خيانات زوجي الصاااااااادمة

اعرفه ويعرفني منذ ايام الجامعة
دام الحب 3 سنوات
كانت قصة حبنا جميلة وطويلة تقدم لي خلالها العديد من الشخصيات ولكني فضلت حبيبي الذي تعثر في الدراسة ومن ثم حصل على وظيفة ولكني كنت سعيده به وانا كنت متفوقة دراسيا ثم توظفت بوظيفة محترمة

في وقت الخطوبة كنت محلقه في سماء الحب والغرام وبعد هذا ذهب لاحدى الدول الخليجية لاستكمال دورة تدريبية لمده 6 شهور
حينها كنت اتقطع الما لفراقه واعد ايام لرجوعه واعد الثواني لاسمع صوته واتصاله وبدا لي ايضا مهتما شغوفا بي وحين رجع في احدى الاجازات نسى احد هواتفه وسافر ولم افكر يوما ان افتحه لاني كنت واثقه به بجنون ولكنها الرسالة - جاء صوتها - فتحتها ظنا بي انه هو من ارسلها لي على جهازه ليتاكد ان الهاتف معي ولكنني صدمت من المسج " وينك اليوم لاحس لاخبر وحشتني " لم اتماسك نفسي اتصلت بها وقلت لها من انتي قالت انا حبه الاول وهو من يلاحقني ويقول انه لم ينساني ولم اغب عن باله طول الفترة التي مضت - حينها اظلمت الدنيا بعيني ولم اعرف ان اتوازن وانا اقود السيارة - بكيت كثيرا وهياأ لي اني مخدوعة - واجهته وانصدم كثيرا وتم يبرر لي انها كاذبة واانها ........... ألخ وانتهت القصة الاولى
في المرة الثانية رجع واصر ان اقضي معه اجازة الاسبوع معه مع اختي وامي حيث انه كان يسكن في شقه لوحده - وسافرنا معه لا ادري مالذي دفعني لافتش في جهازه اللابتوب - حيث اني استطيع ان ارى محادثاته على المسنجر وتاتي الصدمة الاخرى حيث انه على علاقة بفتاة انترنت وتطور ت هذه العلاقه لاتصالات هاتفية - حينها ادركت ان خيانته الاولى كانت من قبله وانه هو الكاذب ومرة اخرى واجهته ولكنه انهار بالبكاء والاعتذار والندم واخذ يدي ويقسم انها اخر مرة وانه لايستطيع العيش بدوني وانه يحبني - هذه المرة لا ادري لماذا سامحته لربما نصيحة اختي او صديقتي بان اعطيه فرصه للتوبة

تزوجنا ونسينا الماضي بكل جراحاته وكان عام حافل بالحب والوفاء والاخلاص وكان زوج بمعنى الكلمة من حنان وحب رايت من الدلع والدلال وكان يعاملني كالاميرة
في الشهر السابع من زواجنا حملت وكانت اسعد لحظات حياتنا وبكينا كثيرا حين علمنا بحملي
ومرة اخرى يتم تكليفه بعمل خارج الديرة ولكن هذه المرة لا اجازات ولا اتصال حيث انه ذهب لبلاد بعيده .. وكان خائفا علي وحزينا لانه سيفارقني ولكني قلت له ان مستقبلك اهم وانا سوف انتظرك
مرت 6 اشهر وانا حزيييييييينة تبكيني صورته او اي اغنية عن الفراق - حين التقي والدته او خواته لا استطيع السيطرة على نفسي وحين رجع كنت بالشهر السابع
فرحنا كثيرا - ومع الايام تغير اصبح مزاجيا وحين اسئلهه يقول لي ان ظروف عمله الذي يقضي السفر نهاية الاسبوع تجعله عصبياا وكنت اتحمل واصبر - زادت عصبيته ولا يتقبل مني كلمة - لا يقبل ان يوصلني لاي مكان الا بعد الالحاح - يخرج من الصباح الباكر لعمله ..في الليل يقول اني انام مبكرا فيخرخ للشارع ليتحدث مع الجيران واذا قمت بالاتصال له في العمل لايرد بحجة ان التلفون ممنوع
كل هذا وانا لم اشك فيه ولا لحظه بل كنت اعذره واشفق عليه واقول له في ليلة الاجازات اذهب مع اصدقاءك واسهر فانا تعبة ولا اريد ان احرمك من الخروج نهاية الاسبوع
كل هذا وانا لم ابخل عليه بمالي وحبي ولم اطلب منه اي شيء - جاءت تحضيرات ولادتي فقد كنت متلهفه لاحتفل بولادتي بشكل مميز ولكن جاء مرض والدتي حيث تفاجى الجميع بمرضها المستعصي الذي لايوجد له علاج وانا مررت بظروف صعبه للغاية من الحزن الشديد وفي نفس الوقت كنت تعبة من الحمل لاني في اخر الشهور -بمعنى اني كنت تعبة نفسيا وجسديا-- وهو ظل متغيرا واحيانا يسمعني كلام غريب مثل " انتي من صجج ان حياتنا حلوة " وعلى اقل واتفه سبب قال لي شوفي لروحج صرفة حياتنا عن جد ماتستمر جديه واذا اقعد معاه اقول واكلمه بجد اسئله اشفيني شمقصره عليك فيه عشان جذيه تقول - يقول لا كنت امزح وانا ادري اهوا يقول من قلب ولاحظت انه وايد يبي يطلع اول مايقعد من النوم بحجج وايد

