مشكلتي مع أهل زوجي

من حقج طبعا تكون لج خصوصية وهذي شقتج لازم يكون مفتاحها معاج اذا انت مو فيها واصلا شلون يدخلونها وانت محد الله يعينج انا الصراحه ما اتحمل جذي

الله ايكون في عونج

أحب أولادي;14335998:
الأخت فجر عمان00000
عذرا بس حسيت إنك من النوع اللي يتدخل في زوجة الأخ لأن أهل زوجي كانوا مو بس يتدخلون في حياتي آه حتى الطلعه والسفر مع زوجي ممنوع إذا بسافر معهم سواء سافر زوجي أو لا المهم أكون معهم مو مع ولدهم
وحتى لو سافر معنا ممنوع ينام معي وياخذ لنا غرفه بروحنا ( شفتو التحكم )
وأنا راضيه وصابره وحتى أهلي ما يدرون عن اللي يصير حق بنتهم
ومره وحنا مسافرين حجز لنا زوجي غرفه وقامت القيامه علينا و لو أنا من الحريم اللي ما يسكتون عن حقهم كان ورتهم نجوم الظهر لكن أذكر الله وأقول أخليها عند رب العالمين
حتى يوم صارت أمي تعبانه في رمضان ورحت يوم الظهر عشان أساعدها قوموا الدنيا وقعدوها ولو تبين تساعدين أمك ليش تزوجتي (و أنا صابره وما أجادلهم) مع إن أمي مسكينه لحالها ما عندها أحد يساعدها وهي تعبانه وبيت أهل زوجي مليانيعني في المطبخ فوق الخمسه احنا لكن التجبر من أهل الزوج
ويوم رحت البحر مع أهلي لو تدرون إن لو كان في إيدهم الموت كان موتوني
ولما قرر زوجي يكمل دراسته بره البلد رفضوا ياخذني معه وأمه قالت له لو خذتها معك لا انت ولدي ولا أنا اعرفك وصارت قضيه كبيره وفي النهايه أقنعته إن أهم شي رضا والديك عليك وأنا ما أبي أكون السبب في غضب والديك مع إن ما لهم حق يمنعوني أسافر معه ولا قلت لاهلي السبب الحقيقي بعدم سفرتي مع زوجي
ومن تزوجت عندهم زوجة الولد لا تروح بيت أهلها لكن زوجي الله يخليه مثلي ما يتناقش معهم
آه هذا نقطه من بحر ولو بفضفض يبي لي مجلدات
لكن الحمدلله الحمدلله على كل شي
لكن لما انخطبت وحده من حمياتي اعرفوا إن الوحده لها خصوصياتها
والحين دايما يمدحوني ويا ليت يحصلون وحده مثلي لولدهم الثاني
وانتي يا اختي صبري مثل ماصبرت والله كريم يفرجها عليك

الله يساعدج اختي

حبوبة انا اقول تفاهمي مع زوجج لازم المفتاح يكون معاج.. ما يصير حبيبتي كل خصوصياتج في الغرفة من ثياب و ذهب و غيره عيب اهل الزوج يشوفونها و يتطلعون عليها لازم من البداية تفهمين زوجج بحدود علاقتج مع عائلته مو شرط قاعدة معاهم يعني تسمحين بكل شي بس في نفس الوقت حتى لو تسمعين كلام و نغزات صيري عادي و لا تفتكرين و لا تبينين لهم انج متضايقة كله ضحكي في ويهم .. انا في بداية زواجي تميت سنه كاملة معاهم تعبت من كثر النغزات و الحجي بس احسهم كأنهم يختبروني و كنت كل مرة اضحك في ويهم و ما ابين لهم اني متضايقة بس الحين و الله علاقتهم تغيرت معاي صاروا يحبوني يعرفوني مو ام مشاكل و اترادد معاهم..
سمعي نصيحتي ارسمي حدودج و حدودهم و في نفس الوقت اكسبيهم :thumbs_up:

ما في احلى من السياسه والكلام الحلو والطيب هم اللي بقربونش من اهله
جربي وادعيلي

لا حبيبتي شعليج منهم

لاتعطينهم المفتاح وخليج صريحه

حسسيه حتى بالسفر انج تحبينهم وتبين لهم الخير اشتري لهم شغلات جدام ريلج بس هذي خصوصياتج
وهذا الي ناقص بعد يدخلون الشقه بدون علمج صج انها شقه اخوهم بس بعد !!!!!!!!!!!!!!!!!!!!!

قولي الصراحه انج ما ترتاحين لما احد يدخل شقتج وهذي حريتج

Dior Me
فشيتي خلقي


يا أختي والله حسيت اني انا يلي كاتبة الموضوع مشكلتي قريبة من مشكلتك

المشكلة انهم يحبون التحكم في حياة ابنهم
وبرأيهم انه كما هو وزوجته يدخل ويخرج عليهم هم من حقهم الدخول الى بيته بدون اذن لانه ابنهم

الاستقلالية شي جميل جدا واهل الزوج دوما عندهم حشرية لمعرفة كل شي عن ابنهم

لا تترددي ابدا في اخذ المفتاح معك دون ان تبرري لهم ذلك وتكلمي مع زوجك بما يزعجك

وفقك الله

كل واحدة بتحب خصوصية بحياتها وبيتك ممكلتك ومن حقك ماتعطي مفتاح بيتك لاي حدا

DIOR ME

بردتي قلبي

وخاطري أعرض اللي كتبتيه على زوجي

وخاطري أسرد كل مواقفي معاهم وتكونوا انتوا الحكم بيني وبينه

زوجي انسان حنون على خواته وهو أكثر واحد في اخوانه الاربعه قايم بشؤون خواته
وعمري ما قلت له ( لا اتسوي لهم ... لا تعطيهم ... اشيبون منك ... اشيشه عليهم ....

