كابوس الحمل بيقضي عليه

السلام عليكم ورحمه الله وبركاته

اختي الكريمه الله عرفناه بالعقل .. وبعدين يا اختي كل نفس ولها طاقه ..

اول شي تسوينه انك تكلمين زوجك بما يعقل .. ان اول شي جسم الحرمه ... على الاقل يحتاج إما سنه .. عشان تحم لمره ثانيه وكل شي يرجع طبيعي في جسمها او تتم الرضاعه سنتان .. وبعدين تحمل .. وتكون ما قصرت في حق الطفل وهي اصلا ارتاحت..

الشغله الثانيه .. لازم يقدر نفسيتج .. ولازم يقدر انج تحتاجين الراحه .. وطبعا كل شي لازم يكون بتفاهم منج .. من البدايه ..

يعني زوجك لازم يقدر التعب الي انتي قاعده تعتبين على عيالج .. يوم انج بتحملين وتولدين .. وبعدين انتي اصلا تظلمين الصغيره .. لان شي طبيعي انها لا تحبي ولا تقدر تشيل عمرها ,, وبتحرمينها الرضاعه الطبيعيه والحمل بيأثر عليها وايد.. ولا بتقدرين توفقين.. الا بصعوبه..

طيب لو فرضنا انج حامل

اختي ازهاق الروح لا يجوز .. كل الي تقدرين تسوينه تقبل الامر الواقع.. والرضى بما كتبه الله لك..

ولكن تخطرين زوجك ان هالحمل ما راح تحملين بعده الا بعد ثلاث سنوات على اقل تقدير عشان تقدرين تربين عيالج عدل... وتوفيهم حقهم..

وبعدين لازم يوفر لج مربيه (مو خدامه ) عشان تساعدج بالنهار وتشيل وتحط معاج اليهال .. وخصوصا في فتره الاشهر الثلاث الاولى

لكن لا تفكرين في انج تنزلين الحمل

تحياتي

ام جنى

حبيبتى دا رزق من الله احمدى الله عليه
غيرك بيتمنى ظفر طفل
قولى الحمد كى لا تزول النعمة

قال تعالى "وان شكرتك لازيدنكم"
ولكى من التحية.

يالغلا نصيحتي لج انج تقعدين ويا ريلج وكلميه بهداوة وقوليله ان البنت بعدها صغيرة وقوليله حرام انج تحرمينها من الرضاعة عالاقل خلني اكمل سنتين وارضعها وبعدها يصير خير اتوقع انه يحب بنته ويخاف على مصلحتها وماظنتي انه غافل عن اهمية الرضاعة حاولي وياه وربي يوقفج اما اللي تفكرين فيه هذا حرام صدقيني بالتفاهم والحوار كل شي يصير ..وبالتوفيق..

الله يعينج حبيبتي انه ليحين مخطوبه و اجوف حالة البنات الي معاي نفس حالتج اموت خوف :hysterical: و من الحين اقول لخطيبي ما ابي عيال ورى بعض اذا الله رزقنا والحمدالله متفهم الوضع ، مثل ماقالوا البنات حاولي تقعدين مع زوجج و تفهمينه بمنطق و انج تبين ترتاحين ، وان شاء الله ماتكونين حامل بس لو صار و النتيجه حامل هاي كتبة ربج وحرام تنزلينه

الله يسهل أمورك ويرزقك ما تتمنين

لو كنتي حامل احمدي ربك على كل حال حتى لو ما أعجبك ..

وأدعي الله انه يكون من الصالحين

حاولي تجلسين مع زوجك جلسة هادئة وتتكلمين معاه عن الرضاعة الطبيعية ان بنتكم محتاجتها وما يصلح ترضعينها وانتي حامل لأن الحليب بالفترة هذي يضر البنت أكثر من ما ينفعها ..!!

خوفيه بهالنقطة وان شاءالله يتفهم وضعك وينسى السالفة ع الأقل سنة ..!!

:-#

الله هو الرازق احمديه على هالنعمة

الاخت نور ما قصرت
الحل الوحيد تتكلمين مع زوجك بهدوء ولازم يفهم انه مهم لصحتك ولصحة البيبي انك تنتظرين على الاقل سنتين
وكمان مسكينة بنتك بعدها صغيرة راح تنشغلين عنها
قوليله اهم شي صحتك وصحة اطفالك
يعني الغاية انجاب اطفال سليمين وصحيين بالوقت المناسب والام تكون بكامل صحتها ومرتاحة
غير هذا مو زين



وبالنسبة للاخوات اللي يقولون غيرك تتمنى تحمل وانتي تمنعين
يعني هي ماشاء الله والدة من 6 شهور لازم تهتم بنفسها عشان تقدر تحمل بطفل سليم للمرة الثانية تفكيرها مو غلط
كل وحدة بعد الولادة هذه تفكيرها عشان ترتاح

تعقيييييينه
يامسهل الكلمه عندج
ناس تسلف وتبيع وتقترض عشان تحمل
حسبي الله على الي دخل هالافكار براسكم
لو عطيتج سجين وقلت لج قتلي هالشخص توافقييين؟؟

ترى العقاب واحد سواء طيحتينه او قتلتينه بسجييين
شنو من قلب هذا ضنى يا يمه
الله يهديييج عورني قلبي لمن قريييت كلامج ماتوقع كلام ام تحب ضناها


الي قالت من حقها تخاف وغيره عشان تهتم في روحها وتوها 6 اشهر
على عيني تبي تهتم في روحها خل تهتم تضايق يوم يومين ماعليه
بس انها تطيحه
شنوووو وين قاعدين احنا
عقب اي صلاه اي صياااام؟؟
توقفين وياها على قتل روووح
اسمحيلي كلامي يعور عشان يكون لج خيتي ولغيرج واي وحده تفكر في هالشي