صادف عيد زواجنا وعلى اني تعبانة قلت خلني احتفل معاه يمكن تتغير نفسيته من الشغل مسكين تعبان وخذيت له كيكة وسوينا بارتي صغير وبكل رومانسية هنيته وظليت جذيه معاه اعامله بحب وحنان ودايما اقوله انا وايد احبك
في هالشهر يمكن مرتين اروح الطوارىء ولكن ماحسيته مثل قبل لما يكون خايف وملهوف علي لما اصير مريضه
وجا موعد ولادتي ومارضيت اي احد يروح معاي بغيته الا اهو معاي لاني احبه وايد واحسه بيهون علي يوم ولادتي قلت له بات معاي قال معليش انا تعبان اليوم . ومرت ايام على ولادتي وانا في بيت ابوي كنت دايم اطرش له مسجات في الليل والصبح وهو في الشغل مسجات حب وغزل وكان يرد علي بنفس الشي

كان دايما يقول بروح بيت والدته لان امه دايما تسأل عنه وانا اقول ماعليه - كان يتغدى ويتعشى معاي بس ماحسيت بشي
ومرة ................................مرض وراح للمستشفى لاول مرة بروحه واتصل فيني ليش مادقيتي علي لان متعود اكون وياه في مرضه واكون ملهوغه عليه وخايفه ,,قلت له خلص الشحن - اشوي وطرش لي مسج من رقم غريب هدا انا زوجج ششحني ودقي علي على تلفوني

اتصلت له وتميت اسولف معاه وكان يتحجى جنه واحد واقف معاه ويشكره على التلفون انه طرش من تلفونه مسج - بعدين الا اسمع تلفون يرن وهو كان بروحه في السيارة اقول له تلفون من على طول سوا روحه يحاجي هندي الماكدو ويعطيه الاوردر - انا هني شكيت
ورجع لي وهو يبان عليه انه مسوي شي غلط بس حذرني اني اشك فيه لانه يحبني ويموت علي وحرام اني اشك فيه وانا استحيت وقلت خلاص ذيك الايام راحت

يوم ثاني قلت له تعال خذني بالسيارة لفني جم لفة ونزل يشتري لي شي انا مدري ليش قلت بفتش السيارة وفتشت ولقيييييييييييت تلفون :!!: شلته بشنطتي

رجع سويت روحي ماصار شي - قلت له ودني عند البحر وتميت اصيح قال لي ليش قلت له ابي اموت ويعطون عمري حق امي لان محد يحبني بهالدنيا ماحسيته تاثر بس قال انتي بتذبحين روحج كل اصياح وما- ورجعت البيت وتغدى معاي وراح الشغل - وانا سكرت على روحي الباب وتميت اطالع بنتي واصيح مدري شسوي بندت تلفوني وقعدت اطالع بتلفونه مقفل ومايفتح
تم يتصل على تلفون امي لما درى اني خديت تلفونه ومارديت عليه - كنت منهااااااااااااااااااااارة ومصدومة وكاسرة خاطر روحي - انا توني والده ماصار لي اسبوعين ليش كل هذا ؟؟؟

يعني بعيد زواجنا كان يخوني - بسماعي خبر مرض الوالده وصدمتي وحزني وهو كان يمي وهو كان يخوني وانا اولد وهو يخوني وانا نايمة وهو يخوني؟! تميت مصدومة


رجع في الليل وانا ماقلت لاحد مادري ليش الكلام مو طالع بس قلت له ليش انا اشسويت عشان تسوي فيني جذيه وهو تم يعتذر ويقول انا اعرفها بس يومين بس اهي رفيجه صديقي مو رفيجتي والله بس يومين وتم يحلف براس امه وراس بنته فتحت التلفون ببطاقه ثانية واكتشف انه على علاقه فيها من شهرين ونص وبينهم اتصالات 24 ساعة وانا ياغافلين لكم الله وان بينهم طلعات واحضان وقبلات.. وسهر في الليل للصبح في التلفون وانا في بيت ابوي - اتصلت فيها وماردت

