كل ما يتعلق بافون بافون لشهر ربيع الاول 1432

المنسقات يابنات بيقولوا ان الاوردرات اللي اتعملت هتبدأ تتسلم يوم الاحد الجاي
وان كتالوج شهر 2 الشركه مدته حتى 11/3
دا كلام ونتمنى يكون حقيقي ان شاء الله

كتبو فالموقع ان البروشور امتد لحد 25 مارس !!
والاوردرات هتبدأ تسليمها من اول الحد الجاي ان شاءالله
وفي اوردرات اتلغت ها خدو بالكم
ادخلو شوفو في تتبع الفاتورة اذا مكتوب عالاوردر انه ملغي ولالا

sylsyl;14508813:
ايه حكاية الحاجات اللي خلصت؟
الحاجات دي كانت دوايرها خضرا ودلوقتي بقت حمرا؟ واللا انتى ماجربتيهاش قبل كدة؟ انا شاكة انها تكون كانت حمرا من الاول؟؟؟^o):'(

مش عارفه بصراحه ايه خلص بس فى حاجات كانت خلصانه من البدايه زى بيج كلر قلم العيون النحاسى وجليزوير الفوشيا فانتزى

sylsyl;14508843:
ياخبر هايمدوه لشهر 3 ههههه طيب كويس بس يمدوه مع الكتالوج الجديد بئة ماليش دعوة يعني يبعتولنا مع الاوردر اللي مش عاوزين يبعتوه ده كتالوج حملة 3و4 كمان ماليش دعوة :!!::lol:

ياريت بس للاسف هيمدوها

ೡDỡḓῨ.Bẵrbῖḝೡ;14509277:
[BACKGROUND="70 #CCCCCC"]يا بنـات هـى ايـه الحاجة اللـى خلصـت ؟[/BACKGROUND]

هشوف واقولك بكره

كيوت لولا;14509882:
بجد يا انوش الثورة دي جت في وقتها
الله اعلم كنا رايحين فين

انا كنت بشتغل في شركة ادوية حكوميه

كنت بشوف عجب العجاب سرقة و سمسرة و قله ضمير

لما كرهوني في الشغل
اختي بتشتغل في وزارة الصحة بتقول ان الاسبوع الاول في الثورة كان بدايه انهم يلغوا العلاج المجاني لغير القادرين
للناس اللي برا التامين

شوفتو الكارثة و انا دايما كنت بقول ان الحل تغيير النظام كله:mad::mad::mad::mad::mad:

بس الناس دايما بتخاف من المجهول

و اي حد جدد في التاريخ الناس هاجمته في البداية


حطولي بقا بروموشن3

ربنا يسترها معانا يارب
اكيد محدش لسه جاله بروشر شهر 3 يا قمر

nerosadaka;14510079:
المنسقات يابنات بيقولوا ان الاوردرات اللي اتعملت هتبدأ تتسلم يوم الاحد الجاي
وان كتالوج شهر 2 الشركه مدته حتى 11/3
دا كلام ونتمنى يكون حقيقي ان شاء الله

مش صح البروشور امتد ل 25 مارس

أنوش;14510379:
كتبو فالموقع ان البروشور امتد لحد 25 مارس !!
والاوردرات هتبدأ تسليمها من اول الحد الجاي ان شاءالله
وفي اوردرات اتلغت ها خدو بالكم
ادخلو شوفو في تتبع الفاتورة اذا مكتوب عالاوردر انه ملغي ولالا

قوليلى الله يكرمك اعرف ازاى انه اتلغى
بصى انا عامله اوردارين الاول فى 2 فبراير واتعملوه فاتوره عدد الصناديق 1 والقيمة المطلوب دفعها 444 جنيه مصرى
وفى اورادر تانى عملته يوم 9 فبراير وده اتعملوه فاتورة برضوا لكن عدد الصناديق صفر والقيمه المطلوب دفعها مش موجود يبقى كده ايه بقى؟؟؟؟؟؟؟؟؟؟؟؟؟؟؟؟؟

rody&s;14512626:

قوليلى الله يكرمك اعرف ازاى انه اتلغى
بصى انا عامله اوردارين الاول فى 2 فبراير واتعملوه فاتوره عدد الصناديق 1 والقيمة المطلوب دفعها 444 جنيه مصرى
وفى اورادر تانى عملته يوم 9 فبراير وده اتعملوه فاتورة برضوا لكن عدد الصناديق صفر والقيمه المطلوب دفعها مش موجود يبقى كده ايه بقى؟؟؟؟؟؟؟؟؟؟؟؟؟؟؟؟؟

