تعبت والله تعبت ...! - منتديات عروس

السلام عليكم ورحمه الله وبركاته
الله يعطيك العافيه أختي على الجهود إلي تبذلينهآ ،،
اختي انا صراحه ودي افتح قلبي وافضفض واقول كل إلي فيني وبليز اسمعيني للنهاية ،،
انا بنت عمري 19 سنة و جم شهر قريب بصير 20 سنة ، بنت ملتزمه ولله الحمد مو مدينة بس الحمدلله ما اسمع اغاني ولا عندي خرابيط النت ولا عندي علاقه حب ولاشيء ، مشكلتي إني احس بفراغ عاطفي كبير خصوصا إن اخواني كلهم اولاد بس اختي وحدتي والحين بعد كم يوم بتتزوج وإهي عمرهآ 20 سنة ، أنا صراحه ودي بعد اشوف حياتي :thumbs_down: لكن الحين من يبي وحده تلبس عبابة ام راس وملتزمه وتخاف الله بنفسهآ يبو ن البآف والعدسسات وغيره :thumbs_down: ويبون علاقه حب تكون قبل ، والله تعبت تعبت وربي ابي اشوف حياتي واعرس عساس إذا انخطبت يكون هنآ الحب ، من ابطل بوزي اكيد بقولون ما تستحي وقليلة ادب { مدري ليه يفكرون هلون مجتمعآتنآ ، وغير إني في جامعه يؤيؤ اقولك البنات فيهم مخطوبات او متزوجات ولي حامل وكرشتهآ إلي وين بس جم وحده إلي مش مرتبطه مثلي ، غير إن اخوي بعد بيخطب واخوي الثاني بعد واختي خلاص بعد كم يوم زواجهآ يعني انا بظل مع اليهال في البيت ، والله سااعات اتعب واقول لإمي وتقول امي تعرف خطابه :thumbs_down: وتسكر الموضوع ولا تكلم الخطابة ولا شيء ، وانا استحي افاتحهآ بعد بالموضوع بتقول عني فآصخه وما ستحي ، برغم كل هذآ احس روحي مو مهيئة للمسؤليه أختي تقول كل جيه قت بنتزوج نقول هلون لكن إذا صار كل شيء من نفسج ببتغيرن ، خصوصا إني اول سنة جامعة وانا ما شاء الله ممتازه يعني اهتم بدراسه وايد والريال ما يبي هلون / والله تعبت يا اختي والله معني متوسطه الجمال وعاديه وملامحي كلهآ برائة لكن الحظ ،،

:thumbs_down::thumbs_down::thumbs_down::thumbs_down:

وعليكم السلام ورحمة الله وبركاته
اختي الغاليه
كل شي قسمة ونصيب
واللي تحسين فيه من فراغ اعانك الله عليه
عليك بكثرة الاستغفار والطاعات والصيام كل اثنين وخميس والايام البيض
والله سبحانه وتعالى يرزقج ولد الحلال الصالح اللي يسعدج
لاتقولين مايبون اللي لابسه عبات ويبون المكياج والعدسات
مثل ماكو ناس ماتفكر بالدين
في رجال يرغبون بذات الخلق والدين
فاظفر بذات الدين تربت يداك

كل شي يبيله صبر
ولحد الحين ماحان الوقت اللي ترزقين بهذا الزوج اللي يملي عليج حياتج

اهتمي بدروسج ... ولاحقه على الزواج وكل شي بوقته حلو
واذا الله اراد شيء قال له كن فيكون

دمتم سالمين
اختكم شريفة