بصراااااااااااااااااحة انا حملت على بنتي وعمرهااااااااااااا 11 شهر في البداية تضايقت وبكيت لاني تعبت في حملهاااااااااا بس يوم فكرت فيها بعدين راح ارتااااااح
لان بنتي الان مطفشتني لانها لوحدهااا والله الخيره فيما اختارها الله

قلبي عن غيره تسكر;14324931:
تعقيييييينه
يامسهل الكلمه عندج
ناس تسلف وتبيع وتقترض عشان تحمل
حسبي الله على الي دخل هالافكار براسكم
لو عطيتج سجين وقلت لج قتلي هالشخص توافقييين؟؟

ترى العقاب واحد سواء طيحتينه او قتلتينه بسجييين
شنو من قلب هذا ضنى يا يمه
الله يهديييج عورني قلبي لمن قريييت كلامج ماتوقع كلام ام تحب ضناها


الي قالت من حقها تخاف وغيره عشان تهتم في روحها وتوها 6 اشهر
على عيني تبي تهتم في روحها خل تهتم تضايق يوم يومين ماعليه
بس انها تطيحه
شنوووو وين قاعدين احنا
عقب اي صلاه اي صياااام؟؟
توقفين وياها على قتل روووح
اسمحيلي كلامي يعور عشان يكون لج خيتي ولغيرج واي وحده تفكر في هالشي

حبيبتي انتي فهمتي كلامي غلط!
انا ما قلت تطيح البيبي لو حملتت!! استغفر الله يعني قابل مااعرف هذا حرام
انا مجرد قلتلها ان تتكلم مع زوجها وتعليقي كان بخصوص المنع وليس الاسقاط
يعني تقولون ليش تمنعين هذه نعمة غيرج تتمنى تحمل , واني قلت حقها وعشان انا حاسة بيها انها مستاءة واعرف ان الام كيف تتعب مع الحمل والولادة والتربية لهالسبب حبيت اقول لاتفهمونها غلط

اما عن الاسقاط
الله اعلم اذا هي عن قصد قالت هيك او لا هذا مو شغلي


ورجاءا اختي صاحبة الموضوع لا تفكرين اني وقفت معاك على قتل الروح بس كلامي انفهم غلط:(

تنزيله حرررررررااااااااام
انتي ما تستخدمي مانع
وكمان ما تبغي تحملي
لازم تاختاري واحد فيهم
وبالنسبه لزوجك حاولي تقنعيه

يؤؤؤ حرام عليج تفكرين هالتفكير تقتلين نفس بريئه تفكرين الله مابيحاسبج بيكون عقابج شديد وبعدين زوجج قعدي معاه وحاولي تفاهمنيه مو تقولين لاحملتي بترمين الولد وين تفكيرج يوم تقولون هاكلام مافكرتي برب العالمين وهل بيجي قلبج تقتلين حشاشه يوفج هذا قطعه منج ياربي لاتغظب علينا حتى الام بهذا الزمان ماتبي اولادها وين حنيه الام بس انا مااستغرب من هالشي لانه فعلا صار هالشي ام قتلت ولدها رظيع لانه كان فيه اعاقه ورمته بالزباله والله دمعت عيني يوم قلتي بتقتلينه خافي الله الله عطاج هالنعمه قادر ياخذها وكل شي بالتفاهم يصير

حبيبتي البنات كفو ووفوا بس قلت لازم اكتب لج تعليق يمكن انت فعلا ما ارتحت و6 شهور فترة مو كافية للحمل مرة اخرى لكن هذي كتبه رب العالمين كان المفروض تقنعين زوجج بشئ يمنع بس لو صار وانت فعلا حامل خلاص سلمي امرج لله ولا تحاولين تسوين اي شئ عشان تفقدينه لانه ما يجوز حرام شرعا وما تدرين يمكن يكون صلاح لج بس احنا بني البشر عجولين وما ننتظر لكن رب العالمين ارحم بنا من انفسنا والله الموفق

اذا كنت حامل لاتفكري بشي غير انك ترضي بقضاء الله ماتدري يمكن يكون خير لك اما اذا ماكنت حامل الحل بدل الحبوب واللولب تعدين بعد الدوره وهي الوسيله الطبيعيه لمنع الحمل تلقين طريقتها بالنت

وربي يصلح لك امرك

.. أمــ عــلــيــ ..;14324330:
الله يسهل أمورك ويرزقك ما تتمنين

لو كنتي حامل احمدي ربك على كل حال حتى لو ما أعجبك ..

وأدعي الله انه يكون من الصالحين

حاولي تجلسين مع زوجك جلسة هادئة وتتكلمين معاه عن الرضاعة الطبيعية ان بنتكم محتاجتها وما يصلح ترضعينها وانتي حامل لأن الحليب بالفترة هذي يضر البنت أكثر من ما ينفعها ..!!

خوفيه بهالنقطة وان شاءالله يتفهم وضعك وينسى السالفة ع الأقل سنة ..!!

:-#

يااالله شو هالاهجووم

استغفر الله العظيم
انا قلت افكر ماقلت بسوي هالشي ,, وماقلت الي قلته الا لني فحاله مايعلم فيها الا الله
انا حرمه مؤمنه خايفه ربي وشاكره الله على النعم اللي عطاني ابااها



السموحه بنااات كنت ابا منكم مشوره مب هزااب
اشكر كل من نصحني من قلبه وبصدر رحب
و[اشكر ] اللي هزبني ها من خوفكم من الله وعقاابه


الحمدالله على كل شي وعلى نعمة العياال