مساء الخير عليكم يا عرايس
عندي مشكلة جايبة لي القلق
وهي ان ولد خالي كلم خالتي عشان يكلمون امي وابوي يبي اختي للزواج
طبعا من احنا ووعينا على الدنيا امي على طول تقول ماتبي من العائلة وماتبي من العائلة وهالشي صراحة ترسخ فيني
المهم من اول ما تكلمت خالتي لامي على طول امي قالت لا,,
ليش شنو الاسباب؟؟ كلمة الامراض الوراثية كفاية ,,
انا قعدت وكلمت اختي قاللت اذا اهلي موافقين انا بوافق,, تكلمت معاها في عيوبه ومستقبله وايجابياته وقالت لا ورفضت اهيا بعد
ووصله الرفض وتضايق ومادري شوو ,,
مرت شي شهر ونص وانفحت السالفة بشكل ثاني امي وابوي ما يدرون
انا اكتشفت ان بينهم مسجات وانه يحبها ومادري شوو
طبعا اهيا ما تكلمت لي ولا قالت ايه او لا,,
بس بعدين سمعتني اتكلم مع اختي الثانية وبقولكم اللي قلته لها, حتى انا مو داخل مخي هالزواج ,,
اولا هي جامعية وهو ثانوية,, وغير هذا شغله بسيييط مراسل اوو شوو مادري وش اسميه ,, بس اللي يوزع البضايع ويصفهم في السوبرماركت الكبرى مثل جيان واللولو وهالاماكن وغير هذا راتبه يا دوب يكفيه ما يظل منه شي وكذذا مرة هو يتكلم ,, وكذا مرة يلمح وينغز ان اذا بيتزوج وحدة ما بيخليها تشتغل وكلش كلش اذا رضيت تكون مدرسه,, واختي باجر تتخرج وتكون مدققة حسابات او في الشركات الكبرى اللي فيها خلط ودوام طويل,, غير هذا واحد احسه ما عنده منطق في الكلام محد يسلم منه ومن استهزاءه حتى في الشارع يسب ويلعن وعصبي وعلى طول ينفخ روحه ويتسبب وبيتهم مشاكل وابوه الصراحة حتى لو خالي سكير,, وتفكك اسري عندهم
غير هذا لما تكلم بموضوع الزواج في وقت غير مناسب في عز امتحانات الجامعه وتأثرت دراستها بشكل كبير وحتى بالمرة الثانية لما صدتها بعد في امتحانات النهائي ,,
يعني اقل مشكلة او شي يشغل بالها تتأثر شلون بتعيش معاه؟
انا قلت كل هالاسباب لاختي اقولها لو يجي احد بهالمواصفات وشيلي رابطة الدم بتوافقين؟؟ سكتت معناه لا
بعدها بيومين عرفت انها قالت له ما تبيه وماتبي مسجات ولا شي وانها تحلم بامي دووم غضبانة عليها
انا خايفة انها ترجع تكلمه او تعطيه الضوء الاخضر ويشهد الله بيتنا مو موافقين والمفروض منه ومن نفسه يفهمها وما يرجع مرة ثانية
محتارة شسوي معاها؟؟
قلت بطرش له مسج انه يحس على دمه ويبتعد عننا وانها ما تصلح له بس ترددت
بس خايفة اكون ظلمتها خليتها تتخلى عن شي هي تحبه وتكون تعيسة ,, بس في نفس الوقت لو ما انا احبها وابي لها الافضل ما كلمتها ووقفتها !
عطوني حل معاها ومعاه :(