ساعدوني فيها سحر ولا لا (عاجل)

اخواتي الحبيبات في منتدانا الرائع اطرح بين ايديكن مشكلتي عسى ان اجد حلا لها ..انا متزوجه وزوجي يحبني مووت وانا كمان ولكن المشكله في امه واخته الكبيره احسهم يكرهوني ويتمنون لي الاذى..انا حسيت الشئ هذا من التلميح والدق بالكلام وانا مطنشه حتى زوجي ماقلتله الين جاء اليوم اللي طلبتني فيه اخت زوجي احدى ساعاتي وانا وافقت واعطيتها اياها وماطلبتها فيها بعدين قلت عيب يابنت هي تردها لكن المساله طولت ووصلت تسع اشهر وانا ساكته بعدين هذي الساعه غاليه مره اشتريتها ليوم زواجي ومره كلمتها وطلبتها منها وردت علي بعصبيه وقالت ماعندي شئ وزوجي حس ان اخته غلطت علي وانها ناويه الشر وهو طبعا عارفها اكثر مني المهم قالي اذا تحبيني لاتجيبين لها طاري وانااعوضك قلت اوكي وسكت بعد كم يوم مادريت الاام زوجي تتصل علي وتبهذلني ليش تتهمين بناتي بالسرقه بناتي شريفات مع هذا كله والله اني ساكته مابغى ارد عليها لين طلعتني من طوري قلتلها عطيني بنتك اتفاهم معاها وكلمتني واخذت تسب حتى ماعطتني فرصه اتكلم وسكرت الخط بوجهها جا زوجي بعدين وقلتله قال حتى انا اتصلوا فيني واثاري اخته قاذفتني بابشع التهم عند اخوها اللي هو زوجي المهم ماصدقها وقالي احنا بطريق واهلي بطريق..بعدين عدت الايام ومضى على السالفه اربع شهور بس انزل اسلم على ام زوجي وابوزوجي مع العلم انه عمي اخو ابوي لكن الحريم لفن عقله..وقبل كم يوم جت وحده من خوات زوجي اللي طبعا كانت واقفه معاي ضد امها واختها وعطتني الساعه يعني رجعوها لي بكل برود وانا خايفه تتوقعون ان اخته حاطتلي سحر فيها ولا ايش رايكم مع ان القصه مليانه تفاصيل تخوف بس خفت اطول عليكم..

ارجومن كل يقرا يعطيني نصيحته
وجزاكم الله خير اختكم حلم الليالي