تعبت من شدة غيرتي - منتديات عروس

السلام عليكم
أنا متزوجة وكنت أشوف دايما في إيميل زوجي رسايل من بنت كلها في مواضيع عامة سألته عنها وكان يقول توصلني بالغلط واستمر الموضوع فترة طويلة وهي ترسله ولما أصريت أعرف من هي قال هذة وحدة مسكينة خدمتها مرة وفضل إيميلي عندها وهي بترسل لكل إللي عندها ماتقصدني أنا لأن مافي شي بيننا الان أنا ماصدقتة
المهم قدرت أعرف إيميلها ارسلتلها وعرفتها اني زوجة فلان وطلبت بكل أدب إنها تمسح إيميل زوجي من عندها ردت عليا إنه مافي شي بينهم من يوم ماتزوجني وأنها بترسل للكل
إترجيتها بشدة إنها تمسحة حتى لو مافي شي بينهم وبترسل لكل الأسماء عندها ونها ماراح تخسر شي لو مسحتة في المقابل إني راح أخسر زوجي لو إستمرت لأني غيورة جددا
طبعا ردت وقالت ماراح أرد على سخافاتك وفعلا ماردت واستمرت تراسل زوجي
أنا واثقة إنه مافي شي بينهم وإنها بترسل للكل بس مع كذا ماأبغاها ترسل لزوجي ماأبغى زوجي يفتكرها وتفضل دايما في باله وليش ترفض إنها تمسحه مدام كل شي إنتهى
ماني عارفة كيف أتخلص منها
زوجة غيوووورة جدا

السلام عليكم
اعانك الله
كل زوجة تحب زوجها تغار عليه وشي طبيعي ربي يؤلف مابين قلوبكم ويحببكم في بعضكم اكثر واكثر ان شاءالله
الله يصده عنها وعن كل بنت اللهم امين
انتي غلطتي يوم كلمتيها .. لانها بدأت بالعناد معك
بما انك تعرفين ايميل زوجك .. كل ماقدرتي تدخلين عليه امسحي ايميلاتها .. ولاتتركين لها اثر
وابحثي في قوقل اذا في مجال انج تسوين لها بلوك .. وازاله او من الايميلات المهمله اللي ماتصل لزوجك منها وان شاءالله تحصلين طريقه والله يسهل ان شاءالله

ولا تخافين الحمدلله ان زوجك مو هامته البنت نهائيا الف حمد وشكر

دمتم سالمين
اختكم شريفة