اذا وحده منهم يات الشقه وتبي اخوها ادخلها له واطلع عنهم واقول لهم خذوا راحتكم
ما يهمني اعرف اهي اشتبي منه

واهم حتى مصروفي منه يبون يعرفون كم ... وين طلعنا ومن وين يايين

ولأني مب معطتهم كل المعلومات عني ومب كل شي اقول لهم صاروا بين فتره وفتره يقطون كلام سم علي
يعني كل شي لازم أقولهم ولا ما يصير

وهو مب متفهم هالشي
عنده الخصوصية تساوي الكراهيه
كلما خشيت عنهم اشياء كلما زادت كراهيتي لهم
مب متفهم
مع انه يشوف اني ما أدخل نفسي في اي شي ايخصهم ولا اسألهم من وين يايين ولا وين رايحين
ولا شنوا اخذتوا من السوق وبكم

يعني تقريبا ملغية في قاموسي علامة الاستفهام معاهم

اهو واااااااااااااااااااااااااااااااااااااااااااااااااااااااايد زين معاي بس لا أييب مطرى خواته
وهو يفضلهم علي حتى لو ما صرح ابهالشي .......

والله المستعان

أبله أبله;14340055:
DIOR ME

بردتي قلبي

وخاطري أعرض اللي كتبتيه على زوجي

وخاطري أسرد كل مواقفي معاهم وتكونوا انتوا الحكم بيني وبينه

زوجي انسان حنون على خواته وهو أكثر واحد في اخوانه الاربعه قايم بشؤون خواته
وعمري ما قلت له ( لا اتسوي لهم ... لا تعطيهم ... اشيبون منك ... اشيشه عليهم ....

اذا وحده منهم يات الشقه وتبي اخوها ادخلها له واطلع عنهم واقول لهم خذوا راحتكم
ما يهمني اعرف اهي اشتبي منه

واهم حتى مصروفي منه يبون يعرفون كم ... وين طلعنا ومن وين يايين

ولأني مب معطتهم كل المعلومات عني ومب كل شي اقول لهم صاروا بين فتره وفتره يقطون كلام سم علي
يعني كل شي لازم أقولهم ولا ما يصير

وهو مب متفهم هالشي
عنده الخصوصية تساوي الكراهيه
كلما خشيت عنهم اشياء كلما زادت كراهيتي لهم
مب متفهم
مع انه يشوف اني ما أدخل نفسي في اي شي ايخصهم ولا اسألهم من وين يايين ولا وين رايحين
ولا شنوا اخذتوا من السوق وبكم

يعني تقريبا ملغية في قاموسي علامة الاستفهام معاهم

اهو واااااااااااااااااااااااااااااااااااااااااااااااااااااااايد زين معاي بس لا أييب مطرى خواته
وهو يفضلهم علي حتى لو ما صرح ابهالشي .......

والله المستعان

هذا دليل ع طيبة قلبج خيتو لان في رجال ما يصرفون
ع والديهم حتى مثل خيلاني يعضهم مو كلهم للأسف
و الحمدالله ان زوجج زين وياش الله يخليكم لبعض

أبله أبله;14333757:
هلا

شكرا لج اختي أغلى الحروف ........... حلو رايج

فجر عمان : اختي انتي ما تعرفين أهل زوجي وما عاشرتيهم عشان اتحكمين علي بهاي الصورة

لعلمج مرت احماي الكبير اتصير بنت عمتهم ...... ورب الكعبة ما كانت تزورهم ولا تيلس معاهم أيام ما كانت بالبيت معانا .. والحين صارت اتزورهم من بعد ما طلعت اببيت لحالها

ومرت احماي الثاني تقعد معاهم وايصير الحال واحد فترة من الزمن وفجأة تقاطع الكل وتستقل في مكانها ولا تعطي احد ويه وهي اتصير بنت عمهم

وآنا الغريبة عنهم أول ما دخلت عليهم قلت لحالي راح اخلي كل الناس ايقولون هاي الغريبة صارت افضل من القرايب

بس والله ما تحملت

الحسد فيهم والحقد
يبون الشي الزين والغالي لهم والشي الرخيص لنا
على مرت الأخو انها ما يكون لها الحق في انها اتخبي اي شي عنهم
استغلال لا حدود له
عندهم فلوس الأخو واللي ياخذه لمرته لهم حق فيه
يسألون عن الدخله والطلعه
يعاملونا بلسان عسل ويخلوننا انآمن لهم وفجأة تنقط كلمه تصدمنا
ايحاسبوننا على الفلس ( كسرتوا ظهر اخواننا )
يتمسكننون جدام ازواجنا ويغيروهم علينا
يعلقون على أشياء مع مرور الأيام اتشوفينهم ايسوون نفس الأشياء

وهذا فيض من غيض

وعلى هذا وتبيني ارتاح نفسيا لهم

هل انتي اتسوين لمرت اخوج جذي ؟؟؟؟؟؟؟

واذا كنتي مب متزوجه ........ ان شاء الله تتزوجين وراح اتشوفين ان الاستقلالية شيء مهم
هذا واهل الزوج ما عليهم كلام

فشنو ا اتقولين عن الاستقلاليه في ظل العيش مع ناس جذي

شوفي انتي ليش مكبره الموضوع ترا والله ما يستاهل

زوجي حبيب قلبي;14334207:
نفس الراي خيتوو هذي خصوصية
وعن الاخت فجر عمان هي ما تعرف ضروفج
ويمكن مو معرسة لان اللي يصيدش يصيد اغلب البنات
وان شاء الله تنتقلون الى بيتكم الخاص
واتمنى لج السعادة
والموحة فجر عمان اذا كلامي زعلش

