ساعدوني القهر ذبحني ..

السلام عليكم
اخباركم ان شاء الله اموركم طيبه ... والله يوفقكم مع ازواجكم واولادكم ويحفظهم ويحفظ محبيكم يارب امين ..
ان قبل 8شهور تطلقت وعشت فترة الله عالم فيها وميته قهر صح كان بيني وبين اببو عيالي مشاكل بس الطلاق ظلمني وظلم اولادي الثلاثه ... بعد ماتطلقت بدات معناتي مع اهلي وامي واخواني وعيال اختي كلهم ينظرولي نظره مب زينه محد حن علي والا واساني احس اني بموت صح حياتي مشاكل كانت مع ابوعيالي بس كانت ارحم مليوون مره من الوضع الحين ...
ساكنه مع اهلي انا اسوي كل شي لعيالي من طبخ وغسيل ومراكض وهم ثلاثه الله يحفظهم واعمارهم متقاربه واهلي عندهم شغلتين ولامره قالولهم اهلي ساعدوها حتى الخدامات صاروا مايحترموني ولسانهم طووويل وامي ماترحمني انا ما اشتغل وماعندي مصرف الا 4000 الي حكمتها المحكمه وتبغيني اساهم في البيت والبيت اختي تشتغل وتحصل اجارات بيت ومزرعه وتقول اختج حراام من وين لها وانا من وين لي اذا صار شي لابو عيالي الله يخليه لعياله من بيصرف على عيالي وكيف بيعيشون ... درهم مايعطوني اهلي وامي تبغيني اطلع من البيت اليوم قبل بكره تحاسبني على الاكل والشرب صرت اي شي بسويه اشتريه من خبز لا اكبر شي صرت احس انها مرت ابوي مب امي وانهم مب اهلي صرت لاتذكرت ايام كنت متزوجه دمعتي تنزل واصيح من قهر على حالي وعلى اولادي مقهوره على حالي والله استغربت طلاقي ومنصدمه منه برغم مشاكلنا عاديه وتصير بين الازواج ...
والمصيبه امي تعايرني بطلاقي كل مافتحت حلجي ذكرتني بطلاقي واني ما انفع زوجه برغم امي حرمه مطلقه واختي ارمله بس ولا وحده كانت تعامل زوجها نفس الخلق امي كرهت ابوي الحياه لانها عصبيه بشكل كبير ولحد مايتصوره انسان واختي كانت انسانه ممله وكئيبه وزوجها كان فرفوش الله يرحمه ولا وحده تذكر خير زوجهت ومحاسنه وما اعرف ليش يعاملوني بهالاسلوب امي كم مره تطردني ما خلى علاقتي فيها عصبيه ونفور حاولت اكلمها بس مافي فاايده دايما تقولي استري على نفسج ابو عيالج ما طلقج الا يوم عرف وشااف فضايحج وسواد ويهج والله يشهد دايما ابوعيالي للحين يقول انا ماشفت عليها شي وانا متاكد انه في حد مسويلها سحر علشان ماتكون مرتااحه ساعدوني اخرج من حيرتي ..
اتمنى يكون عندي صديقات لاني وحيده ماعندي اي صديقات وصديقاتي الوحيدات من خارج الامارات وصعب التواصل بينا ارجوووكم سااااعدوني اطلع من هالحاله الي بتجنني :(:'(:(:'(:(:'(