وبعدين عرفت انها تعرفني وتعرف عني كلشي ووين ساكنة وشنو اشتغل - عرفت انها كانت معاه في الشغل وانه كان مشغول فيها حتى وانا اولد طرش لها مسج بيوم ولادتي وزادت علاقتهم بعد وانا في الاربعين طلعات ومكالمات,, وفي الليل يوم ولادتي يوم قال لي تعبان اهو كان يبي يرجع يكلمها شفتت لهم مكالمات ومسجات بمعنى انهم متخاصمين وتصالحو فهاليوم تخيلووو نفسيتي اشلون- اتواصلت معاهاا بالمسجات وردت وياليتها ماردت عرفت اشياء وايد صعبه - قالت لي انه مينون فيها ومايقدر على زعلها ولماتقول له شوف حياتك ومرتك يستخف وطول الليل ماينام ويروح لها للشغل وانها تعلقت فيه وايد وقال لها انه مابيتزوجها بس بيظل معاها على طول وقالت انا مستغربة لان قال انه وايد يحب مرته وانها وايد جميلة وانها مو مقصره معاه بشي وقالت لي انه لما عرفتي بعلاقتنا قال لي شسوي؟؟ وانها حزتها هدته مع انه ماكان راضي يعني هي اللي هدته وهالشي اهو ينكره ويقول انا هديتها ورجعت لج وتم يسب ويلعن فيها ويقول لاتقارنين روحج فيها اهي ماتسوى ظفرج
وقال انها نزوة والانسان يغلط والله يسامح ومن هالكلام وان انه عمره وحياته قال لي اطلبي اي شي في الدنيا بسويه لج - مدري ليش قلت له اترك ربعك لانهم شله فساد ووافق قال بيهدهم وقلت له بيع سيارتك تذكرني بخيانتك لي فيها وغير تلفونك وكلشي رضى قال اي شي بسووووووويه حتى لو تبيني اقتل روحي بس اعطيني فرصة حتى لاتسامحيني سامحيني بعدين بس فرصة واخر فرصة وبخليج اسعد وحده في الدنيا
وتم يصيح وصار لنا الحين شهر انا مو قادرة اقول لاحد ومو قادرة انسى ترجاني اعطيه فرصة ثانية طلبت الطلاق لان احس اللي صار لي فظييييييييييييييع ومستحية اقول لاهلي لانهم مابصدقون عليه لانهم مفكرينه مللاك- انا كنت مرحة وضحوكة والحين الكل ملاحظ على ويهي الهم والكدر حتى في الليل اقعد مزعوجه من الاحلام كل يوووم واقعد اصيح وهو يقعد يهدي فيني ويقول مرحلة وبتعدي وانه متضايق عشاني وندمان انه سواا فيني جذيه وتجيني حالات اكرهه وابي ازفه واهاوشه

انا مو متخيلة انه كان مع غيري وهو اللي ماينام الا على صدري ,, الشي اللي مضايقني ان ريلي مايخاف من الحلف بالله تم يحلف على القران باشياء وايد وكلها جذب ويبرر لي انه مايبي يخسرني من جذيه حلف وانا خايفة من هالشي وايد
وقال لي انه يبي يتغير ويبي يتقرب من الله اكثر وقال لاتحرميني من فرصة بس فرصة

انا في الاخير عطيته فرصة عشان بنتي اذا كبرت ماتلومني وعشان ماحرمها من حنِان ابوهاا لانه وايد يحبها وكلمت ابوه وخليته شاهد عليه وابوه زفاه وقال له لوتدور الدنيا كلها ماتحصل مثل مرتك
بس المشكلة الحين اشلون ارجع اثق فيه وشلون حياتنا ترجع طبيعية مثل قبل .اللي الكل كان حاسدني عليه وعلى حبه لي
كر هت الدنيا والناس والاصدقاء وخاب ظني في كلشي حتى شغلي كرهته وثقتي في نفسي اهتزت واااااااااايد مع ان انا ماينقصني شي بشهاده الكل - اخلاق وجمال وطيبة

انا اللي سويته صح. ولا كان المفروض اتطلق منه لانه مايستاهل


انصحوني شسوي؟؟؟؟؟ ششسوي عشان انسى خيانه اعز شخص بحياتي - شخص كنت عايشة عشانه