عادي حبيبتي بالفعل انا للحين ما متزوجه
انا للحين طالبه
بس الي حبيت اقوله ان راح اعتبر عمتي امي الثانيه
لان مره سمعت شيخ كان يتكلم عن هالموضوع وكيف العروسه تكسب عمتها
وتعتبرها امها

أحب أولادي;14335998:
الأخت فجر عمان00000
عذرا بس حسيت إنك من النوع اللي يتدخل في زوجة الأخ لأن أهل زوجي كانوا مو بس يتدخلون في حياتي آه حتى الطلعه والسفر مع زوجي ممنوع إذا بسافر معهم سواء سافر زوجي أو لا المهم أكون معهم مو مع ولدهم

الله يسامحج اختي :cool: وين انا وين حريم اخواني
وربي الكون احبهم واعتبرهم خواتي
حريم اخواني اعتبرهم اكثر من خوات
لان الله ما رزقني بخوات
وعلاقتي فيهم سمنه على عسل الحمد لله
حتى احيانا اشتري لهم هدايا لاني اعتبرهم خواتي الكبار
وهم بعد ما مقصرين معي ابدا

بالنسبه للطلعات مالهم حق يتحكمون فيها تقدرين تناقشين زوجك وتفهميه
وان شاء الله يرضى

[QUOTE=Dior Me;14336400]اختي فجر عمان ردك لفت نظري
واسمحي لي اعلق على كلامك بعد اذنك
وان شاء الله صدرك يتسع لتعليقي واعتذر مقدماً لو ازعجتك بكلمة
بس فعلا ردك هجومي بشكل عنيف بصراحة

حبيبتي انا تعقدت منكم بصراحه
احس حريم الاولاد كلهم مب زينين
وربي انا حريم اخواني اعتبرهم خواتي
ويعتبرون امي امهم
ويحبوها ويحترمهم
وان احس ان هما كذا لانهم بنات ناس ومرتبين عدل
وعلى الاحترام
وربي لو يطلبوا مني حريم اخواني شي مستحيل اقول لهم لا
لان اعتبرهم اخواتي الكبار
انا مستغربه انتو يوم تقولوا كذا
على العموم الله يحل مشاكلكم

أبله أبله;14340055:
DIOR ME

بردتي قلبي

أبله أبله;14340055:


وخاطري أعرض اللي كتبتيه على زوجي
اجلسي مع زوجك جلسة صراحة و طلعي اللي في قلبك
لاتتركي الامور تسوء بينكم بالتراكمات النفسية بسبب اشياء ممكن تنحل بالتفاهم
لازم زوجك يعرف ان الحياة بينكم شراكة
والشراكة معناها طرفين لكل منهم حقوق وعليه واجبات
كل شخص له كيانه
وكل شخص لازم يحس بان هذي الشراكة فيها عدل في الاخذ والعطاء
ومو من حق طرف يطغى على الطرف الثاني
المفروض كل طرف يحترم الثاني و يقدّر رغباته و مشاعره و يتجنب الاشياء اللي تضايقه
اتكلموا في كل شي وفهميه انك متضايقة من موضوع مفتاح البيت وانك ماتحبي احد يشوف خصوصياتك .. بالذات بعد حركة اخته لمن راحت تتكلم
يجوا بيتكم على الراس والعين والبيت بيتهم بس في وجودك
لازم يحترموا ان هذا البيت له صاحبة ومايصير يدخلوه في غيابها ..
ولايقعدوا يتحججوا بالتنظيف
انتي نظفي بيتك قبل ماتروحي براحتك وقفلي ابوابك
واذا زوجك يستحي يتكلم معاهم في هذا الموضوع قولي له لاتتدخل انت خليك بعيد عن الاحراج
وانتي روحي كلميهم بالطيب
ونبهي على زوجك اذا جاه احد يقوله زوجتك قالت كذا وكذا ..
يقولهم هي راعية البيت واللي قالته من حقها .. ولا منعتكم من بيت ولدكم ولاشي
كل مافي الامر انها ماتبغى احد يدخل بيتها في غيابها .. اما في وجودها الله يحييكم البيت بيتكم ولكم حق تنشالوا على الراس من فوق

وخاطري أسرد كل مواقفي معاهم وتكونوا انتوا الحكم بيني وبينه
من غير ماتسرديها ..
واضح انه قاعدة تصير قصص ترفع الضغط لأن مفاهيمهم محتاجة شوية تضبيط
وهذا شغلك انتي مو شغل زوجك على فكرة
وانتي واضح ان شخصيتك قوية بس طيبة و تتحملي كثير وهذا شي حلو وفي مصلحتك


زوجي انسان حنون على خواته وهو أكثر واحد في اخوانه الاربعه قايم بشؤون خواته
وعمري ما قلت له ( لا اتسوي لهم ... لا تعطيهم ... اشيبون منك ... اشيشه عليهم ....
برافو عليكي كذا انتي في السليم ولاتتغيري
خليكي دايما بعيدة عن علاقته بأهله
اذا تخانقوا لاتتدخلي واذا تصالحوا لاتتدخلي ابدا
خليكي طرف محايد دايما
واذا انجبرتي على الكلام خلي لسانك ينقط عسل و الابتسامة ماتفارق وجهك الحلو

اذا وحده منهم يات الشقه وتبي اخوها ادخلها له واطلع عنهم واقول لهم خذوا راحتكم
ما يهمني اعرف اهي اشتبي منه
احسن شي تسويه

