هالشي ممكن يحول حياتج إلى جحيم او نعيم

موضوع حلو


وفعلا في بنات مايفكرن بس المهم تزوج

اني عن نفسي الحمد لله زوجي بحكم سفرة هوة مستقل بشقة بس اني بفترة الخطوبة كتلة انتة تحب لما تزوج تسكن وية اهلك كال لا اني من كنت عزابي اكول اذا ازوجت اطلع من اهلي كتلة ليش كال احسن الواحد ياخذ راحتة

واني اشوف انة الوحدة تسكن بغير بيت اهل زوجهة افضل الهة والاهلة

وطبعا في بنات مزوجات وساكنين نفس البيت ومرتاحين

الحمدلله انج مرتاحه ام تومه وزين يات من ريلج نفسه
الله يوفقكم ويردلج بالسلامة يارب
شكرا لمشاركتج حبيبتي:D

نجوف تجارب وآراء البنات

طيب انا اخترت اني اسكن معاهم انا عروسه وزواجي ان شاء الله قريب وانا اللي قررت اننا نسكن بعمارتهم احنا لنا مدخل خاص غيرهم يعني اتوقع لينا خصوصيتنا واقلها بيت ملك احسن من اننا نسكن ايجار واقلها اذا حبيت مساعده او طفشت نزلت عندهم هل تفكيري غلط؟؟؟؟؟هل حيكون ماعندي خصوصيه

حبيبتي مس احلا
هالشي راجعلج انتي اذا تقدرين تستحملين ليش لا.. بس اذا انتي بس مفكرة في
الايجار وقلبج مو على الفكرة عيل فكري عدل قبل اي خطوة..
في وايد بنات يسكنون مع اهل زوجهم بعمارة ومدخلهم خاص ومرتاحين لانهم عادي عندهم مثل ماقلتي عادي عندج اذا طفشانة او محتاجة شي تروحين لهم.. بس في ناس ماتقدر وتحس متقيدة والاهل متوقعين منها وايد
اشياء وفي الاخير تجوف البنية ان مايسوى عشان ماتدفع ايجار تعور قلبها مع سوالف الحماوات والعمة..
وفي رياييل يوعدون زوجاتهم بشقه بعد سنتين او سنة او حتى بيت وبس قعدو في بيت اهلهم خلاص الصقو
وما قامو ..
فكري بكل ذي وجوفي نفسج اذا تقدرين واهله من النوع اللي معتبرينج بنتهم ليش لا.. لان في اهل ما يحطون مكانة للعروس مثل مانجوف ..
انتي عارفة نفسج اكثر من اي احد
الله يوفقج ان شاءالله ومبروك مقدمااااا

موضوع حلو ..
اولاً .. انا مو متزوجه : )
وبالنسبه للسكن الخاص ,
والله البنت سبحان الله بفطرتها ماتحب احد يشاركها بشيء
حتى غرفتها تلاقينها مناجر اهي واختها اذا كانوا في نفس الدار !



يعني انا مع السكن الخاص وبقوه ,حتى لو شقه معزوله فوق في نفس البيت "اذا كان ولدهم الوحيد أو اهله بحاجته"
هم موعدله ابعد ولدهم عنهم !
وان شاءالله ربي يرزقنا الصالح ويحقق امنيتي
وطبعاً ماننسى الاستخاره الاستخاره اهم شي وفي كل شي ^_^


موفقات حبيباتي







:
:


استغفرالله العظيم واتوب إليه

شكرا كيوت اني الحمد لله عايشة مع زوجي اني قصدت بحكم هوة متغرب عن بلدة


والاخت اللي كالت هية ساكنة نفس العمارة مافيهة شي تكولين انو الباب الخارجي منفصل يعني الكم خصوصية

مومشترك بكل شي

مها والحلا لها شكرا لمشاركتج حبيبتي والله يرزقج بالزوج الصالح ويسكنج في احلى بيت يارب

ام تومة هههههه اسفه حبيبتي عبالي زوجج مسافر يشتغل
الله يخليكم لبعض ان شاءالله

كل وحدة عارفة نفسها وشنو تقدر تستحمل

وسبحان الله في ناس عايشة في غرفه ببيت اهل الزوج وماشاءالله حياتهم سعيدة لان هم يبون هالشي من صجهم مو جابرين
نفسهم

وفي ناس وايد مرتاحين من اهل الزوج بس تلاقينهم متأذيين من زوجات حميهم هههههه تحدي وحسد ومنافسة مادري شنو
او تجسس ولقافه.. والله من الاشيا اللي اسمعها كل يوم اجوف ان الاغلبية يفضل السكن الخاص..

