وينكم يالمدرسات تعالواااااااااااااا

ن

نملة خبلة

عروس جديدة

14-09-2003 | 07:41 AM

وينكم يالمدرسات تعالواااااااااااااا
مساء الخير

بدش بالوضوع على طووووووول

الله يسلمكم عندي رفيجتي توها مبتدأة .. والاسبوع الياي راح يبدي العملي مالها ( اهي مدرسة انجليزي للمرحلة المتوسطة) .. وطبعا تحتاج افكار جديدة وحلوة في كيفية تقديم الدرس .. لشد انتباه الطلاب من ناحية والحصول على اعجاب الناظرة والمدرسة الاولي والمشرفة .. لان كل هذا راح ينحسب من ضمن علاماتها . فياليت تقدرون تعطونا من افكاركم الحلوة .. بكل شي بدءا من التجهيز للدرس الى الانتهاء منه .. انا اقصد مسابقات .. استخدام الكروت او الكمبيوتر او اي شي تقدرون تفيدونا فيه.

وعندها طلب ثاني ( ادري فيها ماتنعطى ويه)

اهي تبي اتقدم درس نموذجي ... وراح تقدم فقرة باذاعة المدرسة عن القرقيعان. يالييييييييت تعطونا اي فكرة تكون حلوة ويديدة وتعجب الطالبات والناظرة والمدرسات.

عن جد متفائلة فيكم خير .. وتكفووووون فكوني من حنتها :confused::confused::confused::confused:

الرجاء الرد علي بأسرع وقت ممكن

:shy::shy::shy::cool2::cool2::cool2::cool2:

ن

نملة خبلة

عروس جديدة

15-09-2003 | 03:30 AM

شدعوة !!! 12 وحدة دشت وبس ثنتين اللي ردوا علي؟ يرضيكم جذي انحرج جدام رفيجتي؟ وانا شادة حيلي وياية وحالتي حالة . الصراحة فشلتوني جدامها :(

الله يسامحكم :( كاهي يمي تتشمت فيني واتقولي انتي مامنج فايدة :(

انا ما مني فايدة؟ ترضونها لي؟ اذا ترضونها ميخالف .. واذا ماترضونها عيل ردوا علي وافحموها :(

وينكم يالكويتياااااااااااات .. اختكم منقص ويهاا
:( :( :(

الله يهداج منقاشي .. كاني حطيت الموضوع بقسم الطلبات ولا احد عبرني :(

ص

صدى الحرمان

عروس مشاركة

15-09-2003 | 03:45 AM

هلا والله نمله خبله .... كيفك ....
طبعا انتي من الكويت وما أدري إذا الطريقه هذي انتم تستخدمونها أو لا ... وهي طريقة عرض الدرس عن طريق الحاسب الآلي باستخدام برنامج الباوريونت باستخدام البروجكتر .. طريقه مره حلوه وتشد الطالبات وأيضا ممكن تعرضين سي دي على حسب درسك ...
دعواتي لك:up:

ن

نملة خبلة

عروس جديدة

16-09-2003 | 06:04 AM

الله يجبر بخاطرج يا صدى الحرمان زي ماجبرتي بخاطري

اهي صج خوش فكرة واكييييييد بتعجب صديقتي . مشكورة وماقصرتي على ردج اللي يطيب الخاطر

الدور والبائي على الباجي .. والشاطر يفهم :D :D :D :D

ع

عروس دبي

مشرفة سابقة

16-09-2003 | 06:37 AM

هلا عزيزتي انا مريت بمرحلة العملي في آخر سنة لي في الكلية

ومن الأفكار اللي سويتها يبت شجرة صناعية وعلقت عليها كروت وكنت

اشرح عادي ولما اوصل لنقطة معينه او معلومة اضافيه كنت اخلي بنت

تطلع وتقرأ من الكرت ...طبعا حسب الموضوع ممكن تكتبين البطاقات...

