب لي وبعد 3 سنوات قام ينطق بعض الكلمات المكسره ...
وألحين بيكمل أربع سنوات وكلامه كلمات وماتنفهم كثيررر ...
وديه مستشفى شوووفي وش المشكله أحسن ... وماعليه شر ...
والله يحفظ أولادناا وأولادكم ...

حبيبتي خليه يختلط مع الصغار بيتعلم
كمان في أطفال بيكون لسانهم مربوط والدكتور بعدله شوفيه

حبوبة اني عبادي ولدي جدي متاخر في الكلام طبعا الحين الحمد الله اشوة
كان كل من يشوفة وهو صغير يستغرب انه ماتيكلم وولد عمة الي في مثل عمرة تقريبا ماشاء الله كلش يقول
فوديتة لطبيبة اطفال في السلمانية وقالت لي ودية روووووووضة
وفعلا وديتة روضة الحين السنة الثانية فيا
وماشاء الله كلشي يعرف
هو صحيح للحين يخربط في الحجي
بس اشوة عن قبل
وحافظ ماشاء الله السووور واناشيد
يعني ولله الحمد اشوة عن قبل بواجد
دخلية روضة لانة اذا اختلط ويا الاطفال يتشجع في الكلام ويتعلم من كل طفل كلمة

نفس مشكله ولدي عمره 3 سنوات بالضبط مثل ولدش

اذا بغا الحاجه يجي يسحبني للمكان لاا يبغيه

وماضل دكتور ماوديته ليه وكلا يقولون ليي انه عنده تاخر في النطق ولازم أوديه روضه من وقت عشان يختلط ويي جهال ويتكلم

واكو سجلته وان شاءا لله يتكلم

اخوه الصغير ماشاءالله احسن منه يقول كلمات بس هو مادري ليش للحين ماتكلم

كبر ولد اختي .. ونفسه بالضبط ^^
اذا يبي شي يصرخ ويسحب امه .. ودته المستشفى قالو لها عادةً الصبيان اغلبهم يتأخرون بالنطق .. لان اخته ما شاء الله بسرعة تكلمت وكلامها كان واضح ومفهوم عكسه

والحين اجوف لمن يكونون في بيتنا ينادى بعض الاشيا حتى لو ما انفهمت بس في تطور الحمد لله