بوصي حبيبتي هتلاقيها تحت بند نوع الطلبية ... لو اتكتب تحتها طلبية ملغية يبقى لغوها
وبنسبالك الاوردر الاولاني جهز واتقفل ونزلت الفاتورة انما التاني لسه

هنا حمزة;14511516:

هاااااااااااااااااى ازيكو يا بنات واحشنى مووووووووووت
بقالى كتير مش بدخل التجمع
ببص عليكم من بعيد نظرة سريعة كده من الشغل
بس مش بفضى ادخل ارغى معاكم
يا رب تكونو كلكم بخير يا قمرات
والف مبروك على مصرنا الجميلة ويا رب
نشوفها فى احسن حال اللهم امين

انوش
ازيك يا بتاعة الثورة هههههههههههه
ايه يا واد الحماس الثورى اللى انتى فيه ده
انتى كنتى فى التحرير ولا ايييييييييييييه
على فكرة انا نزلت النهاردة يا جميل عديت على اورفيليم واشتريت حاجات
على حسك يا قمر ميرسى جدا حبيبتى

وصحيح يا بنات حد جرب سيروم فلاش فيشيال ده
وهو خلص من الشركة ولالا لسه
ومجموعة كريمات الليل الجديدة من انيو دى حد جابها ولا لسه
وعايزة اقولكم على حاجة عبيطة انا نسيت
رقم العضوية بتاعتى شوفتوا الهبل
اعمل ايييييييييييه اتصل بالمنسقة بتاعتى اخده منها
ولا الكول سنتر ولا ايييييييييييييييه

مبروكين عليكي حبيبة قلبي تتهني بيهم يارب
ومبروك على مصر زوال الغمة .. واعتقد دلوقت اتضح تمثليه الامن والامان الفاشلة اللي كانو بيوهمو بيها الناس !
وكنت اتمنى ان اكون معاهم فالتحرير لان مشاركاهم فالفيس بوك من اول من بدأو للتخطيط مع وائل غنيم من 7 شهور لكن انا اسكندرانية وهنا مكنتش المظاهرات اقل من التحرير الحمدلله

بالنسبة للسيرم انا مشفتهوش خالص يعني من اول النت مادخل مصر وهو عليه علامة حمرا وكمان الانكاند نفس الكلام

رقم عضويتك اكيد المنسقة عارفاه ولو مش عارفاه استني يوم الحد خوديه من الكول سنتر

يا بنات في حاجه غريبه انا الطلبيه بتاعتي اتكتب جنبها تم استلام الطلبيه وانا مستلمتش حاجه واول مرة يكتبلي كده جنب اي طلبيه محدش يعرف دا ايه؟؟؟؟؟؟؟؟؟؟؟؟؟؟

أنوش;14514210:
ومبروك على مصر زوال الغمة .. واعتقد دلوقت اتضح تمثليه الامن والامان الفاشلة اللي كانو بيوهمو بيها الناس !
وكنت اتمنى ان اكون معاهم فالتحرير لان مشاركاهم فالفيس بوك من اول من بدأو للتخطيط مع وائل غنيم من 7 شهور لكن انا اسكندرانية وهنا مكنتش المظاهرات اقل من التحرير الحمدلله

بالنسبة للسيرم انا مشفتهوش خالص يعني من اول النت مادخل مصر وهو عليه علامة حمرا وكمان الانكاند نفس الكلام

رقم عضويتك اكيد المنسقة عارفاه ولو مش عارفاه استني يوم الحد خوديه من الكول سنتر

للاسف يا انوش عندنا لغاية دلوقتي مفيش امن ولا امان خالص كل يوم بلطجية وضرب نار وقلق مش عارفة الحكاية دي هاتخلص امتى ربنا يستر

وصح رقم العضوية اكيد مع المنسقة وممكن كمان تجيبيها من الكول سنتر لما يفتح:thumbs_up: يارب يفتح بئه

هنا حمزة;14511516:

هاااااااااااااااااى ازيكو يا بنات واحشنى مووووووووووت
بقالى كتير مش بدخل التجمع
ببص عليكم من بعيد نظرة سريعة كده من الشغل
بس مش بفضى ادخل ارغى معاكم
يا رب تكونو كلكم بخير يا قمرات
والف مبروك على مصرنا الجميلة ويا رب
نشوفها فى احسن حال اللهم امين

انوش
ازيك يا بتاعة الثورة هههههههههههه
ايه يا واد الحماس الثورى اللى انتى فيه ده
انتى كنتى فى التحرير ولا ايييييييييييييه
على فكرة انا نزلت النهاردة يا جميل عديت على اورفيليم واشتريت حاجات
على حسك يا قمر ميرسى جدا حبيبتى