واهم حتى مصروفي منه يبون يعرفون كم ... وين طلعنا ومن وين يايين
اهااا جينا للنقطة اللي مفروض زوجك يتصرف فيها
بس قبل ماتخليه يتصرف لازم تتكلمي معاه وتتفقوا على ان هذا الموضوع في يده
والمفروض يرد بنفسه على الاسئلة ردود تلزمهم حدودهم
اذا احد سألك سؤال زي كذا لاتردي .. وسوي نفسك ماسمعتي
واذا تكرر السؤال قولي للي تسأل ( اذا يهمك الموضوع مع اني اشوف انها لقافة منك بس يلا بردي قلبك واسألي اخوكي لاتسأليني )

ولأني مب معطتهم كل المعلومات عني ومب كل شي اقول لهم صاروا بين فتره وفتره يقطون كلام سم علي
يعني كل شي لازم أقولهم ولا ما يصير
منتي ملزمة بانك تعطيهم تقرير عن تصرفاتك وروحاتك وجياتك ..
لا المهم ولا اللي مو مهم
اذا جا شي من الكلام من ضمن السوالف مو مشكلة
ومن نفسك تقولي مو بالاسئلة وشغل التحقيق
واذا حسيتي انهم مستنين يعرفوا خليكي لئيمة شوية و لاتعطيهم شي
واذا على تحذيف الكلام طنشي سوي نفسك ماتسمعي
ولو زاد العيار ردي لاتسكتي ..
ما اقولك سوي مشكلة .. بس ردي رد تنغيز زي اسلوبهم وانتي تضحكي

وهو مب متفهم هالشي
عنده الخصوصية تساوي الكراهيه
لاتدخلي زوجك بينكم .. قولي له انا ما اتدخل بينك وبينهم وانت لاتتدخل فيما بيننا
لو صار كلام وتضايقتي منه مو تجلسي مقهورة طول الليل و تبكي وحالتك حالة لأنك سكتي ومارديتي ..
استعملي نفس الاسلوب وردي على اللي تغلط
والا لو تبغي نصيحتي عودي نفسك ماتعطي اهتمام للي تتكلم معاكي ..
اشغلي نفسك بأي شي .. امسكي جوالك والا خذي مجلة والا حتى قومي من مكانك واعطيها ظهرك
اهم شي تحس انك ماسمعتيها , حتى لو كررت الكلام عطيها نظرة قوية وطولي النظر في عينها بدون ماتردي

كلما خشيت عنهم اشياء كلما زادت كراهيتي لهم
مو لازم يحبوكي .. ولا لازم تحبيهم ...
المفروض تحترميهم ويحترموكي وبس ...
اذا ماقدرتوا على المحبة .. الاحترام سهل ومقدور عليه
مب متفهم
مع انه يشوف اني ما أدخل نفسي في اي شي ايخصهم ولا اسألهم من وين يايين ولا وين رايحين
ولا شنوا اخذتوا من السوق وبكم
يعني تقريبا ملغية في قاموسي علامة الاستفهام معاهم
مع الوقت بيتفهم
بس اتعلمي تفرضي اسلوبك عليه وعليهم بكل أدب
و خليكي ساكتة وشوفي شغلك وانتي ساكتة ..
لاتكثري الشكاوي عنده عليهم
ولا تفتحي سيرة المقارنة بين طريقتك معاهم وطريقتهم معاكي

اهو واااااااااااااااااااااااااااااااااااااااااااااااااااااااايد زين معاي بس لا أييب مطرى خواته
وهو يفضلهم علي حتى لو ما صرح ابهالشي .......
ياشيخة والله ان زوجك سهل التعامل معاه بشكل ماتتخيليه
عرفتي السر هنا ... لاتتكلمي عن اخواته ابدااااااا لا بطيب ولا ببطال
زي ماقلت لك .. لاتدخليه بينكم ابدا
لو صار ايش ماصار .. خذي حقك وانتي تضحكي واتفنني في التطنيش
الكلام اللي مايعجبك وماعرفتي تردي عليه او حسيتي ان الرد ممكن يسوي مشكلة
اكتفي بالنظرات اللي توصل المعنى بدون كلام .. وقومي من المكان اللي صار الموقف السخيف فيه
تاخذي حقك كامل من غير ماتدخلي نفسك في قيل وقال .. ولايصير لهم مجال يتشكوا منك عنده بالمرة


والله المستعان
ربي يريح قلبك ويسعدك مع زوجك ويكفيكم شر النكد

فجر عمان;14340358:

حبيبتي انا تعقدت منكم بصراحه
احس حريم الاولاد كلهم مب زينين
وربي انا حريم اخواني اعتبرهم خواتي
ويعتبرون امي امهم
ويحبوها ويحترمهم
وان احس ان هما كذا لانهم بنات ناس ومرتبين عدل
وعلى الاحترام
وربي لو يطلبوا مني حريم اخواني شي مستحيل اقول لهم لا
لان اعتبرهم اخواتي الكبار
انا مستغربه انتو يوم تقولوا كذا
على العموم الله يحل مشاكلكم

الله يسعد قلبك يافجر والله انا عارفة ان فيه اخوات ازواج زيك طيبات وحبوبات
وينحطوا على الجرح يطيب
بس وربي مو الكل زيك ياحياتي
في ناس بغض النظر عن كونهم اخوات زوج او صديقات او حتى اخوات شقيقات...
محتاجين يفهموا حدودهم
ترى احنا في مجتمع ملقوف والله يافجر
عندنا اللقافة سبب خراب كل شي
لو تدققي في المشاكل اللي تصير ...
دايما سببها اللقافة والفضول وفلانة قالت وعلانة سوت ..
لذلك نضطر احيانا نلجأ لاساليب تضايقنا قبل ماتضايق غيرنا لحل هذي الأمور
مين مايحب يعيش بين ناس يحترموه ويحبوه ويقدروه؟
مين فينا ماتحب تنتقل من بيت اهلها لبيت اهل ثاني بنفس تفاصيل بيت اهلها وحبهم و طيبهم و خوفهم عليها ؟؟
كلنا نتمنى هذا الشي .. بس للأسف نادرا مايكون الحظ حلو ويحط الكل في المكان اللي يتمنوه

