عملت على عيد الاضحى معمول وكان جدا لذيذ والمقادير اعطتني ياها ماما الله يعطيها الصحة والعافية
بس للاسف حلص بسرعة وبقيت نفسي فيه مشان هيك مبارح عملت كمية جديدة وطلعت لذيذة متل يلي قبلها
المقادير
لكل كيلو طحين وانا استعملت الدقيق الكويتي
نصف كيلو سمنة استعملت سمنة الشوكة والملعقة
فنجان قهوة زيت مازولا
كاسة كبيرة سكر
كاسة ماء دافئ نذوب بنصفها ملعقة اكل خميرة فورية ورشة ملح ورشة سكر
الطريقة
نضع الطحين في زبدية ونحط عليه السكر ونخلطهم بعدين نعمل حفرة وسط الطحين ونصب فيها باقي المقادير يلي هي السمنة والزيت ونصف كاسة الماء العادي والنص يلي ذوبنا فيه الخميرة ونبتدي نعجن
لازم نعجن لغاية ماتصير عندنا عجينة متماسكة مع بعضها نغطيها بكيس بلاستيكي ونتركها تتخمر لمدة ساعتين على الاقل
بعدين ناخد العجينة ونبتدي نحشيها اما بالعجوة او بالجوز المضاف اليه قطر وماء زهر او اي حشوة بترغبوها انتو
ممكن نستعمل اما قوالب خشب او بلاستيك اومعدن حسب الموجود عندك
بعدين نصف المعمول بالصينية ماتحتاج دهن لان السمنة يلي فيه كافية ونخبزه بفرن متوسط الحرارة
اسفة اني ماتمكنت من تصوير المقادير وطريقة الصنع لاني كنت مشغولة بعمل المعمول ونسيت وهي صوره وهو جاهز للاكل
هاد يلي عليه السكر معمول الجوز بنرش عليه سكر بودرة
بتمنى تعجبكم طريقتي مابحلل نقل الصور لاي منتدى تاني بدون ذكر المصدر لاني كمان مرة رفعت الصور على المنتدى ونسيت اكتب اسمي واذا عجبكم لا تنسوني من التقيم ;) 