كيس كبير توست بالحليب
3 صدور دجاج
واحد فلفل رومي كبير مقطع شرائح
حبة جزركبير مقطعة دوائر
2 حبة كوسا مقطعة دوائر
بهارات عمانية مخلوطة + هيل مبشور + كاري مطحون +هيل حب + قرفه حطب +رشة ملح
+ بصلتين مقطعات شرائح + زيت + صلصة طماط
كيس بشاميل ماجي + جبنة مازوريلا مبشور
الطريقة :
أولا سلق صدور الدجاج وفتفته :
نفوح صدور الدجاج مع خمسة حبات هيل وثلاث أعواد قرفة ورشة ملح وبعد ما ينضج نحطه
شوي يبرد وبعدين نفتفته
ثانية تجهيز الحشو :
نحط في المقل شوية زيت ونتركه شوي يسخن بعدين نضيفله البصل والكوسا ونحمس لين يصير لونهم ذهبي وبعدين نتركهم ع جنب نزود في نفس المقلى شوية زيت فوق الزيت السابق
وبعد ما يسخن الزيت نضيف الفلفل الرومي والجزر لين يذبل وبعدين نخلط فيه البصل والكوسا
والدجاج المفتفت ونخلطهم مع بعض ثم نضيف شوية بهار عماني مخلوط ورشة هيل مبشور ورشة كاري وشوية ملح ونخلطة ع نار هادية بعدين نضيف له الصلصة ونخلط لين يتجانس مع بعض ونتركه ع جنب
ثالثا نجيب قدر متوسط ونجهز فيه خلطة البشاميل نص كأس حليب نفرغ فيه كيس البشاميل ونخلطه بالمضرب ع نار جدا هادية حتى يثخن وايد نضيفله من الماي اللي فوحنا فيه الدجاج لين يصير سائل يصير طعمه رهيب أنا دايما أطبخ البشاميل بالهطريقة
رابعا الخطوة الأخيرة
نجييب بروكسي حسب الشكل اللي نحبه أنا أسخدمت دائري وندهنه كامل بزبدة لينه ونرص فيه طبقة توست نكون شايلين الاطراف البنية من التوست بعد ما نرص أول طبقة نسكب فوقها شوية بشاميل وفوق البشاميل نرش جبنة مبشورة وبعدين نجيب حشو الدجاج ونسكب فيه شوية بشاميل ونخلطه وبعدين نسكب الحشو فوق طبقة التوست وبعدين نرش شوية جبن مبروش وبعدين طبقة التوست الثانية وفوقها نسكب الباقي من البشاميل ونرش جبن مبشور وندخلها الفرن نكون مشغلينه قبل بعشر دقايق من تحت نتركها بع ساعة على 120 درجة بعدين نشعلها من فوق لتتحمر وبالهنا والعافية ونقدمها مع عصير ليمون باااااااارد
إذا عجبكم قيموني