Dior Me;14336400:
اختي فجر عمان ردك لفت نظري
واسمحي لي اعلق على كلامك بعد اذنك
وان شاء الله صدرك يتسع لتعليقي واعتذر مقدماً لو ازعجتك بكلمة
بس فعلا ردك هجومي بشكل عنيف بصراحة

انتي غلطانه
لو انتي حرمتي اخوي انا بقول عنج انج وحده مب زينه
اوف لهذي الدرجة ؟؟
يعني المفروض زوجة اخوكي تترك لك بيتها سبيل عشان تصير زينة في نظرك ؟؟

بصراحه تنرفزت من كلامك
والله انا اللي تنرفزت من طريقة ردك على البنت الله يصلحك

وهذا جزاي اني اريد مصلحتهاا:woo:

اولا انتي معك حق في ان لك الخصوصيه مع زوجك
حلو حلو .. مع انك قبل شوية قلتي انها في نظرك شرانية
بلاش اقول سيئة وهي كلمة مرادفة لكلمة ( مب زينة ) اللي اطلقتيها عليها واللي ماحبيتها منك
والا انا اتخيل ؟

ما فهمت على كلامج شنو تقصدي وضحي اكثر:!!:

ثانيا خلي علاقتج باهل زوجك مثل علاقتك باهلك وبتعيشي بسعاده
لا طبعا .. اهلها شي واهل زوجها شي !!
حتى لو حاولت تكون زي ماتقولي لها
مستحيل ام الزوج تعتبر زوجة ولدها مكان بنتها ..
مسسسستحيل
حتى لو كان فيها الطيب كله
زوجة الابن اسمها زوجة ابن ...
وحدة اخذت ولدهم منهم ... قد ماكانت طيبة وحبوبة ..
الاختلاف اللي يصير في حياة الابن بعد زواجه يأثر على الاهل ويثير غيرتهم .. وما ينلاموا بصراحة ...
لهم حق الاحترام
والمجاملة
والادب
والذوق
والتعامل بكل تهذيب معاهم ..
كل هذا ياخذوه بميزان الأخذ والعطاء ... تعطيني اعطيك ..
وعلى قد عطاءك تلاقي مني ان كان طيب وان كان قلة ذوق
اما تكون ذوق مع ناس همج ؟؟؟؟ هذا اسمه هبل مو ذوق
اتوقع هذي الاخلاقيات معاهم كفاية في تقريب المسافات بينهم وتخليهم يحبوها ..
بس تتعامل معاهم زي اهلها ؟؟؟؟
يعني تتخانق مع اخت زوجها زي ماتتخانق مع اختها مثلا !!!
تتوقعي ردة فعل اخت زوجها زي ردة فعل اختها معاها اذا صار بينهم خلاف؟؟؟
امها في وقت الزعل مع اختها بتفرق في التعامل بينهم ؟؟
أم زوجها من غير كلام في نظرها بنتها الصح وزوجة ولدها غلطانة ..حتى لو شافت بنتها بتغلط قدام عينها ..
فهمتي الفرق ؟؟؟؟؟

شوفي الظاهر انتي بعدك عندك مشاكل مع اهل زوجك
وبعدين من قالج ان العمه ما تحب زوجة ولدها
وربي الكون انا عندي 2 من اخواني متزوجين
لكن امي تعتبرهم بناتها
ودوم تقول لهم ( انا البنت الوحيده بين 3 اولاد) ربي صح عطاني بنت وحده بس انتو الحين بناتي وصار عندي بدل البنت 3 بنات وكلنا يالسين في نفس البنت
وبالفعل معاملتهم مع امي مثل علاقتي الام مع بنتها
ويحترمونها حتى اذا اشترت لي شي
تشتري لحريم اخواني نفس الشي
وتقول لازم اخذ لبناتي الثلاثه
وبعدج كيف تقولين غير
خليها تعتبر عمتها مثل امها وتكسب فيها اجر
وباكر هي او انتي راح تصيرين امي
يعني ما بتحبين زوجك ولد
بحجه انك اختي ولدها منها
بصراحه كلام فاضي
حتى انا مره سمعت شيخ يتكلم عن هالموضوع
وكيف العروسه تكسب عمتها
ياريت لو تسمعيه
لان متاكده انك راح تغيرين رايك

بس طول ما انتي عايشه كذا ومالي شغل فيهم وما اعرف ايش
انا اعتبره غرور وتكبر منج

لامو تكبر ولا غرور اذا كان في حدود الذوق والاحترام والتعامل الطيب بدون تدخلات من الطرفين ..
والا عشان تصير مافيها تكبر تخلي نفسها ملطشة للرايح والجاي؟؟
والعذر ايش ؟؟
والله اهل زوجي ...
والله من حقهم يعاملوني زي ولدهم وبنتهم اذا يقللوا من قيمتهم معناته عادي يقللوا من قيمتي ...!!
اذا بيسألوا بنتهم فين رايحة ومن فين جاية معناته عادي يحققوا معاي !!
اذا بنتهم اشترت شي لازم يعرفوا من فين وبكم معناته انا نفس الشي لازم قبل ما ادخل اغراضي بيتي امر عليهم عشان التفتيش !!!
خيـــــر ؟؟؟!!!!!
لا ياعزيزتي .. لاتفكري ان كل الناس زي بعض
ولاتفكري ان كل الناس يقبلوا رفع الكلفة معاهم ببساطة
زوجة الابن .. بنت ناس .. مو بنتهم
جات من بيت اهلها معززة مكرمة .. لها كامل الحرية والخصوصية
ومالأحد حق انه يستخف دمه عليها بعذر ان طبيعتهم كذا ..
طبيعتهم كذا مع عيالهم بكيفهم ..
يجوا عند بنت الناس يوقفوا عند حدودهم
ويحترموا نفسهم عشان برهم على عيالهم مو على بنت الناس
هي تبر أمها و أبوها ...
غيرهم من كبار السن لهم الاحترام مو أكثر
وكل طرف يعرف ايش اللي له وايش عليه
وينتبه لحدوده تمام
عشان هذي الحدود هي سبب وجود العلاقات الجميلة بين الناس .. التعدي عليها جارج ومؤذي ويسبب مشاكل ..

