عرايس و متزوجات ادخلوا طيران مكياج ماركات بارخص الاسعار!!!

بسم الله الرحمن الرحيم

السلام عليكم ورحمة الله وبركاته

مرحبا بنات

بقول لكم على اشياء توفر لكم كثير و تعطيكم نتائج مذهله و الله العظيم اني صادقه

بس ها لازم تدعون لي طيب؟

على فكره كل الاشياء من تجربتي انا شخصيا مو احد قايل لي

اول شي بقول لكم عليه هو

رسم الحواجب:

زمان مره كنت استخدم قلم لرسم الحواجب لكن طبعا زي ما انتوا عارفين

القلم يسبب تساقط شعيرات الحاجب

عشان كذا غيرت و صرت استخدم فرشه الحواجب من ماك

و هي الفرشه المشطوفه المائله ... هي الصراحه حلوه مره و لينه خفيفه

على الحواجب لكن سعرها شوي غالي على فرشه الظاهر حوالي

78 ريال سعودي..

لكن انا اكتشفت البديل اللي بعد احسن !

اكتشفت فرشه للحواجب مرره روعه و حتى احلى من ماك لانها اقسى

بدرجه خفييييييييييييييفه و بكذا تزيد التحكم برسم الحاجب

و هي فرشه

ANGLE BRUSH

من ماركه مستر ماسكرا

MISTER MASCARA

و سعرها نصف سعر فرشه ماك بالضبط

48 ريال سعودي

و لقيتها في تفس محلات المكياج الماركات الظاهر من الفيصليه انا شريتها

من ساكس اعتقد...
------------------------------------

ثاني شي هو الارواج...

انا احب الارواج تكون

LIP GLOSS

الغلوس اللي يكون يوضع بفرشه و الوانه فاتحه و يعطي نعومه للشفايف

قد شريت من بودي شوب زمان ب90 ريال

و برضه شريت من مس سلفردج و كان حلو و الله

لكن .. الحين

طحت على غلوس يجنن و رخيص جدا و صراحه ما تحسين انك حاطه

روج اساسا.. و الوانه ما عليها كلام

و هو من محل مكياجي

و اسمه شوكو لبس وهو بالوان الشوكولا و البيج

CHOCO LIPS

و سعره.... 19 ريال فقط

و الوانه كثيره (سته الوان)

و يعطي الشفايف شكل ناعم و بنفس الوقت خفيف ما تحسين فيه

-------------------------------------------------

ثالث شي عاد شويه غالي لانه من شانيل و انا انصح العرايس

اللي يجهزون فيه لانه روعه

و هو الشادو..

بالنسبه لي انصح بعلبتين انا اشتريتهم وما ندمت ابدا

كل علبه تحتوي على اربع الوان

الاولى:

رقمها

O8 VANITES

و هي تدرجات الموف بلمعه جميله

و الثانيه رقمها

99 STELLAIRES

و الوانها الذهبي الفاتح و الزهر و العنابي و النحاسي و كلهم بلمعه

و هاذي احلى علبتين .. كان فيه وحده ثالثه لكن ما عاد صاروا يصنعونها

هئ هئ

و الظاهر سعر العلبه الوحده 165 ريال

لكن تسوى احسن من 5 علب شدو مو حلو.....

_______________________________

و اخر نصيحه على الطاير على العطور

اللي تبغا تشتري عطور خاصه العرايس اللي يحتاجون عدد كبير شوي

نصيحه انكم تشترون من محلات الجمله و مو من محلات التجميل المشهوره

لانها تغلي الاسعار كثير

و بكذا توفر العروس مبلغ و قدره اذا بغت تشتري عطورات كثيره

اختي العام اشترت عطور الور المركز من محلات الجمله ... و على الطريق

مرينا جنب محل تجميل مشهور ... رحنا بس لقافه بنشوف كم سعره عندهم

لقينا الفرق خيالي...

الفرق 120 ريال عن محل الجمله و الله العظيم !

و هي نفس العطورات هي هي من ماركاتها كريستيان ديور و شانيل و جيفنشي....

و بهذي الطريقه تقدر العروس و أي وحده عموما توفر خاصه عند الشراء بكميه كبيره

مثلا بدل ما تدفع 1500 تدفع 700 او 800

و احيانا بعد يعطون عطر مجاني اذا شريتي منهم كثير

بالنسبه لهذي المحلات ما اعرف اذا هي موجوده بكل مكان

لكن اعرف انه فيه بالدمام

و فيه بالرياض بشارع السويلم (و الله كشخه صرت ادل!)
ترا مدري و ين ارضه من سماه ها الشارع لا تسالوني!

على فكره عندي صور الفرشه و الشدو بس ما عرفت احطهم

ان شاء الله اذا عرفت احطهم
-------
ها... ان شاء الله عجبتكم نصايحي عاد تراني انتظر ردودكم

لا تفشلونني زي ذيك المره محد عطاني وجه....

علمتكم اسراري الثمينه عاد لازم تتفاعلون معي..(و الله حاله ذلتنا)

انتظركم

ام نواف