علموني وين اروح

سلام عليكم

اذا كنتي في ابوظبي كنت باقول لك روحي المجمع الثقافي

لكن للأسف انتي كاتبة انك من دبي وما اعرف اماكن في دبي..

مرحبا ..

عندج نادي الإمارات العلمي .. بس دوراتهم موسمية .. واعتقد دورة الخريف بدأت عندهم .. لكن انتي اتصلي وتأكدي منهم .. دوراتهم بدون رسوم وموقعهم ورا مستشفى البراحة ..

في الجميرا مركز اسمه (مركز دبي العالمي للفنون) .. عندهم دورات مختلفة منها الخط .. بس شوي رسومهم مرتفعة .. وما عندهم مواصلات..

وعندج بعد مركز الإبداع الحديث .. موجود في الراشدية .. واعتقد عندهم مواصلات ..

وعندج بعد في الشارقة معهد الفنون .. عندهم جميع أنواع الدورات الفنية والمواصلات متوفرة .. ورسومهم رمزية ...

تسلمون الرد...


بخصوص نادي الامارات العلمي فانا شاركت فيه وحصلت على المركز الثالث

فما حبيت اني ارجع وأسجل مرة ثانية

لكن بخصوص المعاهد الثانية ان شاء الله بتصل فيهم...


تسلمون للمرة الثانية

ما شاء الله عليكي أختي المخمرية...


أنا أحب اللي ينمي موهبة الله أعطاه إياها...


إن شاء الله نسمع إنك صرتي فنانة في الخط و نشوفلك معارض كمان...


تحياتي...

تسلمين الغاليه

ما شاء الله عليك اختي المخمرية

أهم شي انك ما تتركين القلم وعلى طول تدربي حتى لو ما شفتي لك مركز هوايات او شي انتي اشتري كتب عن الخط العربي ودربي نفسك انا خالي خطاط واشوفه درس فترة في تركيا بس بعدين صار يشتري كتب ويتدرب منها والحين ما شاء الله عنده معارض متواضعة بس صار معروف شوي

تحياتي لك ويعطي العافية

تسلموووووون والله


ان شاء الله راح اسوي على اللي تقولون لي
تحياتي