ترا شوفي انا لما قلت انها مغروره ومكبره
انا قصدي بامانه بينج وبين ربج
اذا جات وحده عندج وطول الوقت هذي ساكته او جالسه في حالهم
والناس كلهم يتكلموا الا هي جالسه ما تتكلم
شو بتقول عنها الناس غير انها متكبره
لانهم جالسه بعيد عنهم
وهم في نفس المكان
هنا المقصد واحد لما الوحده تكون ساكنه ف بيت زوجها
ما تنزل لهم ولا تشاركهم ايش يعني
يعني تكبر:rolleyes:

وبعدين يوم انتي حاطه في بالج ان حريم الاولاد في نظر عمتهم مب زينين
عيل ليش الوحده تتزوج وتجيب لنفسها مشاكل
احسن لهم ما تتزوج وتريح نفسها
طول ما انتي تقول ان العمه تعتبر بنتها منها وفيها
وتعتبر زوجه ولدها بنت ناس غرب
بالعكس انا اعرف كثير ناس اعتبروا عمتهم امهم الثانيه
والحمد لله عايشين بسلام وعماتهم يحبوهم
لان لما تعتبرين عمتج امج يكفي رضى رب العالمين عليج

ثالثا بالنسبه ان يحط المفتاح عند اهله فهذي بصراحه ما عندج ابدا حق تزعلين
وتعكرين حياتك الزوجيه بس مفتاح غرفتج خليه عندج وقفلي الغرفه

بيتها كــــله .. مادام له باب ينقفل عليها.. ومسؤولة عنه وعن ترتيبه وتنظيفه
معناته يدخل في دائرة مملكتها الخاصة .. اذا بتترك مفتاح بيتها تتركه بمزاجها مو غصباً عنها
بيتها ... بيييييتها .. تفهمي ايش يعني بيتها؟؟؟
يعني الجزئية اللي تكلم عنها الرسول عليه الصلاة والسلام في حديث ادب الاستئذان وقال ( الاستئذان ثلاث فإن أذن لك فادخل وإلا فارجع )
من متى حددوا ملكية الزوجة غرفتها وبس والباقي سبيل يسرحوا فيه اهل الزوج ويمرحوا بكيفهم بدون محاسبة ولا استئذان؟؟؟
والله شي جميل..!!!!
تخلي بيتها حراج لهم يدخلوا على كيفهم في غيابها !!
عيب كذا ... هذي قلة ذوق منهم
واذا مايعرفوا الذوق هي تعلمهم الذوق
تسوي لهم مشكلة وتسمعهم كلام في عظمهم يخليهم مايقربوا جنب باب الشقة الا لمن تعزمهم ...

هذا الرد ما راح اعلق عليه
لان كلام الاخت شريفه عجبني واعتبري ردي مثل ردها

وهذا مو تحريض .. هذا شي يشبه فكرة وضع النقاط على الحروف
عشان القراءة تكون واضحة وبعيدة عن التخمينات وينعرف الفرق بين السين والشين ..
رابعا يوم انهم يذاكرون في شقتج لو انا منج بعتبرها صدقه ومكان لكسب العلم وشوفي الاجر عند رب العالمين
هي تحدد كيف تتصدق و بإيش
ماله داعي المزايدة بالدين في مواضع الدين كفل حرمتها بفرض الاستئذان
ومو كذا وبس .. الا قالك استئذن 3 مرات ..
واذا مالقيت الاذن ارجع وانت تضحك
مو تلوي بوزك وتسوي فيها الزعلان لانه مو من حقك تزعل ..
للبيوت حرمات ..
والانسان مستور في بيته مالأحد حق يدخل عليه بيته بغير علمه او بدون رغبته ..

ويوم تقولين انهم ما يستاذنون يمكن هم ما حطوا هالشي في بالهم
وعبالهم عادي لانهم يعتبروج وحده منهم وفيهم

اذا ماحطوا في بالهم يتعلموا يحطوا
عشان الاسلوب هذا اسلوب ناس ماعندها احترام
ودروس تعليم الاحترام كلفتها عالية ..
في العادة تكلف شي اسمه الكرامة .. لمن يكون الدرس طرد من البيت مثلا ..
اللي يخاف على كرامته لايتصرف تصرفات تخليه ينهان
انا شخصياً متربية في بيت اهلنا معلمينا معنى الاستئذان ..
ولمن ندخل اي غرفة ندق الباب قبل ماندخل ..
ولمن رحت بيت زوجي ماقلت البيت بيتي
ومشيت بين الغرف وادخل واخرج من غير ما احترم خصوصيات اهل البيت مع انه بيت عمي ..
تخيلي لاي درجة ؟؟؟
بيت تقريبا ربيت فيه من صغري بما انه بيت عمي
وتزوجت ولدهم ومع هذا مانسيت الدروس اللي تعلمتها في بيت اهلي
عييييب تدخل على احد من غير ماتدق الباب ..
عيب تفتش في اغراض احد ..
يمكن هي متربية كذا !!!
انتي يمكن الوضع عندك عادي مايزعلك اهل زوجك يدخلوا بيتك من غير ماتعرفي .. لاتحسبي الناس زيك