في ناس تتعمد السكن في بيت اهل الزوج عشان تفك روحها من الطبخ والغسل وإلخ.. ترة صج والله

تسلمين على المو ضوع الحلو وحبيت اقولكم انو ممكن الوحده تكون لها خصوصية ببيتها واذا كانت قريبه من اهل زوجها ما يكون عندها مانع بس المشكلة ان بعض اهل الزوج تتفاجأ فيهم العروس بعد الزواج بأطباعهم الغريبه واللقافه ويتدخلون بكل شي متى يخرجون ويدخلون وبالرغم من سكنها بسكن مستقل بس لازم يعرفون كل شي وبكل من يدخل عندها وهي بالبدايه كانت موافقه وتنصدم بهذي الحالة مو قفها صعب لأن قبل الزواج موهمينها اهل الزوج بالاستقلالية وشافت العكس بهالحالة وش تسوي؟؟ انا ما اتكلم عن نفسي انا اتكلم عن حال بنات كثير بس انا ولله الحمد كنت ساكنه ببيت مستقل وبعدين سكنت ببيت اهل زوجي بشقه مستقله بالبدايه اتضايقت من عدم الخصوصيه لكن الحمد لله عودتهم ان لي خصوصيه وما ارضى احد يتدخل او يضايقني بطريقة غير مباشرة طبعا والحين الحمد لله مرتاحه والكل يراعي حتي زوجي كان بالبدايه يراعي اهله وبعدين صار يقدر خصوصيتي

هذا اول شرط قلته لخطيبي ابي احس بخصوصيتي واستقلالي انا بعد انسانه مااقدر استحمل احد يتدخل بحياته وين رحتي وين جيتي شنو اكلتوا شنو شربتوا عالطالعه والنازله حتى ولو كانوا طيبين بس الاستقلاليه والخصوصيه احسن بعيد عن سكن اهل الزوج

انا ضد فكرة السكن عند الاهل نهائي حتى لو شقة لحالي ابعد تحلا وبدوم محبة بين الاهل وزوجة الابن انا من ناحيتي هما اصلا مش ملاح معي وانا بعيدة كيف لما اقرب ؟؟ههههههههههههه حمدلله على كل شئ

موضوعك جداً مهم ومفيد للكثير من المقبلات على الزواج ..

بصراحة انا أول ما انخطبت قالت لي أمي : أهم شرط اشترطيه في العقد هو السكن برى بيت أهل زوجك ..

لأنه كان مفكر يعدّل غرفته اللي في بيت أهله ونسكن فيها ....!!!!!

بس الحمدلله سمعت كلام أمي .. واشترطت البيت برى بيت أهله .. شقه مستقلة .. والحمدلله ارتحت كثيرررررر من اشياء واجد ....!!!!

لأن أطباع أهله تختلف مية وثمانين درجة عن أطباعي .. ومستحيل اتأقلم وأتعايش معاهم وعلى نظامهم ...!!!!

وانا من طبعي اني قليلة الطلعات والزيارات .. يعني ما أطلع الا في اجازة الاسبوع .. يوم لأهل زوجي و يوم لأهلي فقط والباقي في البيت .. عكس نظام أهل زوجي يطلعون بأي يوم في الاسبوع وانا ما أحب كذا .. والحمدلله في بيتي مرتآآآحة جداً أطلع متى ما أبي .. وأرجع متى ما أبي ..!!!

وأتذكر بنت عمّي قبل زواجها مثلي بالضبط كان زوجها بيسكنها في غرفته في بيت أهله بس انا نصحتها .. وقلت لها اطلعي بشقة مستقلة أحسن لك .. والحمدلله سمعت كلامي والحين مرتآآآحة في حياتها ..

