مو عارفه وش اسوي

السلام عليكم

انا مو عارفه من وين ابدا موضوعي
بس انا من زود ثقتي بالمنتدى ولاني على طول اقرا منه
ومن زود اني مو عارفه وين اروح ولمنو اتكلم
حبيت اتكلم لكم
يمكن تقدرون تفيددوني

المشكله ما تتعلق بي
لكنها تأثر علي تأثير كبير وعلى اهلي
السالفه ان ابوي بعد 24 سنة زواج قرر يتزوج مرة ثانية
امي ابد مو مقصره معه وربي حتى انها تبديه على نفسها
والحين هي من زود القهر مرضت وصار فيها ضغط وسكري
وهو للحين مصمم
مو عناد ولا شي
لكن يقول من حقه
وهي من جد متأثره بالموضوع خصوصا خايفه على تأثيره علينا
وهم اصلا ما تكلموا بالموضوع معنا
بس انا مع اصراري لامي خبرتني
انا مو صغيره عمري 20 واعرف وافهم وادري ان الشرع حلل 4
بس مافي سبب يخليه يسوي هالشي
وربي انها سوت له اشياء ولاهله ولا وحدة في مكانه بتسويهم
ولا بتصبر على كل اللي شافته
وفوق كل هذا كانت تراعي امه وخواته المريضين
وبعد كل هذا لما توفوا بيكافأها بالشي هذا !!!
يمكن هو من الصدمه النفسيه او مدري وش القصه
بس احنا وش ذنبنا
انا اعتمادي كله على ابوي وامي
وما عندي غيرهم
واخواني نفسي
يعني لو يصير شي في واحد منهم احنا نضيع
ولو صار امي بتموت من حزنها وابوي بيضيع مع حياته

مو عارفه وش اسوي
فكرت روح اسأل ابوي عن سبب الوضع اللي احنا فيه
يمكن يقول من نفسه واقدر اقنعه
هو لانه ما جاب طاري لنا ابدا ولا حتى لمح بالموضوع

بنفس الوقت خايفه اواجه ابوي
لانه من نوع اللي شخصيته قويه وكلمته مفروضه
صح اقدر اتفاهم واخذ واعطي بالكلام
لكن مو لدرجة اني احاسبه على تصرفاته وقراراته
احس مالي جرأة

وبنفس الوقت مابي اشوف امي مكسوره وبتضيع من يدنا واحنا نضيع
ابي حياتنا ترجع واقنعه

امانه نصحوني وش اقدر اسوي