حتى الواحد اذا بينصح وحده علشان تاخذ الاجر
صار الناس ما يعجبها
صدق دنيا عجيبه :p
طيب ابله ابله اعتبريهم صدقه ياختي ورفعه بله
يمكن الاخت ما تبغي صدقات عشان كذا
وبعدين انا ما متزوجه بس اذا تزوجت راح احط عمتي فوق راسي
لان امي علمتني احب الناس
ومهما كان الناس سيئن مع الكلمه الطيبه والمعامله الزينه
كل شي يتغير
وعمتي راح اخليها تعتبرني مثل بنتها
ومستحيل احسسها اني اخذت ولدها
واذا هي مب زينه على قولتكم كل وحده وشطارتها كيف تكسب رضى عمتها
وراح احط ف بالي انا باكر راح اجيب عيال واكيد مثل ما انا اعمل عمتي باكر اولاد راح يعاملوني كذا
ومنها اكسب اجر ورب العالمين يوفقني في حياتي
واكيد زوجي لما يشوفني احاول اتقرب من اهله راح يحبني اكثر
بدل ما كل يوم اعور راسه امك وامك وامك


بامانه وبينج وبين ربج ؟ لو اختج دخلت وذاكرت في شقته بتزعلين؟ انا متاكده انج ما بتزعلين
بالعكس بتقولين لها احسن جيتي شقتي عشان تذاكري عدل
برضه ارجع واقولك الأخت غير .. واهل الزوج غير ..
ولو فكرتي فيها شوية بتلاقي كلامي منطقي جداً ..
أختها بتستر عليها لو شافت بيتها مكركب ..
اخت زوجها ايش سوت؟؟
فضحتها عشان شافت شي ماعجبها لمن دخلت بيتها في غيابها...
والله فرق شاسع ...

وليش يعني اختها عندها رب عشان تدخل شقتها
وزوجه اخوها ما عندها رب
اسمحلي احترم وجهه نظرك بس طول ما انتي مسويه حزب
بين اهلك واهل زوجك مستحيل ترتاحي
اعتبري اهل زوجك اهلك وشوفي الراحه

بس بصراحه انتي ما عندك سالفه
وشكلك تبغي تتضااااااارب مع اهل زوجك
هجومك عليها ينرفز تصدقي؟

بجد ما كنت عارفه ان اني انرفز :rolleyes:
زين سويتي خبرتيني
:-#


خامسا عشان التنظيف احمدي ربك محصله احد ينظف لك
غلطانة انها تعطيهم مجال ينظفوا لها اصلا ...

تعوذي من ابليس وشيلي هالافكار من راسج
افكار احترام الخصوصية والاستئذان والادب والذوق قصدك ؟

؟؟؟؟؟؟؟؟؟؟ وضحي اكثر فديتج :clock:


واعتبري اهل زوجك اهلك وتركي عنك هالافكار السوده
افكار سوداء عشانها ماتحب المشاكل وتحتاج تاخذ راحتها في بيت المفروض انه بيتها ؟؟

حبيبتي افكار السوده في انها تحب عمتها ولا تعور راسها وراس زوجها في كل يوم في سالفه
مثل ما هي تحب امها هو بعد يحب امه والا بس عادي هي تحب اهلها وهو يقطع اهله كلهم عشانهم


ولا تزعلي منهم
اذا تصرفوا تصرف يزعل ومازعلت ؟؟
اعتبرها سلبية منها .. لازم تزعل بدون ماتتصرف بقلة ذوق ..
لوووووووووووووووووول
خلاص انا اسفه ما اريد احب ينزعل مني
لان النصحيه وكلام الحق صار يزعل
والناس ما تحب تطلع هي الغلطانه
هي بس تبغي تسمع الجانب الايجابي الي يكون في صالحها
اما الجانب الثاني عادي ما يهمهاااا
:confused: انا قلت رائي وانتو بكيفكم
وانا بعتبرها نصيحه لوجهه الله :thumbs_up:

خلك عاقله وحبيهم
الحب من الله .. مايجي بالعقل
والمعاملة الطيبة اذا ماولّدت المحبة .. تولّد الاحترام .. وهذا هو الأهم في كل العلاقات

لوووووووول صرنا نقول حكم :thumbs_up:

صدقين راح تكسبين اهله وتكسبين زوجك
تكسبهم بس مو على حساب نفسها وعلى حساب اعصابها وصحتها

وهي بروحها جايبه لنفسها هالشي
طنش تعش تنتعش :p
او خليها تحبهم ويجبوها

ورب العالمين راح يفتحها عليك من جميع ابوابه[/U]
------
وبعدهم يقولوا ليش حريم الاولاد مب زينين
بصراحه لو انتي حرمت اخوي باخذ عنك فكره مب حلوه
مو دايماً افكارنا صحيحة .. ولا دايماً وجهات نظرنا سليمة
بعض الاحيان نحتاج نوقف في نفس الموقف عشان نقدر نستوعب احساس الآخرين

الله لا يقول اني اصير كذا
لان راح احب عمتي من البدايه واعتبرها امي
وكل وحده وشطارتها في كسب حب اهل زوجها:adore:

وانتي تدور المشاكل وتبغي تفرقي بين الولد واهله
ايش اللي تفرق بين الولد واهله ؟؟
تروحي تشتكي لزوجها وتقوله اهلك كذا وكذا
وبالتالي الولد يزعل منه ويصير مشااااكل

