لقيمااااات طربه ولذيذه

السلام عليكم يا حلوين

ودي أحط لكم طريقة لقيمات فكت عقدتي اللي كانت عندي من اللقيمات وأخيراً

وربي اني صادقة كل من ذاقها طلب مني طريقتها

وانتو على حسب ذوقكم.. في ناس يحبون اللقيمات هشة وطرية.. وفي ناس يحبونها قاسية.. كأنها اللقيمات المحشية

لكن هذي اللقيمات رح تكون هشة وطرية

وبلا كثر الحكي.. إليكم المقادير:

4 أكواب طحين أبيض
3 م.ك نشا
3 م.ك حليب بودرة
1 ونص كوب لبن
ثلث بيالة شاي زيت
فنجال قهوة سكر
رشة ملح
بيضتين
رشة فانيلا
1 م.ص بيكنج باودر
1 م.ك خميرة فورية
2 كوب ماء

وبس

هي واجد المقادير بس علشان تطلع رهيبة التزمي بنفس المكاييل يعني الكوب اللي قستي فيه الطحين هو نفسه للبن هو نفسه للموية لا تغيرين الكوب

واخلطي المقادير الجافة مع بعض ثم أضيفي عليهم السايلة واعجنيهم واتأكدي انه ما فيه أي تكتل بالعجينة رح تطلع لك شبه سايلة بس أثخن واتركيها تتخمر بمكان دافي حتى يتضاعف حجمها (من ساعة ونص إلى ساعتين)
واقليهم على نار هادية.. ثم زيدي النار حتى تتحمر وهكذا

وان شالله تجربونها وتعجبكم