أبيكم تعرفون شنو بسوي .. لاني خايفــة

السلام عليكـم ورحمة اللهــ وبركاته ..

هذه مواضيعي السابقــة ..

:)

http://forums.3roos.com/showthread.php?t=570041

http://forums.3roos.com/showthread.php?t=574532


انا مو عارفة شلون أبدأ كلامــي ..
أساساً مو عارفة شنو أقول ..


الي يذكــر موضوع بيفهمنيــ والي ما يعرفه يقرأه ..


طبعــا هذا الشهــر بصيـــر السابع لي وللشخص الي يبيني على هذي الحال ..

وأهلي ما غيروا رايهــم أبد في الموضوع ..

انا ما حبيت أتسرع في أي شي , ولا أبي أخطو خطوة ما اعرف شنو نتيجتها ..
نهاية المقدمــة انا ابي مشورتكـــم

ورايكم ..



بسم اللهـــ :

أنا تعبت يا أخواتي ..
وانتو تدرون الي مريت فيه مو سهل من ضرب ومعاملة سيئة ..
والحين أمي بعد تغيــرت .. صارت ما تعاملني زين ..

قدر ما اقدر أسكــت وما اتكلم وياها , لكنها تدور المشاكل وتتكلم ..

أبوي هذا هو ما تغيــر ..

أخواني كالعادة ما يتدخلون وساكتين ..

وعمومي وخيلاني ..

وانا بروحي أصارع المووج ..


انا توجهت لاهليــ وخبرتهم برفض ابوي لزواجي , ما وقفوا وياي ..
بعد ما شرحت لهم كل شي وقفوا ويااي وسألو الشاب ..

وللي توصلنا ليه ان الكلام الي ابوي قاله عن الشخص : كامل كذب

بس عشاان انا ما اخذه


استمــرت الاتصالات بين اقرباء الشخص وابوي ..
وابوي يرد عليهم اني انا مو مقتنعــة , واني رفضتــ .. وكلام وايد غريب ما ادري من وين

يايبه ..

انا تعبت ..
ومو سهل انش تحبين وتتخلين عن الي تحبينه خصوصا اذا كان شاريج ..


انا السنــة بكمل 26 سنــة ..

وهو بيكمل 31 .. سنة ..


تبوني انتظــر ..؟
اصبـــر ؟

اهلي ما بيتغيــرون وبظلون معندين

..

انا سمعت ابوي يقول لامي مرة في الليل ..

خليها تنسى الموضوع
ولا تفكــر فيه




انا بصراحة قررت اني اروح للقاضيــ واشكي له .. واوضح ليه المسألة ..

واتزوج ..

هذا الحل الوحيــد ..

واهلي ما بخلوني بحالي ..

عشاان هذا انا بروح وبتزوج بعدين بخبرهــم ..

:( .. هذا الي عنديــ ..


انتو شنو تقولون ..

قبل لا تحكمون علي ابيكم تقرءون موضوعي ..
وتعرفون قصتيــ ..

وليش بسوي هالشي ..

وانا ابيكمــ تكلموني وتعطوني ..

انا ما عندي احد ..


اخواني الكبار صمت رهيب عندهم ..

امي وراء ابوي ..

اعمامي وخيلاني .. ما يبون يتدخلون : يقولون : هذا ابوج انتي
وهو المسؤول عنج ..

وحياتي مو مهتمين لها ..

يقولون لي دوري لج غيره ..

لكن قلبي .. ؟
مشاعري .؟

احاسيسي ..؟

انا ما بتقبل غيــره ..
يمكن ما استقــر ..

يمكن ما استمـــر مع غيره ..


يعني حياتي بتتدمـــر ..

افهموني ..


أكيد بتحسون فيني ..

وقلبي مفتوح لكم ..
اي شي بتناقش وياكــم فيه ..



وشكــرا لكم من كل قلبي ..