ساعدوني .. ابغى حل ضروورري

السلام عليكم ورحمة الله وبركاته


بليييز دي وحده من صحباتي والموضوع على لسانها
والله يوفقم لحد يقول تستاهل ولا يدعي عليها ..
البنت كانت مشتته ولهي عارفه شي.. وانا شخصيا ما عرفت دا الشي الا اليوم.. وقلتلها اني حكتوب الموضوع عشان ممكن نستفيد من خبراتكم..






المهم...


دي صحبتي من 9 سنين ..
امها وابوها اتطلقو لمن كانت عمرها سنه 1 بس.
بعدها عشت عند امها وكانت مدلعتها مررره.. رجع ابوها اخدها وكان جداا شديد يضربها بعقال بجزمه بالسلك وهيا عمرها 7 يعني جدا صغيره.. حرمها من امها 4 سنوات حتى ما تسمع صوتها بالتلفون ..

سارت متشتته ومرره تروح عند امها طبعا بعد قضايا ومحاكم ومرره تروح عند ابوها وضرب ومرت ابو الله لا يوريها لاحد

لمن رجعت عند امها كان عمرها 14 سنه .. وكانت امها تحب تدلعها وتخرجها لانها عارفه بنفسيه بنتها والعذاب الي بتشوفوا.. البنت ذكيه وشاطره ويعتمد عليها والله في كل شي..حتى ابوها كان يعتد عليا في انها تقضي مقاضي البيت لوحدها وهيا عمرها 8 سنوات ..


البنت في عمر 14 سنه اتعرفت على شخص. بس هيا في البدايه قالت خليني اجرب واتصلت . بعدها ما سارت تبغى ترد ومرره ترد عليه و10 ايام لا.جلس الوضع اكتر من 7 شهور على دا الوضع ..

بعدها سارت تكلموا وكل يوم يزيد حبها ليه وهوا كمان مرره حبها..بس كانت محترمه معاه وهوا كمان. حتى لمن تخرج سوق تشوفوا من بعيد.ز بعدها بسنه وشي سارو يشوفوف بعض في كفيهات .. وبعد 4 سنوات من تعارفهوم قدرت تتطمنلوا وسارت تركب معاه السياره عادي.. لانو الرجال الوحيد اللي في حياتها . وهيا ما عندها اخوان اولاد .. وغير كدا امها اتزوجت والبنت كان عمرها 7..
يعني كانت مع نفسها الببنت... المهم لمن سارت في اخر سنه بالثانوي الولد سافر وهيا ابوها اخدها الين ما سارت 1 جامعه.. رجع الولد من السفر وسارت تخرج معاه من الجامعه.. لانو ابوها ما يخليها تخرج ولا كان عندها جوال وممنوع تلفون البيت. بس هيا طاعت جوال من غير ابوها لا يدري عشان تكلم الولد وتكلم امها ..
مر على علاقتها مع الولد9 سنوات..
بس لمن كانت 1 جامعه كان 7 سنوات .. وراحت كم مره معام البيت لانوا الصباح يكون في هيئه ويخافوا ينمسكوا...
لمن سارت تروح البيت .. البنت والولد غلطو.. والبنت ما سارت بنت

طيب
ابوها عرف انوا معاها جوال وحرمها من الجامعه .. البنت راحت عند امها دحين .. وابوها عرف اسم الولد لانوا في جوالها وشاف صورتوا في محفظتها طبعا قتلها من الضرب..بس ما عرف الموضوع اللي سار
المهم.. الولد بيقولها دحين انا ما اقدر اتقدمليك لانوا باقيلوا سنتين على تخرجوا من الجامعه هوا المفروض يكو ن متخرج من سنتيين .. وهيا كمان باقيلها سنتين عشان تتخرج.

بس سار كتير ناس بيتقدمولها وهيا بترفض .. وطبعا مهي قادرة تقول لاحد.. الولد الين دحين معاها ويحبها ومافي شي كويس ولا موقف الا وقف معاها فيها..
بس الولد ابو حق عقارات يعني يقدر يزوجوا,,
البنت مهي عارفه ايش تعمل لانها مرره تحبوا وهيا خايفه بعد ما قعدت معاه دي المده كلها يسبها بعد ما يتخرج. ولا يقلها امي ما تبغاكي او اي شي.. مع انوا البنت قالتلوا قول لامك وردلي لانها انكفشت من امها واختها وابوها وما في احد في الجامعه ولا من اهلها الا يعرف انوا البنت تعرف دا الولد..

الولد بيقولها انا اكييد حاخطبك بعد ما اتخرج.. بس لو من دحين اتقدمتلك ما حننتبه لدراستنا ومخنا حينشغل.

غير كدا هيا بتقولوا تعال من دحين اتقدم لانوا احتمال ابوها يرفوضوا لانوا عارف اسموا وشكلوا ..

ما تبغى تستنى سنتين بعدين تدري انوا ابوها حيرفض..
والولد ما يشتغل كمان.. بس انوا مرره مقتدر



ايش رايكم ساعدوناا..


اللي يفرج على مسلم كربه في الدنيا يفرج الله عليه كربه من كرب يوم القيامه