سويت مرة في آخر 5 دقائق مثل مسابقات وحدة تطلع تسأل والثانية

تجاوب وكل وحدة لها هدية رمزية وحطيت الأسئلة في وعاء زجاجي

داخل الكور الملونة اللي تكون في ككاو اللي هو مال البيض اعتقد

اسمه كيندر وطبعا كل كورة لها لون ....

ممكن استخدام فكرة الباور بوينت طبعا حسب الدرس ...

واستخدام الطباشير الملونة والترتيب له دور ....

وان شاء الله اذا اذكرت شيء راح اضيفه وبالتوفيق لصديقتج....

ن

نملة خبلة

عروس جديدة

16-09-2003 | 08:57 PM

تسلمييييين عروس دبي .. وانشالله انردها لج بالأفراح :D

اي هذي الافكار السنعة ... وبصراحة بيضتي ويهي جدام صديقتي :D:D:D

الحين اقدر اتشيحط عدل واقدر اقول ان عندي خوات زي الذهب :$

ا

العروس الناعمة

عروس نشيطة

18-09-2003 | 05:32 AM

اهلين أختي..

انا مدرسة لغة انجليزية للمتوسط وانشاء الله افيدك..

بس ما ادري هل طريقتكم في التدريس مثلنا بالسعودية ..الله اعلم..

انا رح اقول الي عندي..

اول شي لازم تحل الواجب السابق مع البنات ..بعدين تسأل اذاكان فيه شي مهوب فاهمينه..

بعدين في التمهيد للدرس الجديد ترتب اول شي السبورةوبعدين تطلب من البنات انهم يفتحون كتبهم على الدرس الجديد..

وتحاول تسألهم كم صورة موجودة ... وعدد ا لاسطر اذاكانت قطعة ...والموضوع..وبعد تسألهم عن ايش تتكلم الصور...

في الوسائل التعليمة انصحها انها تستخدم اشياء بسيطة من الواقع ..

وتستخدم كروت ..وهذي مرة مهمه...تكتب عليها الكلمات الجديدة ..

كل كلمة في كرت و من ورا الكرت تكتب نوع الكلمة اذاكانت اسم او فعل...

وفي فقرة الاملاء تحاول انها تستخدم الحروف الملونة المغناطيسية..تلخبط

حروف الكلمة..وتطلب من وحدة انها ترتبها...

والافكار الي براسي كثيرة بس اعذريني لاني ما اقدر اكتبها الحين بس انشاء الله بحاول باقرب وقت..

العروس الناعمة

m

malal

عروس جديدة

18-09-2003 | 06:20 AM

هلا اختي النمله " يجنن اسمج"
انا مدرسه انجليزي ادرس المرحلة الابتدائية... اموت في شي اسمه وسائل تعليمه ممتعه ... عندي لعبه اسمها :foot print"
وهي نو من الطريقه الممتعه اللي تقدر تهيئ الدرس فيها كمسابقه او كمراجهة معلومات سابقه ..
اللعبه :
1- تطبع صور اثر قدم .. وتقصه بالمقص وتصمغ الاطراف بي بحيث انها تقدر تدخل ورقه فيه ..
2- صبع الابهام يقص كله ونفصله عن باقي القدم ونلصقه من الخلف بعود مثل عود الايس كريم .
3- نلصق عل عود الايس كريم ورقه ضغيره فيها سوال او امر
وعل الطالب التنفيذ.. لعبه حلوه

m

malal

عروس جديدة

18-09-2003 | 06:22 AM

][SIZE=2]هلا اختي النمله " يجنن اسمج"
انا مدرسه انجليزي ادرس المرحلة الابتدائية... اموت في شي اسمه وسائل تعليمه ممتعه ... عندي لعبه اسمها :foot print"
وهي نو من الطريقه الممتعه اللي تقدر تهيئ الدرس فيها كمسابقه او كمراجهة معلومات سابقه ..
اللعبه :
1- تطبع صور اثر قدم .. وتقصه بالمقص وتصمغ الاطراف بي بحيث انها تقدر تدخل ورقه فيه ..
2- صبع الابهام يقص كله ونفصله عن باقي القدم ونلصقه من الخلف بعود مثل عود الايس كريم .
3- نلصق عل عود الايس كريم ورقه ضغيره فيها سوال او امر
وعل الطالب التنفيذ.. لعبه حلوه