ولا تنسون المثل اللي يقول :



بعــّــــدوا حبــــّــــة ... تزيدوا محبــــــّـــة ..

وفعلاً هالمثل صااآآآآآدق .. وانا جربته بنفسي .. ازور أهل زوجي مرة بالأسبوع .. وطبعاً فيه بيني وبينهم بعض الرسميات يعني ما جدعت الميانة على طوول هههههههه .. والحمدلله محترمينني ومحترمين خصوصيتي بكل شي وانا مثل ..

وما ننسى إن من حق الزوج زيارة أهله يومياً والسلام عليهم .. وأفضل بعد لو كل زوج يأخذ معه أطفاله فقط يزورون أهل أبوهم .. والزوجة يكفي مرة بالاسبوع ..

انا هذا نظامي معاهم والحمدلله .. كل شئ بيني وبينهم تمآآآم ..

:)

لالا انت معاك حق وتفكيرك واقعى جدا لان نحن البنات مانستحمل نكون محاطيبن بتدخلات اهل الزوج
تعجبنى واقعياتك لانك سكرتى باب المشاكل من اول يوم

•كيوت•;14344770:
وفي رياييل يوعدون زوجاتهم بشقه بعد سنتين او سنة او حتى بيت وبس قعدو في بيت اهلهم خلاص الصقو وما قامو ..

هذي صارت معي وانتهت حياتي معه بالطلاق والضحيه طفلين

candy pink;14345002:
هذا اول شرط قلته لخطيبي ابي احس بخصوصيتي واستقلالي انا بعد انسانه مااقدر استحمل احد يتدخل بحياته وين رحتي وين جيتي شنو اكلتوا شنو شربتوا عالطالعه والنازله حتى ولو كانوا طيبين بس الاستقلاليه والخصوصيه احسن بعيد عن سكن اهل الزوج

الله يوفقج ويسخره لج ويسخر لبنات المسلمين ازواجهن يارب

تسلمون مشاركاتكم مفيدة ماقصرتو
الله يوفقكم في حياتكم يارب وكل وحدة مرت بتجربة قاسية الله يعوضها يارب

اب ناطرين آراء البنات وتجاربهم

انا بعدي مومتزوجه
وموضوعك مهم للنقاش
انا بالنسبه لي اوكي مو مشكله اسكن معهم بس اهم شيء خصوصيتي وراحتي مو يطالعوني على كل شيء
مع انه الحاصل انه اهل الزوج اغلبهم يطالعونك على كل شيء وتحسين يتغيرون عليك من هالناحيه

بس اذا حصل انه ببيت لوحدي مستقل عنهم خير وبركه وزين للجميع
لانه البعيد عن العين قريب من القلب <<
ويسلمو يالغلا على الطرح

انا بشاركم بالموضوع لكن لست متزوجه منكم نستفيد واحب سوليف
المتزوجات وقضياهم وبتوفيق لكم

ونا مع رااايج :)

انا الصراحه بالنسبه لي يوم عقد القران
قلت لهم يكتبوة شرط بيت شرعي ليس مع اهل االزوج
بس بابا كتب بيت شرعي بس وخاصه انو كنت اول سنه زوجي
عندة دورة مدة سنه فقالوا سكنوا عندنا ولما تسافروا اثاثو بيتكم هناك
بس انا تمسكت براي واتناقشت مع زوجي والصراحه كان وايد متفهم
وطلع صح كلامي يعني الحين لما ننزل في الاجازات متطرين نجلس عندهم
وما تشوفوا من اول ما اصحى ع طول انزل تحت عندهم ولا نطلع الا على الفجر
يعني من جد قراري كان صح لا وبعد ابو زوجي يبي ينقل ولدة عندة
الحمد لله ما نقلوة كان رحت فيهااااا خخخخخخخخخ
وانا ما انكر انوفي ناس ساكنين مع اهل الزوج ومرتاحين بس الصرااحه قلائل
وخااااااااااااااااصه عندنا بالسعوديه

تسلمون على تفاعلكم الحلو في الموضوع

عن نفسي انه بعد حطيت شرط من شروط زواجي سكن مستقل

مهم اللي تبي هالشي تحطه في شروط زواجها