ايش هذا الكلام ؟؟ ياختي بشويش على البنت ليه الجلافة هذي ؟
انتي ايش تعرفي عن حياتها عشان تقولي هذا التعبير؟؟؟
تفرق بين الولد واهله اذا طالبت باحترام خصوصياتها ؟؟؟ سبحان الله شي غريب

هي كاتبه انها تروحي تشتكي لزوجها وهي ما يعجبها تصرفات اهله
ترا البنت تستحمل بس قلب الرجال ما يستحمل
وبالنسبه لاحترام الخصوصيه انا ما قلت شي
بس كل وحده تعرف كيف تكسب اهل زوجها
وماله داعي تروح تعور راس زوجها بسوالف الحريم
هو متزوج عشان يرتاح مب عشان زوجه تتذمر وتجيب له عوار الراس

خلج معاهم حلوه مثل بنتهم
وروحي جلسي عند عمتك ساعديها
هنا اتفق معاكي 100%
واخيرا :confused:
الطيب مافي احلى منه .. وام الزوج رضاها من رضى الزوج
بس بالمعقول .. يعني مو تروح تساعد وبناتها جالسين يتفرجوا تلفزيون
لووووووووول اذا بناتها يتفرجوا على التي في تروح تجلس وياهم :clock:
وبعدين اذا حبوها هم اصلا مستحيل يخلوها تسوي شي
وبالعكس انا اشوفهم يحبوها مدام يريدوا ينطفوا لها الشقه

مثلا هالفتره زوجك بيسافر قولي لزوجك انا بجلس في شقتي
مستحيل اترك اهلك لانهم اهلي
راح تشوفي زوجك كيف راح يفرح

ياسلام
اهم شي هو يفرح ؟
طيب هي من حقها تفرح كمان والا كيف؟
من حقها تقضي فترة سفر زوجها بالطريقة اللي تناسبها وهي مرتاحة
مو تجلس في شقتها تحرس بيتها من الملاقيف


شوفي الاجر لما ترسم الفرح في زوجها
وربي انه راح يحطيها فوق راسها
وتعيش حياتهم مبسوطه
ولما قلتي من حقتها تقصي وقت سفر زوجها وين ما تحب
هذا بكيفهم
وانا قلت لها رائي ما قلت شي ثاني
اذا هي حابه تسمع كلامي واذا ما حابه هذا شي راجع لها

وربي ضحك من خاطري على اخر سطر
حلوه هذي الملاقيف
:lol:


اسفه على الطاله بس حبيت اوضح وجهه نظري
واتمنى من صاحبه المشكله انها ما تزعل
وتتقبل ردي بكل رجابه صدر وهذي ورده لها F: F:

Dior Me;14340480:
الله يسعد قلبك يافجر والله انا عارفة ان فيه اخوات ازواج زيك طيبات وحبوبات
وينحطوا على الجرح يطيب
بس وربي مو الكل زيك ياحياتي
في ناس بغض النظر عن كونهم اخوات زوج او صديقات او حتى اخوات شقيقات...
محتاجين يفهموا حدودهم
ترى احنا في مجتمع ملقوف والله يافجر
عندنا اللقافة سبب خراب كل شي
لو تدققي في المشاكل اللي تصير ...
دايما سببها اللقافة والفضول وفلانة قالت وعلانة سوت ..
لذلك نضطر احيانا نلجأ لاساليب تضايقنا قبل ماتضايق غيرنا لحل هذي الأمور
مين مايحب يعيش بين ناس يحترموه ويحبوه ويقدروه؟
مين فينا ماتحب تنتقل من بيت اهلها لبيت اهل ثاني بنفس تفاصيل بيت اهلها وحبهم و طيبهم و خوفهم عليها ؟؟
كلنا نتمنى هذا الشي .. بس للأسف نادرا مايكون الحظ حلو ويحط الكل في المكان اللي يتمنوه

انا رديت على الرد الاولى
ووبينت وجهت نظري
على العموم اسفه حبيبتي اذا قلت شي ما عجبك
انا عارفه ان خبرتي في الحياه قليله
لان سني صغير
وللحين ما تزوجت
بس انا حكمت للموضوع من الحياه الي انا عايشتنها
تصدقي ان كلنا بنروح مكان والسياره ما كفت مكان
اخلي حريم اخواني يروحوا وانا اجلس في البيت
واذا حرمت اخوي تبغي تطلع مع زوجها اخذ عيالها وانومهم عندي
لان اعتبرهم خواتي
على العموم اختي الله يووووووفقك في حياتك
وهذي ورده لك F:

نعم حقك وكما قال الله تعالى لا تدخلوا الي بيوت حتى تستأدنوا صدق الله العظيم

Dior Me;14336400:
اختي فجر عمان ردك لفت نظري
واسمحي لي اعلق على كلامك بعد اذنك
وان شاء الله صدرك يتسع لتعليقي واعتذر مقدماً لو ازعجتك بكلمة
بس فعلا ردك هجومي بشكل عنيف بصراحة

ما شاء الله ولو اني نادرا اذا رديت في هذا القسم ، بس ما قدرت أمنع نفسي من اني اخط كلمة اعجاب بتحليلك الأكثر من رائع للمشكلة .

مادري شقوووولج
غير الله المستعان بس سوي اي شي تحسينه مايخرب علاقتج مع زوجج

كليمي بالسياسه والرواقه ..

يعني قوليلوا يعني في اشياء موو حلو اخواتك يشوفوها في غرفه نومنا.. ملابسنا الداخليه عيب احد يشوفها غيرنا.. خصوصاا ادا كانوا اخواتوا لسا ما اتزوجوا يعني ..