وصحيح يا بنات حد جرب سيروم فلاش فيشيال ده
وهو خلص من الشركة ولالا لسه
ومجموعة كريمات الليل الجديدة من انيو دى حد جابها ولا لسه
وعايزة اقولكم على حاجة عبيطة انا نسيت
رقم العضوية بتاعتى شوفتوا الهبل
اعمل ايييييييييييه اتصل بالمنسقة بتاعتى اخده منها
ولا الكول سنتر ولا ايييييييييييييييه

الفلاش فاشيال عليه دايرة حمرا من اول الحملة اللي مابتدتش :confused:

frozenlove;14515563:
يا بنات في حاجه غريبه انا الطلبيه بتاعتي اتكتب جنبها تم استلام الطلبيه وانا مستلمتش حاجه واول مرة يكتبلي كده جنب اي طلبيه محدش يعرف دا ايه؟؟؟؟؟؟؟؟؟؟؟؟؟؟

جدييييدة دي عمر ما كتبوها عندي حكاية الاستلام... مكتوب ايه بالظبط قوليلي؟؟؟

وطمنيني اخبار الشوارع عندكو ايه اليومين دول

frozenlove;14515563:
يا بنات في حاجه غريبه انا الطلبيه بتاعتي اتكتب جنبها تم استلام الطلبيه وانا مستلمتش حاجه واول مرة يكتبلي كده جنب اي طلبيه محدش يعرف دا ايه؟؟؟؟؟؟؟؟؟؟؟؟؟؟

حصل معايا ده قبل كده
وتاني يوم الصبح كان المندوب بيتصل بيا عشان استلم الاوردر
متقلقيش
ان شاء الله قريب جدا كل الاوردرات هتتسلم

ياجماعة فتحت تتبع الأوردر لقيت تحت مكتوب كانسل تحت بند نوع الأوردر مع انه منزلي الفاتورة تفصيلية والهدايا وكله..أعمل ايه؟؟

حاولت اتصل بشركة الشحن ارامكس محدش رد :thumbs_down:

نهارهم مش طالعله شمس بعد ما الاوردار طلعلوا عدد صناديق وثمن مطلوب دفعه كتبولى دلوقتى تم الغاء الطلبيه لالالالالالالالالالالالا الله يهدهم انا زهقت
انا مش شاريه حاجه تانى منهم ايه القرف ده خدمه زباله

سؤال فني
الروج اللي هوا الترا كلر ريتش روز جولد اللي ب75 ده نازل جديد
الافضل اني اخد الاتنبن بسعر واخد
ولا اني استنا عرض علي واحده بس لما ينزل والله اعلم امتااااااا
انا مكنتش مستعجله عليه لان كنت واثقه ان شهر 3 احتمال ينزل ولا حاجه
واوريفلام برده برشور تركيا بيبشر ان شهر تلاته ممكن يبقا في ارواج حلوه
فاايه رايكم اجيبه ولا استنا
وهل السعر للاتنين حلو واجيبه

ازيكم يابنات انا عايزه اجيب برسيف رجالي وحريمي واحده وواحده و2 جيت فام والماجيكس الحاجه دي موجوده وايه رايكم اسعارها كويسه كده والا حتنزل تاني قريب

و انا كمان حاولت اتصل بشركة الشحن ارامكس محدش رد
طب هو انا ممكن اعمل اوردر كل اد ايه؟؟؟

ساره افندي;14520757:
سؤال فني
الروج اللي هوا الترا كلر ريتش روز جولد اللي ب75 ده نازل جديد
الافضل اني اخد الاتنبن بسعر واخد
ولا اني استنا عرض علي واحده بس لما ينزل والله اعلم امتااااااا
انا مكنتش مستعجله عليه لان كنت واثقه ان شهر 3 احتمال ينزل ولا حاجه
واوريفلام برده برشور تركيا بيبشر ان شهر تلاته ممكن يبقا في ارواج حلوه
فاايه رايكم اجيبه ولا استنا
وهل السعر للاتنين حلو واجيبه

هاااي سوسو
لو مستعجلة عليه هاتيه
هو يعتبر بنص الثمن فحلو
وهو كمان ممكن ينزل لوحده بنص التمن

frozenlove;14521389:
و انا كمان حاولت اتصل بشركة الشحن ارامكس محدش رد
طب هو انا ممكن اعمل اوردر كل اد ايه؟؟؟