ن

نملة خبلة

عروس جديدة

21-09-2003 | 04:40 AM

مساء الفل

العروس الناعمة .. تسلمين اختي على مشاركتج .. ويكفي انج عطيتيني ويه .. وطريقتج مرتبة واااااايد وحلوة .. مشكورة :D

malal : ( هذا من ذوقج .. واذا جد عاجبج اسمي اتفضلي اخذيه .. مايغلى عليج ) :D

وبصراحة طريقتج عجيييييييييييييييييييبة ويديدة .. على الاقل انا للحين مامرت علي .. وبهالطريقة تقدر انها تجذب الطالبات بأسلوب حلو ومشوّق على قولتهم. مشكورة بعد عمري . وادري اذيتكم معاي . وبلييييييز اذا عندج بعد افكار سنعة لا تبخلين علينا .
:D:D:D

m

malal

عروس جديدة

23-09-2003 | 07:36 PM

اختي النمله ...

زين اعجبتج اللعبه .. والله في افكار حاوه بعد بس

بس

بس

يبلها قعده وشرح عدل مثل............

1- طريقة للتحكم في الفصل خلال الشرح :

عباره عن مسابقه " من سيربح المليون " حلوه جداااااااااااااااا وبسيطه....

ترسيمن lins على عدد المجوعات اللي في الفصل .. مثلا مجموعه اجابه

اجابه حلوه تعطينها 10000 ريال

ومجموعه هاديه ومتعاونه تعطينها 8000 ريال

مجموعه سوت مشاغبه تشيلين منهم 3000 ريال

وبطريقه عشوائيه ومرحه

ونهايه الحصه تقدرين تقدرينهم بشيك " رمزي " يوضع باسم المجموعه

الفائزه في بنك الصف عندج

ونهايه كل شهر تشوفين من جمع شيكات اكثر وتقدرينهم عل الطابور بهدية

حلوه.....

شرياج ؟؟

ان شاء الله تعجبج ؟

ن

نملة خبلة

عروس جديدة

23-09-2003 | 08:10 PM

ماشالله عليييج .. malal افكارج حلوة ويديدة ... وااااااايد حلوة

وصج البنات راح يستانسون عليها
.. على الاقل بيصير مثل التحدي
تسلمييييييييييييييين

:D:D:D

ص

صوت المطر

عروس مشاركة

24-09-2003 | 06:38 AM

السلام عليكم ورحمة الله وبركاته
شلونج نملة خبلة؟
بالنسبه لرفيجتج قوليلها كل عام واهي بخير....
ومو جنه شويه بدري عالدرس النموذجي ؟؟؟؟
يعني خل تعطي نفسها فرصة تحظر حصص مدرسات خبرة من نفس الماده او مواد ثانيه لما تكتسب الخبرة والتكنيك لتقديم الدرس
والشي الاهم ....
class managment لالالالالالالالالالالالالازم تتعود عالبنات وتعرف اساميهم وتعودهم على طريقتها الخاصه وتضبط الصف والحصه!!!
الشي الثاني المهم التوقيت... توقيت الحصه لكل اكتيفتي وقت معين
وأقولج على شيء يحبونه التوجية والمشرفات.............
بيوبل تو بيوبل انتراكشن .........يعني لازم يكون عندج في الدرس جزء البنات يقومون فيه بروحهم
وعندج التشجيع يعني ستكرات واقلام تستانس عليها الناظرة
والوسائل الغريبه الملونه لجذب الانتباه
ودايما تعودي تثبتين خطوات الدرس في مخج و لا تبطلين دفتر التحضير بالحصة ابدا....
الواجبات لازم تكون متنوعه يعني تغطي كل انماط اسئلة الامتحان
بالنسبة للدرس النموذجي لاتسوينه الا بالكورس الثاني او على نهاية هالكورس....عطي عمرج فجه عشان تحظرين وتستعدين
ممكن تقدمين الدرس عالباوربوينت طبعا مو كله جزء منه
ودربي البنات عالدرس عدل
ممكن تدخلين اغنية من خارج المنهج من الانترنت مشاء الله متروس
او لعبه جديده من برا المنهج تخدم فكرة الدرس طبعا
وسوي حق بعد الدرس المناقشة قهوه وشاي وفطاير وحلو تسدين فيها حلوج وبلاعيم اللي بينقدون ....
وخليج ثقه مهما سويتي لانج بثقتج راح تكسرين شكهم في أدائج....
ولاتنسين اذا خلصتي الدرس توزعين عالبنات هوم ورك مطبوع ومرتب لان اذا ماكو وقت بالحصة عبارة سويتي اللي عليج واذا زاد عندج وقت وتورطتي تحلين معاهم شوية منه
وبرنامج الاذاعه القرقيعان تو الناس عليه وبعدين قوية قرقيعان بالانجلش!!!!
واذا عندج استفسار احنا حاظرين
لو انتى محدده درسج وعارضته كان ممكن نفكر لج شويه

