الفلووووووووووووووس

الله يساعدج حبابه ..
الرجال يبطون الجبد..
8o|8o|

زوجك مايستحي ويبغاله نفس الاسلوب عشان يتعلم
لاتستحي منه وطالبيه بحقك بكل جرأة
اما انك تكلميه بالذوق وتستني يجي يوم ويحس ؟
والله مايجي ولا بعد مية سنة
وبتزهقي في الاخير وبتسوي اكبر غلط في حياتك لو اشتغلتي وريحتيه مرة وحدة من الصرف
وسوي زي وحدة من صحباتي خليني اقولك قصتها وانتي احكمي

وهي مدرّسة وتصرف على البيت وتدفع اقساط سيارة ولدها و الايجار عليها وراتب الشغالة عليها
الأخ ماشاء الله مرتااااااح عشان عنده وحدة فالحة زيادة عن اللزوم مسوية فيها كرامة وعزة نفس واختارت من الحلول اللي يجنبها المشاكل
في الاخير بعد عشرة العمر اكتشفت انه متزوج وحدة ثانية من بلد عربي
وبدأت تتكشف لها أمور خلتها تنجلط من القهر
ماشاء الله متزوج ومخلف بنتين وعايشين في بلد الأم وبناته يدرسوا في مدارس خاصة على مستوى وجايب لزوجته سيارة ويسفرهم في الاجازات وعايشين احلى عيشة
وكله هو يدفع قيمته وملتزم فيه
لانه تزوج وحدة علمته التزاماته غصبا عن شنبه
والاولانية يجي آخر الشهر تحلف بالله مرات تبغى تشتري قلم كحل ماتقدر
لان راتبها كله رايح في التزامات المفروض قليل الحيا اللي عندها يكون مسؤول عنها ..
بس غلطتها ريحته من بدري وشالت على راسها كل شي ...
وانا كل ماشفتها تتكلم في هذا الموضوع قدامي اقولها احسن تستاهلي انتي اللي عطيتيه الطريق من البداية ليش تزعلي لمن يمشي في طريق انتي فتحتيه له؟؟؟
حلال فيكي وتستاهلي اكثر اذا ماتصرفتي تصرف يرد كرامتك ..
ياختي اخلعيه .. الرجال اللي كذا حرام تخليه ممسحة عند باب بيتك ..
لو تتطلق منه غير يتشرد في الشوارع مايلاقي بيت يلمه بس هي غبية ...
صارت تخاف تشتكي قدامي وتقول لصحباتنا في غيابي اخاف اتكلم قدامها اعرف ان معاها حق في كل كلمة بس ماعندي الجراة والقوة اللي تخليني ابدا حياتي من جديد..


انا قلت لك قصة صديقة اعرفها زي ما اعرف نفسي .. نفس الرجال هو زوجها وهو زوج وحدة ثانية
ومع كل زوجة اسلوب وطريقة .. وحدة مايصرف عليها وتقريباً جالس على قلبها سنين طويلة ضيف .. واذا عطى عياله منها فلوس كل فين وفين
والثانية مطلعة عيونه حتى مدارس بناتها مصاريفها الشي الفلاني كل ترم .. وملتزم بالصرف على بناته وعليها ومدلعها و يمكن حتى مايقصر مع اهلها بالهدايا ..
شفتي الفرق؟

الحل بيدك انتي
كلميه مرة واثنين وثلاثة بالطيب وبالمنطق وخليكي قوية في كلامك بلاش من لغة الخضوع والانكسار
طالبي بحقك وبعين قوية .. انتي زوجته ومسؤول عنك .. وربنا سبحانه وتعالى قال ( لينفق ذو سعة من سعته ).. وهو ربك موسع عليه والله يزيده خير ..
رتبي حياتك شوفي ايش تبغي هذا الشهر لو قيمته شي غالي ومصروفك كان رقم معقول اقتصدي منه وجمعي فلوسك وخذي اللي تبغيه الشهر اللي بعده
ولو الرقم اللي تاخذيه قليل خليه يزيده عشان تقدري توفري منه
ومصاريف بنته عليه ماتدفعي ولا هللة من مصروفك عليها .. هذي بنته وهو مسؤول عنها مو برضاه الا غصبا عنه
اتفاهمي معاه بالطيب ولو مانفع الطيب سوي له مشاكل اقرفيه في حياته ترى والله الحرمة تقدر تسوي كل شي بذكاءها
لاتمرري اللي يصير مرور الكرام و تكوني مسالمة زيادة عن اللزوم
ازعلي واضربي بوز ونكدي عليه وحتى وصليها لانك ماتعطيه وجه
وخذي منه بالنكد
الرجال اللي كذا والله ماله حل الا النكد ..
زهقيه في حياته في الطالعة والنازلة اتكلمي في موضوع المصاريف واختاري من الكلام الجارح اللي يقرفه حياته
قولي له ماتستحي انت مخلي الناس يصرفوا على بنتك طول فترة الاربعين عند اهلي ؟
مرة حلو منظرك وانت شحط طول بعرض وبامبزر بنتك و حليبها مو من جيبك يارجال يامحترم !!

ومصروفك زي ماقلت لك خليه يزيده واذا مازاده نقصي انتي في مصروفه ...
تعرفي مصروف الرجال ايش؟؟؟
طبعا تعرفي .. ما اوصيكي اشتغليه على وتر لؤم الحريم
اكشخي والبسي وحطي من العطور اللي يجيب خبره ..
ولمن يقرب لاتعطيه وجه وخليه ينخمد مقهور
بعض الرجال مايجيب معاهم فايدة الا هذا الحل

الله يكون في عونك حاولي تقولي له بصراحه محتاجه فلوس وعندك مصاريف لك ولبنتك وكونك نفاس
وأدعي الله يهديه ويسخر لك قلبه الدعاء ثم الدعاء ثم الدعاء
اله يكون في عونك.....

هذا مرض منتشر بين الرجاجيل
نفس المعاناة:'(:'(

الله وحده عليم وسميع وبصير بكل ما يحصل لك

ولا ينجيك مما انتي فيه الا هو

فعليك بالشكوى الى الله في لثلث الاخير من الليل

والزمي الاستغفار

واليقين الجازم يملئ قلبك بان الله يسنجيك

من حيث لا تعلمين

فالان قومي واشتكي للجبار