هاي يا جميل
على ما اعتقد ممكن كل يوم
ايه ناوية تتهوري تاني وللا ايه ههههههههههه

اه وعلى فكرة كمان افتكر ت حاجة
كلمه رسيفد او استلام اللي اتكتبتلك في حالة الطلبية دي معناها انهم هما اللي استلمو الطلب اللي انتى كاتباه ومش معناها انك انتى استلمتى الاوردر
ودي بتكون مرحلة ما بين الادخال والفوترة
شوفتي بئه هههه من كتر الخضة نسيتيني الحكاية دي ههههههه
وفعلا من شهرين كنت متابغة وكتبوهالي مرة وبعدها بدقايق كانت الفاتورة طلعت :lol:

واخر اخبار المعدية عندنا يا ستي انها اتحولت دلوقتي لثكنة عسكرية هاحكيلك على الخاص علشان المخالفة وابعتيلي عنوان صفحتك على الفيس بوووك

هاى يا بنات وحشتونى كلكم عملة اية يا انوش انتى وsylsyl معلش يا بنات اصل انا فى حالة زى الزفت وفى قلق كل يوم وكانت فى ايام من الايام الافاتت كنت خلاص فكرة انى هاموت وده لانى سكنة جنب وزارة الدخلية لذق من يوم جمعة الغضب ضرب نار وقدام عنية وشيفة ظباط متصابين وميتين وناس متصابة لاحد ما افتكرت خلاص دى نهايتى المهم طمنونى عليكم

Nody cool;14522774:
هاى يا بنات وحشتونى كلكم عملة اية يا انوش انتى وsylsyl معلش يا بنات اصل انا فى حالة زى الزفت وفى قلق كل يوم وكانت فى ايام من الايام الافاتت كنت خلاص فكرة انى هاموت وده لانى سكنة جنب وزارة الدخلية لذق من يوم جمعة الغضب ضرب نار وقدام عنية وشيفة ظباط متصابين وميتين وناس متصابة لاحد ما افتكرت خلاص دى نهايتى المهم طمنونى عليكم

ياه يا نودي يا حبيبة قلبي الف حمد لله على سلامتك حبيبتي ويارب الايام دي تعدي على خير ابئي طمنينا عليكي دايما وحاولي تنسي المناظر اللي شوفتيها دي صعبة جدا ربنا يكون في عوننا جميعا
----------------------------------
ياترى اخبار افون ايه؟ هل من جديد؟

sylsyl;14522930:
ياه يا نودي يا حبيبة قلبي الف حمد لله على سلامتك حبيبتي ويارب الايام دي تعدي على خير ابئي طمنينا عليكي دايما وحاولي تنسي المناظر اللي شوفتيها دي صعبة جدا ربنا يكون في عوننا جميعا
----------------------------------
ياترى اخبار افون ايه؟ هل من جديد؟

عاملة اية يا حببتى واحشتينى انتى مش متخيلة حالتى عاملة ازى انا قعدت 3 ايام من غير اكل ولانوم لاحد ما اتخدوا عليا وكنت كمان قلقانا على اصحابى لانى كلهم سكنين عند ميدان التحرير وكانوا بيحكولى حاجات انا مش متخيلها لحد دلوقتى اما عن اخبار افون فانا معرفش اى حاجة خالص لانى ديه اول مرة من ساعة ما قطعوا النت افتح الكمبيوتر لانى كنت عايشة فى حالة رعب

انا عايزة اروق شوية ادردش معاكى بقى يا sylsyl واحشنى الكلام معاكى يعلم ربنا انا كنت قلقانا عليكى انتى وانوش وبقى البنات بالنسبة للبرشور انا كنت ناوية قبل الثورة اللى حصلت اجيب ماسكارا سوبر كرليشيوس و الماسكار الجديدة وماسكارا لونج لاستنج اية رايك فيهم وكنت عوزة اجيب روج اكسترا لاستينج اللون موف ايس حلو ولافى لون تانى احلى اصلى مش عارفة الوانة ومجموعة كنوز اقراط البحر عاجبانى

Nody cool;14522973:
عاملة اية يا حببتى واحشتينى انتى مش متخيلة حالتى عاملة ازى انا قعدت 3 ايام من غير اكل ولانوم لاحد ما اتخدوا عليا وكنت كمان قلقانا على اصحابى لانى كلهم سكنين عند ميدان التحرير وكانوا بيحكولى حاجات انا مش متخيلها لحد دلوقتى اما عن اخبار افون فانا معرفش اى حاجة خالص لانى ديه اول مرة من ساعة ما قطعوا النت افتح الكمبيوتر لانى كنت عايشة فى حالة رعب

ياعيني عليكي يا نودي قلبي معاكي

على فكرة انا كنت باسأل على افون علشان المخالفة فقط مش باسألك انتى يعني :o