أفكــــــــــار للمـــلكه ......... تعااالوا .........

وين الردود تكفووووووون بنات

حبيبتي سويت
انا ياروحي مثلك..بس انا خطوبتي قريبة ومحتارة
وحطيت مواضيع بكل المنتديات مثل موضوعك ده ونفس استفساراتك
عشان كدة رح اعطيك كم نصيحة وفكرة اخذتها من البنات الله يجزاهم خير

شوفي حبيبتي..اول شي اول شي لازم تختاري ثيم الحفلة
يعني فكرة عامة للحفلة
مثلا مثلا ممكن تخلينها رومنسية وتعمليها كلها اشكال قلوب ويكون الثيم قلوب
سهلة ورومنسية ومتوفرة في كل مكان
مثلا تعملي الكيكة شكل قلب..ولونها ابيض واحمر او وردي
وتلبسي احمر او وردي..والمسكة تكون وردي او احمر المهم متناسقة
وممكن التوزيعات تكون اشكال قلوب
يعني مثلا مرايا شكل قلب او شموع شكل قلوب وغيرها
وكمان ممكن تعملي لواصق ستيكرز اشكال قلوب يكون لونها موحد او لونين متناسقين على الجدار ومكان الكوشة اذا كان الحفل فالبيت..وتحطي مخدات شكل قلب ومتوفرة بكل مكان..
وتقديم الشبكة يكون العلبة شكل قلب او مخدة شكل قلب
وكمان الكاسات تحطي فيها ستيكرز قلوب كرستال او اي شي
وممكن الزفة تدخلي وانتي حاملة سلة شكل قلب وتطلعين منها قلوب صغار تيجي مثل المصاصات يعني قلب فوق وتحته عود خشب ماادي اذا فهمتي قصدي
المهم توزعين اشكال قلوب او شوكلاتة قلوب..توزعيها على كم بنوتة من الحاضرات بشرط يكونو واقفين قريب منك على الجنبيين
وممكن زوجك لما يدخل يجيب لك المسكة او هدية بس يكون تغليفها نفس الوان الحفلة كلها ونفس فستانك

والكوشة مثلا ممكن تجيبي قطعة قماش دانتيل او ستان لونها نفس فستانك وقطعة تانية لونها يكون مناسب عشان تكسرين اللون..وتقصيها لو تعرفي على شكل قلب..يكون كبيييييير عشان يكون مثبت وراكي ورا الكراسي بالخلفية عالجدار اقل شي يكون عرضه مترين..وتثبتينها كويس عالجدار
وتجيبي ورود وقلوب صغيرة مرة وترشيها لمع بخاخ او تكون هي لماعة...وتثبتيها عالقطعة القماش بشكل متناسق
التوزيعات تكون شكل قلوب كمان ونفس الالوان..

والفكرة التانية تكون فكرة الفراشات
يعني الثيم كله فراشات
الفكرة دي حلوة وناعمة كمان
يعني الكوشة مثلا..تجيبين فراشة جاهززة مثل اللي يبلسونها البنات الصغار ورا ظهرهم..تجيبي 3 فراشات مثلا يكون لونهم قريب لفستانك
وتلصقيهم على الجدار وراكي ورا الكراسي..
وتحطي جنبيهم كم استيكرز فراشة يكون متناسق معاهم او ترشيه لمع بخاخ..او كم وردة حلوة ديكور

والتوزيعات تكون اي شي فيها فراشات حتى لو مثلا شريتي شي مافيه فرااشات..تشترين فراشات صغييييرة مرة من الجاهزين وتلصقيها على اي نوع من التوزيعات
وممكن الدخلة والزفة تدخلين انتي وبنوتة لابسة لبس الفراشة..وتكون البنوتة قبلك داخلة قدامك بشوي
ويكون مع البنوتة الصغيرة مثلا عود اسطواني مثل اللي يجي جوة كلينكس النشاف تبع المطبخ ياريت تكوني فهمتيني..مثلا تاخذين الاسطوانة الكرتونية وتسديها من الاسفل وتزينييها بشرايط وستان وفراشات صغيرة وتملئيها لمع كبير شوي او قصاصات ورقية لماعة كمية كبيرة جدا يعني تمليها كلها..وتغطيها من فوق بشبك او قماش بس يكون مخرم صغير بحجم اللمع..عشان البنت تنشره بهداوة..وهي تمشي البنوتة تتحرك بنعومة ودلع على انغام الزفة وترش الارض اللي انتي رح تمشي عليها باللمع بشكل انيق ودلوع..وانتي تمشي فوق اللمع ووممكن ورود كمان..

والمسكة تبعك تكون شكل فراشة مثلا او تكون بدل الورود تكون فراشات صغيرة متنسقة مثل الورود بوكية بس يكون فراشات صغيرة..وفيها كرستالات

وممكن نقش الحناء تبعك يكون فيه فراشات..وشكل الكيكة كمان يكون فيه فراشات كثيرة او الكيكة نفسها شكل فراشة

حبيبتي هذي الافكار اللي معايا الحين...ولو تذكرت اي شي رح ارجع واقولك عليها
ياريت اكون افدتك ولو شوووية..

وربنا يوفقك ويتمم لك زواجك على خير..ويسخر لك زوجك ويسعدكم يارب
ادعيلي حبيبتي ربي يتمم لي خطوبتي ويسهل لنا امورنا ويتممها عليناا على خير

ألف ألف ألف ألف شكر حبيبتي خطيبه

والله افكار فوق الخيال عجبتني شغلة الفراشات مره نااااعمه وحلوه

الله يسعدك يارب ويوفقك ويسخر لك زوجك باللي يبسطكم مع بعض يااارب

الف شكر والله مو عارفه اشلون اجازيكي افكارك مره رهيبه

يكفي انك كتبي لي هنا ورديتي علي هذا شي حلو منك والله وكل اللي قلتيه فهمته

بشوف فكرة الفراشات لو عرفت اضبطها كلها ان شاء الله اسويها