رابطة امهات واطفال مصر بعمر السنتين ... لشهر ربيع الاول

ازيك يا ايمي يارب تكوني بخير انتي وميزو وكل البنات وكل مصر
يارب فرج الكرب وارفع البلاء عن مصر واهلها

الحمدلله يا رنا تمام
انتي ايه اخبارك وازي هيا عامله ايه ف الاجازة ههههههههههههه


يارب الرابطه ترجع تاني زي الاول بجد بقيت ازهق اوي كل لما ادخل مالقيش حد كده خصوصا اني عند ماما بقى وقاعده فاضيه مش ورايا حاجه غير النت هههههههههه

اخباركم ايه يا قمرات؟ أنا شخصيا مخنوقة جدا من اللي بيحصل و من جوزي ومن الدنيا كلها ربنا يفك كربنا جميعا

مخنوقه من جوزك ليه يابوسى الدنيا مش ناقصه ؟؟؟كفايه اللى ف البلد هونى على نفسك بس ماشاء الله ايه الواد الحليوة ده ربنا يحميه

ربنا يخليكي يا رورو يلا اخطبله النونو الجاي مش هي بنوتة بردو ههههههه جوزي ربنا يهديه عصبي و عندي ومش بيفوت فرصة مش ينكد عليا فيها بأي شكل وأدينا داخلين علي شهر من غير كلام كده من نفسه من غير سبب حتي آدم لو عيط في ايده بيزعقله تصوري.. مش كان كده أيام الخطوبة كل حاجة حبيتها فيه و اتجوزته علشانها اتغيرت ١٨٠ درجة وبحاول بكل الطرق معاه بس هو مش معترف أصلا انه غلط علشان يتغير.. والله أنا مش متحامله عليه حتي بابا لما بيتكلم معاه في أي موضوع في الدنيا بيتعب منه و بيقوله نفس الكلام مش عارفه أعمل ايه.. أنا مش عايزه غير اني اعيش جوه بيتي في هدوء مش عايزه أعرف حاجة عن الدنيا بره أصلا لكن هو شايل هم كل حد بره البيت و كل الناس عنده وحشين و بيحاسبني علي تصرفات الناس الغريبة كمان طيب وأنا مالي.. مش عارفة اتصرف و تعبت حاسه اني لوحدي وبيصعب عليا نفسي و بيصعب عليا اشيل همي لبابا وماما و بحلف لهم اني عايشه أحسن حاجة ومفيش مشاكل وطبعا بكون بكذب و دموعي نازله بس كفاية اللي هم فيه.. أنا اسفه نكدت عليكي بس والله أنا قربت أنسي الكلام من قلت كلامي مش بتكلم غير مع آدم لا بشوف حد ولا بكلم حد خالص

يارب يكون شهر بدايته خيرر لينا وامن وامان لمصر

بوسى حبيبة قلبى معلش اهدى شويه وعليكى بالدعاء ان ربنا يهديه ويصلح حاله

وعليكى بالاستغفار صدقينى مفعوووووووووووول السححححححححرررررررررر والله وربنا يصلح الحال لينا جميعا

ع فكره ماشاء الله عليه ادم يتاكل اكل ههههههههههههههههه

السلام عليكم
ازيكم يا بنات وازي الكتاكيت
يارب فرج هم مصر واصلح حال بلدنا وامنها واستقرارها
يارب تعد يالايام على خير
بجد كلنا نفوسنا بقيت على الآخر ومخنوقين
معلش يا ام آدم يمكن جوزك مخنوق من الى بيحصل في مصر وبيطلعه فيك بس
استحمليه شوية وربنا يهدي وزي ما راوية قالت استغفري كتير

كل شهر وانتو طيبين

ازيك يا بناااااااتوازاي البيبيهاااااااات

يارب مصر ترجع امنا وسلاما يارب
يارب نطمن علي بلدنا يارب
انا عرفت بحبها اد ايه بعد الازمه دي
بس مش متخيلي اني اشوف مصر متبهدله والخراب دا فيها
يارب انصرنا للخير للشعب ياااااااااااااااارب