ن

نملة خبلة

عروس جديدة

25-09-2003 | 03:39 PM

هلا والله صوت المطر .. اول شي حبيت اشكرج على ردج .. وبالنسبة للدرس النموذجي .. حتى انا قلت لها ان تو الناس عليه جان اتقول ان مدرستهم الاولى من الحين محدده لهم مواعيد الدروس النموذجية .. واتصدقين؟ من اول اسبوع سلمتهم حصصهم وخلتهم يدرسون؟؟؟؟ مادري شلون قايلة هالمدرسة . وعدل كلامج .. الانتراكشن ضروري بين الطلبة نفسهم .. انا عطيتها الافكار اللي تفضلوا فيها بنات المنتدى ماشالله عليهم ..

بس تعالي صج !! من وين تقدر تييب الاغاني اللي قلتي عنهم؟ من اي سايت؟ والوسائل اللي قلتي عنهم .. من وين تقدر اتحصل عليهم؟ ادري اذيتج معاي .. بس حمدي ربج لو انا مخلية صديقتي اتكلمكم جان عن جد عصبتوا علي .. لانها حنااااانة ماشالله عليها :@:@:@

:D

تسلمين وماقصرتي

ص

صوت المطر

عروس مشاركة

26-09-2003 | 07:20 AM

اهلين نموووله

المواقع شكثرهم انتى بس سوي سيرج عالموضوع مال الدرس

احنا ماعرفنا شنو الموضوع مال الدرس هل اهو الوان ارقام ماحددتى بالضبط

والوسائل الله يسلم مجمع دسمان اللي بشرق

بس تروح تتطمش وتشوف افكار وتطلع لها افكار

وعلى فكرة .....

المدرسة الاولى مو على كيفيها تغصبها وين الموجه وين الناظر

المدرسة محد يجبرها تسوى درس نموذجي.......

اذا عندها المبادرة اوكي لكن انها تغصبها موعلى كيفها الظاهر مدرستهم الاولى تحب تبرز نفسها ان هذيلا مدرساتي....والله

وعادي خلي رفيجتج تتحجى وتطلب اللي تبي شدعوة...

احنا نحب نعين ونعاون على الخير

ن

نملة خبلة

عروس جديدة

26-09-2003 | 05:44 PM

هلا والله صوت المطر

يا بعد عمري والله .. كلامج يوسع الصدر

وانتي صاجة .. هذي مدرستهم نوعها اتحب اتكدش الوحدة وتبي تبرز نفسها .. يعني ترة انا ما اطلع من تحت ايدي اللي المدرسات السنعات ( اي خير انشالله)

وانا نقلت لها افكاركم وبصراحة واااااااااايد مستانسة منكم

ثانكس ألوت يو أووووووووووووووووووووول ( احم احم) :D

اي مو تدرين .. امي امريكية :D

باي :)