بنات صبروني

السلام عليكم ورحمة الله وبركاته

بناات بدي حدا فيكم ينصحني او يحكيلي اي حل الله يخليكوا مش عارفي من وين ابا في الحكي

انا عايشه مع زوجي ومبسوته الحمد الله وهو ما بقصر فيني ولا انا برفضلو اي كلمه يئولها

احنا عايشين في اميركا وما عندي حدا من اهلي لحالي يعني الي الله وزوجي

وكل سنه تيج حماتي زياره عنا على اميركا اوئات تئعد عنا سنه اوئات ائل شوي

واسه من شهرين اجت حماتي وجابت معها بنتها وابنها بعد ما طلعلهون فيزا تاعتهون

وولادها بنت وشب البنت عمرها 48 والشب 39 والحمد الله ع كل شيء ولا اعتراض على خلق الله ولادها مو طبيعين يعني عندهون شي بئعلهون

واجو عاشو عندي في البيت وال شهرين روحي طالعه
بس انا ما بحكي شي ولا ببين اني مدايئه منشان زوجي

انا في الاول نويت لله يارب تصبرني وتعطيني حسن الخلق واقدر اتحمل وانا راح اكون منيحه منشانك يارب وان شاء الله ينكتبلي في ميزان حسناتي

بس المشكله انو عندي 3 اطفال وكتير بتعب معاهون وحتى انو بطل في وئت الهون

زوجي طبعا من الصباح بدري بيتسهل ع الشغل بيجي في الليل الساعه 10

وانا طول الوئت شغل في البيت اضيف واطبخ واعمل فطور وغدا وعشا وغير شغل البيت
وغير انو اجلكم الله الشب بيعملها ع حالو سارت عيشتي مره

وما بحكي شي ربنا شاهد ما بحب احرج انسان ومع ذلك ما في احد بساعدني وانا طبعا ما بئل حماتي تشتغل لانها كبيره

بس انا محتاره ليش ولادها بهيك وضع جايبتهون ع اميركا

زوجي صراحه مش قدرتو يفتحلهون بيت والاجارات غاليه ويصير يصرف ع بيتين والله ما بشكي ولا بحكي

وغير انو انا من النوع الي يحب يكون مرتب كتير والبيت ما يتحك فيه شيء صار فوضى :sick:

وغير اطفالي صارو ما يسمعو كلامي وتعلمو كلمات ما بحب يعيدوها سارو يحكوها كلام غير لائق

ويوم عظلو زوجي بس نيجي نشم هوا برا البيت ما نعرف بنطلع كلنا من البيت ما بنعريفوين نروح فيهون
ولو زوجي ال بدو يطلع معي انا لحالي حماتي تزعل وما يعجبها والله والله انا فيحاله نفسيه لا يرثى لهااا

وفي البيت ما بعرف البس لزوجي شي يارب تصبرني :'(

على الفطور انا متعودي فنجان نسكافيه مع كيك وخلص اسه بئعد ساعه اجهز الفطور وازا سارت الساعه اكتر من 10 ياويلي من حماتي شو بتسمعني حكي

بتئولي احنا لازم فطورنا ع الساعه 9 ونوس او 10 نفطر

بحكيلها طيب يا مرة عمي بس لو انا عندي موعد ع الدكتور ولا انا مشغولي في البيت اعملي انتي لفطور البيت بيتك وانا ما تعودت اعمل فطور ما بنفطر اعملي وانا بشتغل وبنتساعد ما عجبها مع اني مش حكيت غلت

وغير صوت سلفي ع السفره وهو يوكل ويريل اعزكم الله
ما بعريف شو احكي للامانه
حماتي مراه مامنه جدا وانسانه فهمانه وما بتسببلي مشاكل بس عندها بروود مو حاسي فيني

انا يلي هاممني اسه هو زوجي وبناتي انا بتلت اهتم بنفسي وبناتي بطلو يسمعو كلامي والبيت فوضى وانا موسوسه نضافه

وحاسي بدي اموووت وحماتي بتحكيلي بدها تئعد سنه او سنتين شو اسااوي انصحووني احكوولي الله يخليكم ريحولي بالي
مش عارفي ائعد ع راحتي بحب الهدووووووء

اسفه يا بنات تلعت عن شعوري