nerosadaka;14467885:
اولا انا مأهنتش الثوره لاني كنت من مؤيديها
اللي انا معارضاه اهانه رئيس عاش في مصر وخدم شعبها 62 سنة تقريبا ما بين جيش ورئاسه
وفي الآخر شعبنا العظيم يصر على ذله واهانته وهو تخطي ال80 من عمره
ايه اللي هيحصل لو كان عمر سليمان تولى عنه امور الرئاسه وطلع الرئيس معزز من بلده
ليه الغل ده
عشان الفساد
كل بلاد العالم فيها فساد
كل رؤساء العالم ليه اخطاء
كمان انا ملاحظه حاجه غريبه جدا
بجد غريبه
ان ممنوع الكلام عن الثوره الا بالتفخيم والتعظيم
هو ده عصر الديمقراطيه اللي احنا داخلين عليه
مش هما دول اللي بيحتجوا على الاستبداد بالرأي والديكتاتوريه
انا مقلتش حاجه غلط عشان يتحذف كلامي كأني سبيتهم
للمره المليون انا مش ضد الثوره
انا ضد الاستبداد بالرأي واهانه انسان ضعيف حتى لو كان مفتري قبل كده
وآخر حاجه هقولها
من لايرحم لا يرحم
يعني اللي ميرحمش اخيه في الدنيا ربنا ميرحموش في الآخره
وشكراااااااااااااااا لاداره المنتدى
حبيبتي مش عايزين نخرج عن ايطار التجمع
بس اللي شوفته ادامي انك قولتي عليهم ناس تافه
وحسبنتي عليهم وكل كلامك كان ضد مش مع
احب اقولك ان الناس دي لو مكانتش كملت للنهاية كانت مصر وصلت للنهاية الحقيقية
مفكرتيش ان الراجل دا معملش حساب لموت مفكرش انه ممكن يموت في اي لحظه وكان كل من هب ودب هيقولك انا الاحق بالسلطة ؟ عالاقل دلوقت احنا في ايد هيئه الجيش المحترمة
ومتنسيش انهم مكنوش شباب بس بيلعبو ابو بيعاندو لا دول دكاترة جامعات واطباء ورجال دين ومحاميين وصحفيين وعلماء اجلاء وكل فئات الشعب واعتقد دول عندهم تفكير افضل مننا وعارفين ان دا الصالح لمصر اما الان والا فلا
للاسف في كتير غرهم الخطاب المخادع والكلام المعسول ووقعو في شباكه
لكن الحقيقة امر بكتيررررر اوي وهي ان الرئيس المخلوع كان بينظر لمصلحتة الشخصية فقط لا غير
الخطابات كلها مثيرة للسخرية عبارة عن شكر وتبجيل وتعظيم في نفسه منتهى العجرفة دا حتى نسى يترحم عالشهداء ويبرد نار قلوب اهاليهم
حتى التفويض اللي عمله لعمر سليمان كان شكليا لان التفويض في الدستور المصري ليس له اي صلاحيات تذكر حتى لو حب يعين وزير مش هيقدر يقوم بيه لازم بموافقة من الرئيس نفسه لان الدستور متفصل بالمقاس على الرئيس المخلوع وليس غيره فا كانت لعبة تانية انه يدير مصر من خلال عمر سليمان
الامن والاستقرار كان موجود فعلا لحد ما هو امر بسحب كل قوات الشرطة وفتح السجون للبلطجية لارهاب المواطنين
عموما في مقولة انا مؤمنة بيها بتقول الذين يصنعون انصاف الثورات لا يفعلون شيء سوى حفر قبورهم
والناس دي مكانتش عايزة تعمل نصف ثورة ولا تحفر قبورهم وعشان كده استمرو
واعتقد من حق اي انسان يطالب بحريته في بلده
ومحدش مستبد في الرأي بس مينفعش نقلل من شأن الحدث دا ونوصف أهله بالتفاهه
لان ببساطة ممكن اي اخت هنا يكون اخوها او ابوها او ايا كان يكون واحد من الشباب دول
ولو شايفه انهم مستبدين فا انا افتخر ان الشباب دول استبدو في طلب الحرية
مش زي الرئيس المخلوع اللي استبد فالظلم والطغيان
ومصلحة مصر فوق كرامة اي شخص حتى لو كان قائدها
ويكفي اقولك ان سيدنا موسى عليه السلام اهلك فرعون واعوانه برغم من انه كان في مقام ابوه
ربنا وحده كان اعلم بينا ووقف معانا لان الناس دي مكانتش بتهزر
دي عاشت اسوء الظروف عشان خاطرنا نامت فالشارع في عز البرد وفي رعب ومعرضين للموت باي لحظه كانت 18 يوم مفيهاش اي نوع من الادميه
تحية من قلب كل مصري لهيئه الجيش المحترمين اللي كانت اول هيئه رسميه تحيي روح الشهداء
اخيرا اقولها مرة تانية مبروك على كل شعب مصر الثورة المباركة
وافرحو فكل الوطن العربي في عيد النهاردة
وارجو عدم الخروج عن قوانين التجمع
في امان الله