سؤال بخصوص التحاميل المهبلية

*

*ام ورد*

عروس رائعة

06-02-2011 | 01:33 PM

السلام عليكم

خواتي سبق ونزلت سؤال عن اسم التحاميل والكريم اللي ياخذونه عن التهاب المهبل

انه حاليا خذيت هذي التحاميل

ثلاث تحاميل استخدمها 3 ايام ورى بعض عند النوم

فحبيت اعرف شنو اعراضها بعد الاستخدام ؟؟ لأني احس بحرقان اول ما خليتها ومن بعدها نزلت سوائل وايد ولازم استخدم وياها الفوط الصحية وهل 3 تحاميل تكفي ؟ ومتى تطلع نتيجتها بعد الاستخدام لأن اخاف تنزل الدورة في هالايام واوقف التحاميل ولا استفيد من العلاج

D

Dayoni

عروس نشيطة

06-02-2011 | 02:11 PM

حبيبتي الحرقان الخفيف طبيعي
وبالنسبه للسوائل هادي عزيزتي نفس الدوا بيطلع... عشان كدا لازم تحطيها وقت النوم وانتي منسدحه عشان ما ينزل الدوا ويجلس جوا فتره طويله... لانو حتى لو جلستي ممكن ينزل
وبالنسبه 3 تحاميل كفايه حبيبتي لانو هي جرعتها كدا قويه... والمفروض تحسي بنتيجتها من اول حبه او تاني حبه بالكتيرر... وفي حال جاتك الدوره وقفيها وارجعي كملي بعد ما تخلص
وماتشوفي شر :)

ق

قشطة و عسل

عروس مشرقة

06-02-2011 | 02:19 PM

السوائل اللي تنزل هاي من نفس التحميلة من المادة المصنوعة منها تنصهر داخل جسمك و تحرر المادة الدوائية و تخرج مع افرازات المهبل على شكل سائل و عادي يكون حرقان خفيف و مثل ما قالت الاخت قبل النوم و انتي نايمة على ظهرك عشان تستفيدي اكبر فائدة ممكنة و ثلاثة تكفي ان شاء الله لو حالتك لا سمح الله متقدمة الدكتورة ممكن توصفلك بكيت ثاني او ثالث معه بس عادة بكيت واحد يكفي

*

*ام ورد*

عروس رائعة

06-02-2011 | 04:01 PM

مشكورييين خواتي وما قصرتو تعبتكم وياي بكثر الاسئلة ^_^ جزاكم الله خير

فعلا من اول تحميلة اختفى الالم اللي كنت احس فيه في منطقة المهبل بس الافرازات وايد ولحد الحين مع كل تشطيف اشوف بقايا التحميلة

ا

ايبرو

عروس جديدة

06-02-2011 | 09:40 PM

تعالجتي عند اي دكتورة ^o)

*

*ام ورد*

عروس رائعة

07-02-2011 | 03:59 PM

ايبرو;14421861:
تعالجتي عند اي دكتورة ^o)

شريتها من الصيدلية بدون وصفة طبية لأن من قبل ياني التهاب ووصفت لي الدكتورة نفس التحاميل وفادتني