ام عمر ومنه
ازيك يا حبي
اخباركم ايه

ازيكو يا بنات اخباركو ايه


بوسي روقي يا قمر ماتقارنيش بين ايام الخطوبه وايام الجواز ابداااااااااااااااا يا حبيبتي
مش جوزك بس اللي كده كووووووووووووول رجالة الدنيا كده حاجه ف الخطوبه وبعد الجواز بيبقو حاجه تانيه المسئوليه بقى والولاد والكلام ده كله بيخليهم عصبيين
معلش استحملي وربنا يهديه ليكي يارب ويصلح لك الاحوال
وكلنا كده مش بقينا بنتكلم غير مع ولادنا بس :D

بخير يا ميرو الحمدلله
والله النفسية بشعة وتحت الصفر
بجد الواحد مش عارف يعمل ايه الاحوال رايحة لفين

ازيك يا ميرو عامله اييييييييييه


يااااااااااارب دي تكون اخر جمعه بقى وكل واحد يشوف له حل ف نفسه بجد عشان كده حراااااااام والله
ده غير كمان الحاجه اللي بتغلى دي بجد مش معقول والواحد مش مستحمل ومش ناقص
ربنا يسترها يارب

اسماء ازيك عامله ايه وازي الولاد

ازيك يا مونة وازي معاذ عامل ايه

الحمدلله يا اسماء بخير كله تمام

احنا بخير يا مونة
انتم عاملين ايه الاوضاع ايه في المنصورة
ازي سالى وزوجها واولادها

يارب تعدي الايام دي على خير ويعدي النهاردة على خير
يارب يرجع الامن والاستقرار لمصر
بجد زي ما ميرو قالت
الواحد في الازمة دي عرف يعني ايه مصر

اه فعلا والله
وعرفنا اد ايه احنا كنا ف امن واستقرار ومش حاسين مش حسينا بيه غير لما فقدناه



والله سالي بقى لي فتره مش كلمتها كل لما اقول هكلمها تحصل حاجه وانسى يا اما الوقت يبقى مش مناسب
ان شاء الله شوية كده وهكلمها

صحيح سالى وجوزها عاملين ايه ؟؟؟

بوسى صعبتى عليا بجد لان كلنا بيجيلنا اوقات زيك كده ونفس احساسك بس انتى حاولى تهدى نفسك خالص وخدى دش ووضبى روحك وابنك كمان واسكتى خالص ومش تردى عليه الا بكل كلام حلو ويرضيه هيهدى معاكى بالتدريج
وحاولى ف ساعة صفا كده ورايق فيها تعاتبيه بدلع مش بلووم وتقوليله فكها بقى انا ماعدتش قادره سكاتك كده واسحبى خالص اعملك شاى معايا اعملك ساندويتش اى حاجه اسحبيه عشانك وعشان نفسيتك تتعدل ويرجع يكلمك تانى وحاولى تهدى الكلام معاه مش كله مره واحده لحد مايستعيد تانى نشاطه لانه ممكن ف حالة فتور مش طايق اى حد ومش عايز يكلم اى حد
حتى لو هاجمك وانتى بتعاتبيه اسحبى برده ناعم واسكتى خالص شويه وبعد كده لاطفيه تانى لحد ماربنا يفتح بينكم ويصلح مابينكم
واما تعاتبيه حاولى تتكلمى بهدوء وتقوليله اد ايه انتى محتاجاه وعايزة تسمعى صوته ف الفتره دى بالذات لانك مضغوطه من تصرفات ادم شويه لانك ام جديده حاولى تعرفيه كده ماتقساش عليا وحقك عليا ممكن اكون غلطانه بس ماتعندش وماتكلمنيش احنا مالناش الا بعض كده فهمانى ؟
لحد ماالامور تبقى بالتدريج احسن
تانى حاجه فعلا الاستغفار والدعاء مافيش احلى من كده بجد حتى لو خادت مده معاكى ومافيش اصلاح ماتزهقيش بعدها هييجى فتره هتحبيها اوى
اهم حاجه ماتضغطيش عليه باى شئ حاولى تهدى وتكونى فريش وموضبه روحك باستمرار والبيت نظيف وكله تمام هيحاول تبقى نفسيته كويس ويرجع تانى معاكى حلو
ربنا يخفف عنك ويصلح مابينكم ويرزقكم السعاده ويصرف عنكم كل مكروه