مليتي من الخلطات ومالقيتي حل تعالي هنا عندي الحلول..

مرحبا ياعرايس
ويابنات ويامتزوجات :)
كيفكم؟...
لي فتره ادخل المنتدى واقرأ الخلطات اللي فيه وجربت كذا وحده بس مافيه
فايده ماكأنني سويت شي...:badly:
وفي النهايه طفشت وقلت الظاهر ان ماعندي اي حل وراح اخلي الحال على ماهو عليه
بس لما قلت لوحده من صاحباتي الله يذكرها بالخير (ادعولها تولد بالسلامه)
اعطتني كم نصيحه وجربتها والحمدلله كل شي كنت اشتكي منه ماعاد له اي اثر:D
ماشاء الله
المهم راح اقولكم على الكريمات اللي استعملتهم بس طبعا ما احد يستعملهم الا بأستشارة الطبيب واي وحده حامل لاتحاول تحطهم
الكريمات هي
(كريم رتن أ )هذا مقشر + (كريم دوكين) هذا مبيض +(كريم ألكوم) هذا ضد الحساسيه
تخلط مباشرة قبل ماتحطينها ولا احد يخلطهم ويحطها بعلبه لأنها تتأكسد وبعدين تصير مضره..
حبيباتي اخلطيها وحطيها ع المنطقه الحساسه بالليل وحطي تحت كلمة الليل مليون خط
ليه؟ لانها في النهار تتفاعل مع اشعة الشمس وتصير مضره...
طيب حطيتيهم بالليل قبل ماتنامين ولما تكونين صاحيه لصلاة الفجر اغسليهم بصابونه انا استعمل البابايا 3 في 1
وحطي بعدهم كريم مرطب انا استعمل أفلون فيه جليسرين وهو مفتح...

طيب نجي للركب استعملي كريم لوكسيد أر حلو جدا او كريم سالي
نفس النتيجه راح يعطيك
بس بهالفتره تجنبي انك تفركين الركب بالليفه اغسليها بيدك فقط و حطي كريم مرطب انا استعمل جلسوليد مع جليسرين...

نجي للأبط فه مزيل عرق عند عودة الامارات اسمه (مزيل عرق بالأعشاب)
علبته مثل علب كريم الاساس ولازم ينحط مرتين باليوم صباح ومساء بعد ماتتحممين طبعا..
هو مايزيل الرائحه بالمره بس اذا استمريتي لمدة شهرين عليه راح تلاحظين بياض الابط
غير ان العرق مايكون له رائحه ابدا ابدا
اتكلم من خلال (تجربه شخصيه)..
ولو استمريتي 6 اشهر راح تبقين طول عمرك بدون رائحة عرق..

باقي الجسم اخلطي زيت جليسرين مع ليمون وادهني فيه جسمك وبعد ساعتين اتحممي بلصابون المغربي وقفاز بدي شوب
وبعدي عن الفرك القاسي..
بس هاذي نصايحي وكتبتها عن تجربه والله الشاهد..
كل اللي ابيه منكم تدعون لي ان الله يوفقني وييسر امري ويتمم زواجي باذن الله ويرزقني بالذريه الصالحه ...
امييييييييييين..